呵呵話說工作天昏地暗，之前一直沒留意何時立法會選舉日，直至有民調電話打來....
問我...我係邊區，我知唔知一人可以投兩票...
陸續收到候選人單張，先知道自己的選區有哪些候選人
小妹每屆都會投票，盡下公民責任...
今年，我的選區一共14個候選人，揀來揀去，最終揀了社民連的吳文遠....
以前只能從報章和電視新聞大概知道立法會議員的言論、議案、動向
自從幾年前安裝了NOW，佢的新聞台直播每周各大小立法會議，呵呵周三的會議成了我最愛看的節目之一
睇佢地開會，我認識香港多了很多，也知道一些民生議題的細節
我覺得，父母應該讓孩子看立法會會議，好過只看報章和新聞的評論，順便教通識
認識多了，就能夠決定投票選誰
今屆我最想選的是張超雄，上一屆他入唔到真的很可惜，今次他出戰新界東區
很欣賞他的理念和品格，他認為，一個社會的文明...在乎是否關懷弱小
沒有打着漂亮的旗號，沒有請街坊蛇齋餅稯，默默服務社會
可惜我已遷離新界東，不能選他......
但是，這兩天我好開心，因為煩惱要投給哪位民主派人士，但他們的表現說實話真的叫我失望，於是我看晒幾台的立法會選舉論壇，再上網找找他們的資料
結果，出乎意料之外，我一向唔太支持語言暴力、肢體抗爭，雖然我很支持長毛、黃毓民的政治理念（所以我很欣賞張超雄），不過，今屆在本區參選的社民連副主席吳文遠，他有清晰的理念，語言也不暴力，一改以往我對這個政黨的看法，今次我會支持他 : )
甚少談政治的我，很想為兩位打氣，加油喔!!
我們的社會的堅尼系數那麼高，貧窮人百多萬，而且，香港本來就是多元化的移民城巿，近年更有很多大陸人移居香港，令本地人承受很大的壓力
我們需要多一點關愛、寬容，多一點正能量，我相信香港有很多熱心人，但願我們一同建造一個美好的香港
九月九日，一齊投票啦
呵呵..... 夢夢唔瞓佢的專用床....係都要瞓在sink盆上的晾碟架.....
話說，小妹還沒為夢夢舉行「下水禮」....我怕佢吹唔乾D毛
遲D我的美容師朋友話上來幫佢沖涼
於是，夢夢就變成白老鼠....阿娘買了不同的護理品俾佢試....
效果~~~ 由於夢夢合作，多數佢都投降...只有最後一項...唔得
這是洗淚痕的，我順便用來抹耳仔....陣味我唔鐘意，佢都算將就...
這是牙刷，呵呵係初生BB用的，趁佢瞓着「隊」入佢個咀...都OK嫁，刷毛係軟膠，基本上咬唔爛
覺得好過貓狗專用的，那些好似好大支...
這是乾洗的lotion，查上身，好香baby lotion味（太香夢夢唔like），潔身+順毛，都OK
這是夢夢的貓草脆脆餅，唔算咸，貓貓喜歡食....
這是濕紙巾，用來抹屁屁和身體，幾好用，100張89元，用到一個半月...
這是用來噴牙和牙肉，說是有enzymes 和flur，可以防牙石....
結果，一噴...佢好唔鐘意，再噴...佢就噴....口噴白沬....嘔好多口水...
我真的感到很抱歉，陣味一定令佢作嘔...結果俾佢咬番幾下補償
如果在看這文的貓友，你地的貓貓用開呢支潔牙水，歡迎告知，讓我把它送了給你，免得浪費........
近來通宵多天，精神不振，仍在趕工中，身體不聽召喚...嗚嗚...
但見身邊的夢夢，成日走來爬我張大班椅，扭我同佢玩...
好想說﹕主啊，感謝祢賜我一隻有獨立思考能力又聰明的生物.......
因為她的許多「估你唔到」的行為，為我的生活加添了不少樂趣，讓我從中學習到人生道理
也令我真真切切的感覺到，她是一隻生物... 不是我把她擺在那裏，她就在那裏，我要她吃甚麼，她就吃甚麼.......
忽發奇想....源於吉吉媽受訪問的那篇blog，寫她是貓痴....
（呵呵我也是貓痴喔.....幼稚園級的....）
不如來一個唔科學，開心為上的統計，看看各位貓貓友，你地的貓貓食的、住的、用的、習慣.....
我自己的情況寫在留言中
1. 你的貓貓而家食的貓糧係邊隻? 點解要選呢隻?
2. 你的貓貓而家用的貓砂係邊隻? 點解要選呢隻?
3. 你之前有冇用過其他貓砂? 點解要轉?
4. 你貓貓絕了育未﹖幾歲絕? 絕了之後行為有沒有改變?
5. 你地用甚麼清潔家居? 有冇好介紹...例如清潔劑、殺蟲水?
6. 你家有甚麼看門口的貓藥? 有冇好介紹...比如身體各部份的藥品
7. 你的貓貓體重多少?
