貓砂新試，Cat's Best紫標粗粒木砂（凝固砂）

小妹成日寫貓砂... 有興趣的朋友可以爬下本BLOG之前的網文...
我只試了五個牌子

之前用的植物砂~~~ 植物之芯，我覺得很不好用...
因為凝固力不太好，乾燥得慢，貓貓一抓就散...（有便便的話，乾燥速度快一點會更好..... ）

今次唔再貪平，買隻貴的木砂試試

這款木砂明顯重磅~~~ 希望耐用啦...
我把它與豆腐砂溝埋用，效果~~~~

很好.... 吸水力不錯，凝固力也頗好，乾燥速度唔算快，不過加埋豆腐砂一起用，就唔會變成一pat....

也不臭，算大粒，同豆腐砂差不多

請看圖...

一些養MEOW的迷思~~~

話說，小妹神經質使然，很怕養死隻寶貝貓....領回來之前好努力咁看資料，希望盡力做好主人的責任..

發覺，以前年代有些養貓的做法...其實對貓貓唔好嫁

如有錯誤，歡迎指正，更歡迎分享你們的經驗

1.~~~貓貓主要食糧是魚和牛奶...

X... 其實貓貓不能食過多的魚，否則容易造成黃脂症，也最好不要餵牛奶，不少貓貓身體不能消化其中的乳糖，會對腸胃造成負擔

其中一篇參考見﹕http://www.wretch.cc/blog/mavissonice/23836970




2.~~~餵貓食飯

X... 由於貓貓其實是純肉食動物，其實不應吸收過多碳水化合物... 否則容易引致肥胖... 糖尿或其他消化不良病症

米飯和五穀其實包含不少碳水化合物，盡量少餵為佳，朱古力、糖之類甜食也要避免

所以，小妹選貓糧時，盡量不選含有大量米飯的乾糧，家貓運動量已經不多，消耗不完的營養（碳水化合物）容易令貓肥...

http://www.peteducation.com/article.cfm?c=1+2243+2244&aid=2641




3. ~~~ 貓咪唔食你餵的野，餓佢幾日就會食...
X... 貓貓有一種特殊的身體機能，餓太久，會將體內脂肪利用來做能量，這樣容易造成脂肪肝...好大件事嫁....

千萬不要讓貓貓餓太久...

http://tw.myblog.yahoo.com/jw!nqb5.u6EGRk.I8tEM6gV/article?mid=2544




4. ~~~ 俾貓飲生水咪得囉...
X... 這個本來無問題，不過，據統計，我們的自來水中，偶然會有寄生蟲，一種叫梨形蟲的寄生蟲常見於生水中（美加、港台都有），人食了落肚，中了招會痾嘔，然後自癒，但係貓貓食左落肚就好麻煩，會血便，暫時沒有有效又安全的疫苗可預防，藥物控制都可能返發....

殺滅這種寄生蟲好簡單，就是煲水，或者用專業的濾水器（梨形蟲約5 μm大小）

http://tsm.epa.gov.tw/drinkwater/qual/q05/4.pdf

http://tw.myblog.yahoo.com/ilovenicky-100/article?mid=33642



5.~~~唔使安裝窗網，貓貓有九條命，冇咁易死，佢識得分架...

X... 這個呢，前幾天有人同我傾開，話想領養貓貓時義工要求佢地安窗網，但佢個窗好大，遲遲未安，領唔成....

貓貓係非常好奇的動物，雖然佢知道高處墮下會死，但總係想出去看天、捉雀仔.... 一時差錯腳跌死的貓、一時忘形走了出去入唔返來的貓....年中有好多

小妹以前的一隻愛貓就係唔小心跌死了....

奉勸想養貓的朋友，為了貓貓安全，要安窗網

或者，加窗鎖都可以...

