近來通宵多天，精神不振，仍在趕工中，身體不聽召喚...嗚嗚...
但見身邊的夢夢，成日走來爬我張大班椅，扭我同佢玩...
好想說﹕主啊，感謝祢賜我一隻有獨立思考能力又聰明的生物.......
因為她的許多「估你唔到」的行為，為我的生活加添了不少樂趣，讓我從中學習到人生道理
也令我真真切切的感覺到，她是一隻生物... 不是我把她擺在那裏，她就在那裏，我要她吃甚麼，她就吃甚麼.......
忽發奇想....源於吉吉媽受訪問的那篇blog，寫她是貓痴....
（呵呵我也是貓痴喔.....幼稚園級的....）
不如來一個唔科學，開心為上的統計，看看各位貓貓友，你地的貓貓食的、住的、用的、習慣.....
我自己的情況寫在留言中
1. 你的貓貓而家食的貓糧係邊隻? 點解要選呢隻?
2. 你的貓貓而家用的貓砂係邊隻? 點解要選呢隻?
3. 你之前有冇用過其他貓砂? 點解要轉?
4. 你貓貓絕了育未﹖幾歲絕? 絕了之後行為有沒有改變?
5. 你地用甚麼清潔家居? 有冇好介紹...例如清潔劑、殺蟲水?
6. 你家有甚麼看門口的貓藥? 有冇好介紹...比如身體各部份的藥品
7. 你的貓貓體重多少?
8. 你的貓貓食量每日約多少?
9.你的貓貓一日飲多少水? 你點樣餵水?
嘻嘻...好多問題....鐘意點答都得，唔答都來睇下喔~~~
我會在兩周後係咁E做統計，歡迎多多留言，希望可以會對新手、或者正為貓貓事愁煩的朋友，提供一點點亮光
1.乾：artemis濕：almo nature。揀artemis 因為見阿沙dee哥食到肥肥大大，靚靚仔仔、健健康康。almo nature 濕糧天然丫麻。以上原因其實都係其次，最重要係兩件老細肯食，尢其靚妃，食開rc都幾日肯轉曬食artemis
回覆刪除[版主回覆08/10/2012 17:40:36]Artemis我貓貓都有試糧，佢肯食噃，又唔算咸，我覺得都OK噃....
[版主回覆08/10/2012 17:34:33]謝謝您咁詳細喔.....呵呵等我收集左先...
呵呵暫時只有你一位俾意見，希望盡量收集多D...
其實我都覺得almo濕糧天然，聞落去冇咁咸，唔會有那種似麻油的味...但我夢夢近來唔知點解突然唔食...
[阿七回覆08/10/2012 09:48:11]8>子彈：大半罐濕糧、一條烚雞柳加乾糧放題。
妃彈：小半罐濕糧、半條烚雞柳加乾糧放題
9>盡量比佢地飲到一支益力多份量咁多既水
[阿七回覆08/10/2012 09:44:57]4>子彈未絕，希望一歲以後先做。妃彈6個半月前主人幫佢絕左
5>EC clean 但每週只用一次。殺蟲水?無 wor，有昆蟲就叫彈爸攪掂佢
6>貓藥? 有冇好介紹？又係無，等你統計完參考
7>子彈9磅幾接近10磅，妃彈未磅過，我估有7磅左右
[阿七回覆08/10/2012 09:38:25]2>cat best 紫加 貓砂樂園。
貓肯用，結得幾好同埋加左紙砂後就算屙大都唔臭！
3>以前用豆腐砂，都好用但吸味唔及cat best +紙砂
我的情況如下﹕
回覆刪除1. 濕糧﹕innova EVO, Almo nature鷄味各種（近來突然唔食）、Schesir的鷄+波羅...
因為innova食緊乾糧，順便食埋濕糧（但佢唔係肉塊... ）、almo nature夠天然，味較淡...Schesir貓友推介，覺得都唔錯，但我夢夢只肯食水煮的鷄，啫哩型佢唔食...
乾糧﹕innova EVO、 Orijen 、Chicken soup
頭兩隻因為係無穀天然糧，各方面評價很好，chicken soup係之前店舖俾的試糧（一俾俾左好多包）... 成份都唔錯
2. 貓砂﹕單孔通心粉豆腐砂 + cat's best紫標，詳細我在其他網誌都有提及
3.貓砂，點解要轉﹕用過植物之芯，麻麻地，本身有陣怪味，濕左比較難聞...