8. 你的貓貓食量每日約多少?
9.你的貓貓一日飲多少水? 你點樣餵水?
嘻嘻...好多問題....鐘意點答都得，唔答都來睇下喔~~~
我會在兩周後係咁E做統計，歡迎多多留言，希望可以會對新手、或者正為貓貓事愁煩的朋友，提供一點點亮光
話說.....我成日紙上談兵，但貓貓係有個性的生物，隻隻都唔同不特止...
性格、心情、胃口....都會影響到佢地的行為，仲有作為貓主的我地的行為又會影響到佢地...
心裏有以下無聊的迷思，想八下其他貓貓係點樣，各位貓貓奴.....你地點睇呢﹖
1. 貓貓使唔使沐浴呢??? 我未試過同佢沖...怕吹唔乾會生癬...但佢又極怕風筒聲~~
2. 貓貓沖完涼，毛色會唔會變白D??? 以前隻貓兩個月沖一次，唔覺佢毛色白左...
3. 貓貓使唔使出外曬太陽?? 定係，坐在窗前已經OK? 老大話係咪要放企出去曬下太陽...我唔肯，怕佢惹到病...
4. 貓貓一日究竟要食幾多野呢.........幼貓係咪佢食幾多，就俾幾多?
5. 貓貓與主人分別太久，會唔會認唔到主人呢...各位去旅行的話，點算呢貓貓.....
6. 我隻貓貓個身有陣貓味...企用口水沖涼...口水有陣貓糧味~~~ 嘻..... 各位的貓貓係咪都係咁呢~~~
7. 如果貓貓屁屁有便便...貓貓會lam番嗎~~
嘻嘻...歡迎有理性、無理性、認真、無聊的分享
哈哈，貓友們的分享都在留言裏，下次等我做下貓貓野的統計先
今期工作快完成.... 趕到七彩，想到將來能夠幫助到好多人，就好開心
今日想介紹一款好有趣的用品，不是新發明，小妹前幾日去吉吉島有人在宣傳洗衣用品時，送的贈品
牌子名﹕Dr. Beckmann，德國品牌，七十年歷史
用品名稱﹕潔淨護色紙
用法﹕只需把一張（太深色衣物用兩張）與污糟衫一齊放入洗衣機
功用﹕吸收並鎖住衣物甩出來的浮色，不致污染其他衣物
小妹試過好多次，買了新衫回來唔記得分開洗... 又唔係好深色的衣服噃...
點知，當然係白色衫被染...試過兩次染到老大的外出服...感到十分抱歉
究竟其效果如何，請看下圖﹕
這是贈品介紹的招紙
這是洗完衫後，拿番出來的網布，見到一忽忽的粉紅色嗎...
我放了一件甩色的桃紅色外套，結果真係吸收了它的浮色
重要的是，其他衣物沒染到色...
試驗結果...係WORK的，但甩色好嚴重的唔知得唔得......
同場加映...
在我拍照時，貓貓好唔客氣咁.... 不停咬我的玉腿.....>"<
哎唷...
話說牛牛媽講起換牙，我就夾硬打開貓咀看看..
見佢後面的牙真係出緊牙仔.... 而且牙肉紅了....
請問各貓友，這是否正常??? 出緊牙的地方紅了...
佢近來食少左野..... 雖然都有便便，大約等於以前的三分之二份量....
今日呢，佢玩的時候，撞傷左隻耳仔，噴到成地一點點血，嚇屎我
以為佢爆缸....
捉佢來睇（佢就來憎屎我...成日捉佢）...
發覺企只係耳仔邊流血...眼仔有D野，我好驚撞親佢眼仔
我同老大為企禱告
後來見企眼仔又精靈番...耳仔沒流血...
好後悔上次唔捨得，冇買支神仙水.....嗚...
仲又唔記得波波媽（好似係，我好冇記性）話的消炎膏...
在此請教各位，你地有甚麼睇門口的貓藥介紹，我明天走去買....
下次要訂支神仙水.....
企好百厭.... 我昨天同企玩時，佢衝過來我隻手時，我唔小心好大力撞到佢下巴... 我估企好痛，因為我隻手都好痛
感謝主，我在雨潔之家找到一點點資料，關於換牙...
http://tw.myblog.yahoo.com/ilovenicky-100/article?mid=63109
相信因此，貓貓食慾不振.............
呵呵貓友KIM提供了一些有用資料如下﹕
１）換牙牙肉紅係正常架，係牙肉邊，重有小小味
２）如果只係損左，可以去藥房買ｕｎｉｓｅｐｔ（提子水）係消毒用
３）神仙水我最近都有買，８ｏｚ－＄３２８（ｙａｈｏｏ拍賣會平ｏ的）不過你要買保質期有１．５年，即係要起碼２０１４到期先好買）
４）貓貓食慾不振可能因為出牙，你俾罐罐／自煮雞肉呢ｏ的軟軟的會好ｏ的