3M water saver 省水閥介紹~~使用一個月後更新

布料小店重開了，在臉書facebook，歡迎來坐坐~~

https://www.facebook.com/sewinlovewithjesus

<啟事> 呵呵，現在香港水務署免費送出類似這種節水器，是平價經濟版，沒有那個開關掣，大家有興趣，可以填寫以下申請表，交給水務署...或致電問一下

http://waterconservation.hk/img/redemption_tc.pdf


更新寫在前頭先﹕使用一個月後，覺得都幾好用，但係發現一件事
有時佢個頭會自己關閉出水，但我沒有按關閉掣（因為我唔用佢個自動掣），相信係因為我的水喉出水有雜質（砂粒、鐵锈），個3M頭有些塞，不過我唔知佢個頭本身（有隔砂網）能否打開....
呵呵今日小妹想介紹下...呢個3M省水閥...

留意左好耐，因為價錢貴（100~165元），覺得唔值（單純就省水費來說），加上小妹又懶去量度水喉出水位，一直沒買...

近日老大突然提起，話可以省水費又省水，環保喔...

這種省水閥有三款﹕45%省水、84%省水（花灑式出水）、45%省水+360度旋轉出水口...

最後那隻要165元左右...前面兩隻約105元

介紹﹕http://solutions.3m.com.hk/wps/portal/3M/en_HK/Filtrete_Home/OneTouch/

我選了45%省水的，因為我的水喉出冷熱水兩種，84%省水那隻未必適合出熱水的...

3M是大牌子，用品素來質素穩定，而我buy佢的原理，長遠能省水是毫無疑問的事..

而且，水閥有一粒「的」，是開關掣，很衛生的設計，見下圖...

佢的設計是，你可以用原本的水掣開關，也可以用那粒「的」來做開關掣

好處﹕

省水
容易安裝和拆除（另附帶一個稍大的環）
衛生（開關水掣時，手不用碰原來的開水掣，那粒「的」的開水過程中，順便清洗埋），最適合在厠所使用
四人或以上家庭，一個月應該省到不少水...
可以固定出水量

但是﹕

價錢較貴，若單純想省水費，未必划算...

要注意的是，這種水閥會增加出水的水壓，因此，如果龍頭質素不太好，你用粒「的」控制開關的話，水可能會在龍頭某個部位滲漏...如果來水喉有裂，甚至漏水...

在這情況下，就不能用粒「的」，要用原來的水掣，如果水喉本身有漏水問題，就唔好買這個，最好先檢查一下，條喉有冇漏水情況，否則會令滲漏問題惡化

小妹本來用在廚房，想用粒「的」來做開關，可惜因為我的水龍頭本身部件的接駁位不夠「貼」（質素一般吧），在開水掣滲漏... 於是我改為安裝在厠所...

水掣全相﹕

開出的水看去水量沒分別，其實中間加多了空氣... 變相省了水

這是水掣粒「的」，開關掣，留意水龍頭自己的開水掣我抽高左...較定了水量，以後可以唔使較，出街或睡覺可以柵左個水喉的掣，就好安全

這是隨附的較大的安裝環

我在廚房流理台的日子~~~ meow

呵呵話說，小妹幫貓貓買了飲水機....
因為，因為，現在我的廚房，不再是昔日的廚房......
 


看看這像甚麼.......................



雖然加了兩個金鐘罩...貓貓還是能穿越...........



在案發現場被逮到後..... 她就扮無事.......

這究竟是我的煮食爐，或是她的「玄冰床」.....

 

 

看過了後，相信大家明白為甚麼我很想讓她用飲水機......

有燒春鷄陪我~~~不愁寂寞矣

 

呵呵... 常言道... 人生得一知己，死而無憾

那麼，人生有一燒春鷄...陪伴在側... 又如何

夢想成真的我... 實在感恩...

媽媽...我好悶.....

悶都陪下你啦.....



 最後講下小妹的橡筋粥...
這幾天我煲粥時，都會放一些淡米黃色的魚乾...在西貢碼頭那些漁船度買，想支持下本地小販...
不過... 以後我未必再去買了...
事關呢... 連續兩次煲粥，放了a handful 的魚仔.... 有用水洗，但冇仔細逐條洗...
連續兩次食粥都食到橡筋....上次我以為自己唔小心連膠袋的橡筋都放埋落去...
但今早食的時候，又食到了........呢次就....一定唔係我唔小心...
材料中，只有魚仔可能混入橡筋，因為色太似，洗時睇唔出...
呵呵... 原來除了新聞有膠的之外，魚仔都有膠的

Meow~~~新手滴藥...親襪貓

話說....今日第一次自己幫貓貓杜蟲，從醫師處方了revolution的杜蚤藥....