4.絕育﹕未絕，打算年尾絕...
5. 清潔劑用緊B&B，低毒不刺激性，鐘意佢陣味似醫院的滴露... 間中會用漂白水洗地布... 用m2 oxide清潔門口玄關位，低毒
另外，殺蟲水我用緊BIOKILL（室外）、Miteout（室內）
6.暫時冇貓藥...
7. 暫時2.85KG
8. 每日乾糧約40~45G
9. 飲好少水.... 唯有溝入濕糧... 可能飲到30ML....鷄湯（佢心情好肯飲）就飲約80ML
[版主回覆08/11/2012 19:07:25]隻衰豬淨係肯食鷄.........咁已經有好多款唔食了....
等我去看看先... 我在QPET見到好少款，吉吉媽話D味成日斷貨，你講的味我都見唔到...等我上網看看先
[kim回覆08/11/2012 17:53:15]唔食唔好買啦,呢隻有好多味,睇下有無南瓜,芝士味....
[版主回覆08/11/2012 16:24:47]我俾過萍果罐佢食...佢唔食...不過我都認同你講法...會再買一次萍果
[kim回覆08/11/2012 16:14:14]'Schesir的鷄+波羅' - 波羅'濕熱'喎,不如你揀蘋果味啦
乾糧是RC的baby34同EX35/30。想轉wysong或almo nature，但lucky太硬頸，轉糧失敗！貓砂一開始用凝結砂，但多塵，轉豆腐砂他不用，現在用木砂，系檜之香，我覺得ok，冇甘多塵。d砂大粒少少他又不會老是撥砂，隔兩層，小便過濾系下層，5驚整汚糟他的手手腳腳。下層的砂又結得不錯，好易打理！現在一日清一次砂盆就夠，以前是一日二至三次。lucky飲水多，尿尿也特別多過貓……-_-b
回覆刪除[版主回覆08/11/2012 20:52:55]好噃，我去睇睇先，唔該晒你喔..
查實國內的人而家雖然有錢左好多，但係對進口貨的資訊仍然比較封閉，除了一些有錢的沿海城巿的人會認識得多D，好多國內人都唔識分是否進口嫁，明明出口貨，佢話係進口...
所以我在淘寶買野，要預左係出口、山塞都唔介意，我先會買...睇下佢評價好... 上次我買的貓籠...運到來香港，嘩因為佢用個好大的盒.....二百幾蚊運費（連埋一個大玩具）.... 計落都平過在香港買，而且我見香港賣的都一模一樣...
食野千萬唔好同佢地買，我用順豐比較好，呵呵聽國內的人說，買一隻鴨（咁都可以網購.....）結果送來的係俾人食晒D肉的鴨殼...估計中途轉運旳快遞員拆左件貨囉....
[Luckymeow回覆08/11/2012 20:40:32]lucky一開始系呢間買咖！宜家有返貨～
[Luckymeow回覆08/11/2012 20:39:11]http://www.fairylikeonlineshop.com/
[Luckymeow回覆08/11/2012 20:38:24]我實差評他啦～5可以由得他繼續呃顧客……呢個系專登賣假野的機會大d咯=@~@=
系吖，不可以以偏概全，都有良心賣家……lucky個貓砂廁，訓練上人廁的廁板（因lucky不喜歡只用了一天就收左起來lu），同埋幾把蚤梳，兩套針筒系另一家買咖，都好好用！服務態度又好好。貓砂廁道門一邊爛了，應該系運途中整到的，同對方講完之後他好清楚甘計運費發給我，話若換貨退款的話，由於地區問題，他會負責返國內的運費，港區的問我自己付的話有沒問題。或我付呢邊的運費，幾多錢他用支付寶比返我。
我個人覺得能用不影響效果就可以，系門板度用熱鐵絲鉆左個孔，用得返就冇再追究啦……但今次潔齒粉就真系過分了，食入口的又怎能馬虎……(>﹏<)
[版主回覆08/11/2012 19:58:10]唔該晒luckymeow，係淘寶我唔買野食....也不買貴野...
我個籠係淘寶買，但我都唔知係咪正貨（佢話係），不過我用落又好用，就唔理了...
唔係話淘寶的店主一定賣假野，但有故意些賣假貨，有些賣左都唔知...
佢咁樣唔得噃...你差評佢啦...
好，等我去看看先...wysong
[版主回覆08/11/2012 19:52:59]唔該晒...KIM..
LUCKYMEOW...家興是小型超巿...在紅磡、西灣河近筲箕灣、屯門（好似係）都有分店...佢好多野都平呢
[Luckymeow回覆08/11/2012 19:52:58]夢夢媽，這潔齒粉是兩用的，可灑在糧上面潔齒之餘更增加食欲，對腸胃又有幫助！不過因為要控制lucky的食量，我5會直接灑上去，而是放系牙刷上幫他刷牙，當牙膏用！
若你要買的話儘量咪系淘寶買……香港＄168，我打電話問過代理商，確實了是正貨，3oz。d粉系白色的。但有次香港斷貨，我系淘寶淘，￥180，取到貨才知系流野，d粉系黃色。我找對方理論，他又堅持系正貨，話系色差問題啫……等我截圖比他睇，質問色差一說的離譜，他倒轉態度話比退貨，但5會退款，筆錢凈系可以轉買第二樣產品，換貨來回的運費仲要我自己負責返……我真系寧願5退，當買個教訓……講真那句，我點知第二樣產品系真系假啊O_o
系度提一提，淘寶淘野方便，但盡可冇買寶貝們的食品！安全健康第一！或買之前問清楚……今次有顏色辯到真假，若我是第一次買，實害了lucky仔π_π～
[Luckymeow回覆08/11/2012 19:27:25]kim，請問家興是寵物店定系類似超市的雜貨店啊？乘週末我又去看看，對下價錢！
[kim回覆08/11/2012 19:19:05]Monpeti係'家興'賣得比其他超市平,你可以去睇睇
[版主回覆08/11/2012 19:13:53]明白...咁睇來Lucky係敏感體質，呵呵yahoo blog有好多貓主呢，有D有敏感貓，支持你，真係有耐心了....
你話敏感那隻可能是revolution，真可惜佢用唔到，呢隻好好喔..
敏感就唔好俾其他肉佢試了....RC係多味精，佢肯飲咁多水，應該OK啦...
因為都係怕味精多，對個腎唔好，飲水有幫助喔...
呵呵所以話佢有5.2公斤，好大隻呢，一般4公斤算係大份嫁...
請問你用的潔齒粉是灑在糧上面嗎?
等我去看看有冇得賣先...
好，我去看看先。而家甚麼都加價... 真係
[Luckymeow回覆08/11/2012 17:38:47]只湯包系Monpetil的，超市有得賣！剛剛出只要5元，我買了6盒（一盒12包），他一次一包5夠喉@_@……因為系湯包，得少少渣咋～所以我比他當零食，5當主食，5系5夠飽！宜家都剩返幾包，遲d再入貨。前兩日我去睇過，宜家系7.9元一包O_o……若寶貝飲得水少，呢只絕對是最佳選擇，味道都好幾種，值得一試(*^@^*)
[Luckymeow回覆08/11/2012 17:25:59]他對海鮮敏感，5食得！市面有羊肉兔肉鹿肉，但我就5想餵呢d比貓食，他就凈系食得雞咯+_+
醫生開過一隻滴劑比我，可同時杜體內和體外的蟲，5知系咪你講的這種，我沒留意到添。但lucky對它敏感……用左第一次我5敢再用啦，轉送比義工，他貓多用得著，無謂放在家中浪費左>:-<
其實試過十幾只糧咖啦，有d他的體質不適合，印象最深系hills，嚇得我啊，宜家想起都怕怕，不敢比他接觸了……有d就系健康合他身體他又5鐘意……好似wysong甘，難買系難買但真系好好咖，他又5食……我見食wysong的貓狗d肌肉好結實，5會好似lucky甘d肥腩蕩下蕩下，便便又靚又5臭……而lucky仔用wysong的潔齒粉又真系幫到他，證明呢只牌品質優效果好，但他真系寧願餓都5食……冇他符
－O－唐貓查實3、4公斤就足夠咖啦……他系overweight〒_〒
[版主回覆08/11/2012 11:51:06]呵呵先謝謝你咁細心分享
你有冇試過其他糧?? 有好多隻貓糧... 不過貓真係硬頸，佢唔肯食...由得佢成日，佢寧願餓都唔食...