搞左好耐，終於滴左... 點知發覺... 滴歪左少少，貓貓可以LAM到少少...

找遍家中毛巾...都太厚了...

唯有用隻飛機襪....貓貓今晚都要親下襪先.... 

下次滴得好D，或者買個喇叭罩返來




先送一個精神的樣先

 

佢唔鐘意俾野圈住條頸...

你話佢係咪好有型呢

咁樣扎住來睇，好似爆左頭咁樣...媽媽鐘意（夢夢抗議）

catit small drinking fountain 飲水機 + 走珠式飲水器~~~ 2013年後記

最後補充2013年的後記~~~關於飲水機

呵呵這幾天趕工，幸好開了個BLOG，識了一群貓友，實在很開心...
看看自己的寶貝，又看看別人的寶貝兒... 雖然疲累，但仍然有energy繼續........做家務.....

無計，貓貓好似BB咁，做媽媽的唔打點佢的日常飲食衛生... 佢自己唔會自動自覺

近排唔知做mut，貓貓一向喜歡的濕糧，佢唔想食.... 連鷄湯都唔想飲....

近日連乾糧都食少左... 發育時期... 我當然想佢每日增磅...

貓友介紹一些濕糧...我買了，我覺得好香噃... 點知佢一啖都唔食... 寧願餓一日...

又唔飲水.... 淨係成日跳上sink盆去搞我個濾水器龍頭... 整到周身濕不特止...

仲要跳入sink盆到玩...

於是，小妹就「斥巨資」（其實唔貴），買了個電動水機 + 走珠飲水器

希望佢會飲多D水啦...

本來，想買drinkwell的free fall 瀑布形水機，但聽聞會起水垢，清洗比較麻煩，嘈音較大，又大部

就買住個catit先啦...希望貓貓「高抬貴咀」，賞下面，唔使再浪費媽媽的錢.....~~~~~

這就是catit的2L版，我見外國（美加）網上官網都無這個型號... 只有3L，係咪因為外國地方大，好少人用2L呢??




點擊可看大圖...


這是走珠飲水器...
很結實的一款



其實2L同3L的機身大小一樣，只是3L高D，可以盛載多1L的水，因為佢地的濾芯網係一樣的...




另一隻是俾小動物（兔鼠或細狗仔）在籠裏面用的，不過我見貓貓咁鐘意去LAM我個濾水器個咁，佢個樣同呢個走珠咁似..試下

安裝容易，有個螺絲母可以擰在1.5CM或以下厚度的柱子上，但我就用3M的粘貼，貼上牆....

 

 

我見貓貓飲水高度剛好，相信3個月以上的貓可以了，太細隻就可能唔夠高...

好細部，而且超靜，個摩打仔可以拆出來，清洗好容易，成部機﹕機殼+ 摩打+濾芯托+ 出水膠蓋，就咁多了...

出來的水唔會噴到四圍都係，不過，貓貓一定會玩到周圍濕...

 



不過，貓貓好似唔係太感興趣... 佢對部水機.... 有興趣

飲水~~~~唔係點飲囉....唉


2013年後記

由於阿夢唔係點吼個catit水機....之餘....仲呢...

將個藍色面蓋連根拔起，成日搞到個廚房地板一灘水...

最後夢媽唯有斥巨巨資....

訂了一個陶瓷的貓專用飲水機....

個外型係佢好鐘意的「水喉出水」型....

結果佢都算俾面，一直用了半年

那部機的好處是，人食用級的陶瓷+顏料做的（好多巿面上的都唔係）

然後就是唔使特別買濾芯，只要用優質的活性炭（我就用人食用那種備長炭），一年左右換一次....

由於是陶瓷，不會有水垢，清洗容易

雖然部機價錢貴，但係唔使個個月買濾芯，一年可以省下數百元

礙於承諾了賣家不在香港網站宣傳他的產品，所以小妹沒有上傳照片