肯飲水好好噃... 呵呵雙層盤的好處就係易打理呵呵
E...你貓貓同我貓貓的口味似噃... 湯包係咩東東?
你有冇用過revolution呢隻杜蚤藥? 係醫生開俾我的，診所有得賣，呢隻藥可以杜蚤 + 耳蟎+心絲蟲...
你貓貓肯俾你刷牙嗎.......我發覺我貓貓竟然肯清醒時俾我剪指甲...但就唔肯刷牙...
5.2KG，唐貓算係重噃...不過睇你貓的食量，應該係健康地大隻...
等我去睇下你貓貓先
[Luckymeow回覆08/11/2012 10:07:32]5.2kg～早晚各二杯幹幹，1/3個罐鑵，脫水雞雞10粒左右。一星期幾次親手整雞柳，撕成絲的話他一次食差不多一條半+少少南瓜/蘆筍/胡蘿蔔/紅薯/蓮子。飲水他好多，差不多一天一碗（都幾大碗咖……）
[Luckymeow回覆08/11/2012 09:59:58]絕育時lucky11個月大*^÷^*前後一樣，性格冇變……冇特別指定的清潔藥水。看門口的貓用品都不少——有otodex的皮膚膏，oridermyl耳蟎藥膏，petnsun耳蟎噴劑，tycoon洗耳水，屈臣氏的消毒水（粉紅色），杜蟲藥，止瀉藥，止血粉，關節膏，營養膏，漱口水，牙膏，潔齒粉，殺蚤水
[Luckymeow回覆08/11/2012 09:42:40]濕糧是schesir同almo nature，純雞味或雞+南瓜；偶爾會給湯包（雞絲+胡蘿蔔絲）
1) 沙 Dee 食 Fish4cats 多 + 少量 artemis 乾糧 (食咗 fish4cats 阿仔 d 屎巧靚, 不過佢鍾意食 artemis , 所以加少少俾佢食)
回覆刪除2) Golden Bonta 水晶貓砂 5 L (缺點 : 大塵 )
3) 人地話 catbest 木砂 (好).........試轉, 但係阿仔玩唔痾 (放棄)
4) 絕咗啦, 阿仔差少少 2 歲絕育, 手術後....再細膽 d & 再乖 d
5) 每星期都會抺屋 (清水) & 吸塵 1 次 , 有訪客....會加料用 "滴露" & "橙威寶"
6) 無
7) 10 lbs 到掛 ( 9月話你知 ~ 阿仔打針)
8) 2 次"愛心廚餘" + 3 次 乾糧 ( 大約 30 + 粒 / 1 次)
9) 唔飲水 , 咪係果 2 碗 "愛心廚餘" (臨瞓前老公會迫佢飲多少少水)
[版主回覆08/12/2012 15:18:12]
[小強之家回覆08/12/2012 09:57:35]3 次乾糧 數目,今朝點算過啦 , 正確係
每次係 35 粒 Fish4cats + 12 artemis
[版主回覆08/12/2012 00:04:10]呵呵你講起，夢夢...的屎屎都好靚，同隻糧係咪有關的呢...我好似未見過佢肚痾....
睇你仔仔咁肥....應該唔只10磅...
唔該晒你喔....
佢飲咁大碗廚餘，仲肯飲水
好多問題呀!...我屋企呀!!<細仔>只知道佢飲食/大小便ok就ok囉.
回覆刪除一有覺得問題就去愛護動物協會,check下佢囉
[版主回覆08/11/2012 23:54:55]呵呵呢個只係統計下...
1。RC Young Male + Venus+磨牙波波+罐罐+烚雞，因為肯食！
回覆刪除2。Cat's Best 紫色，因為長毛吉適用！
3。有！蘋果砂用左比較長時間，不過怕香味太勁佢地會敏感！
4。已絕育，大約八個月時攪的，冇異樣！麻醉針份量似乎剛好！
5. 清潔用sun & sun 及th4
6. 約8kg + 4kg x2
7. 食量每貓每日乾糧1嘜左右加60g濕糧
8。唔使餵，好愛飲水 ，意粉兜2個各比一半水都飲倒一半架！
[版主回覆08/16/2012 16:40:16]哈... 你做好人，老公做醜人
佢成日掃晒我枱面的野落地（掃埋我老大個IPHONE...好彩冇壞...否則佢就慘了.....被老大厭惡...）...我的所有枱面基本上都預左佢會掃野....
但係佢明知我唔俾佢去個電腦度，就扮唔去，我一轉頭佢就捐入去.... 佢一定識聽一些，也一定知道我地唔鐘意.............
[MI小米小米MI回覆08/16/2012 11:38:41]其實我都無緊張大師一名,成日擔心佢.....不過而家學緊放鬆D,打爛野整LUM野都唔緊要,牛爸會打會話佢,我就會抱起佢同佢講呢D野唔玩得,要小心D,我又會話佢知最緊要唔好整親......佢好似識聽咁.....
[版主回覆08/14/2012 19:31:05]我唔敢遘好好喔...
但我相信，你有三隻貓... 經驗一定比我豐富
我會放松一點，老公成日話我好緊張....
對了，我覺得，鷄脾滑D，鷄胸就鞋口.....
[吉孖媽回覆08/14/2012 18:52:52]其實你已經做得好好架啦！真架！
咁不如觀察下佢生活習慣，睇下幾時佢食多左。。。
[版主回覆08/14/2012 18:39:09]其實我全屋都開放..但厠所佢唔入得....我唔想佢飲到生水...
另外，只有書房的電腦後面、天花板的燈盆（我有假天花）佢唔去得....
仲有，就係sink盆的濾水器...唔想佢成日去搞...
就係咁，其他幾百尺地方我都任佢玩...衣柜佢捐入去...都由得佢
但貓貓真係唉...你唔俾佢入...佢偏要入... 打爛野除了部電腦，我都可以承受... 但佢會危險的地方唔想佢去...
我部電腦係我搵食架生，唔壞得... 本來唔俾佢入書房，不過佢又好鐘意入來搞我，但我唔能封住部電腦..
我都唔贊成困籠，其實我明白佢的心態，之前唔俾佢入書房和睡房，佢心思思要去...但開了俾巨，佢又唔係咁好奇...
不過以上我講的地方係唔可以俾佢去
[版主回覆08/14/2012 18:39:05]其實我全屋都開放..但厠所佢唔入得....我唔想佢飲到生水...
另外，只有書房的電腦後面、天花板的燈盆（我有假天花）佢唔去得....
仲有，就係sink盆的濾水器...唔想佢成日去搞...
就係咁，其他幾百尺地方我都任佢玩...衣柜佢捐入去...都由得佢
但貓貓真係唉...你唔俾佢入...佢偏要入... 打爛野除了部電腦，我都可以承受... 但佢會危險的地方唔想佢去...
我部電腦係我搵食架生，唔壞得... 本來唔俾佢入書房，不過佢又好鐘意入來搞我，但我唔能封住部電腦..
我都唔贊成困籠，其實我明白佢的心態，之前唔俾佢入書房和睡房，佢心思思要去...但開了俾巨，佢又唔係咁好奇...
不過以上我講的地方係唔可以俾佢去
[吉孖媽回覆08/14/2012 17:38:25]比佢周圍走吓啦....
禾既宗旨係....打爛野唔緊要...最多咪買過...最緊要係佢安全就得啦...所以禾地塞住哂d細位等佢地入唔倒去...日日自由自在佢地做咩都得....只要佢地開心...野唔使叫都食... 放鬆d自己啦....佢想做咩由佢啦....怕攪亂哂d野就收起啦....
[版主回覆08/14/2012 17:18:44]如果那天她太頑皮，被我駡...就唔係點食...不過好少發生呢種事...
我基本上每次俾野食佢...都會摸下佢.... 摸佢就食多少少....唔叫唔摸...基本上佢見我放糧..都唔會走埋來......
不過呢，我覺得自己有點神經質是事實......因為佢成日去那些唔去得的地方，每次我都要捉番佢落來，所以佢一見我行埋來，就會走....哎.....
我又係衰.... 成日忍唔住想抱下佢，佢又唔鐘意人抱...我老公話我做MUT成日搞佢....我錯了....我錯了....我會改
[吉孖媽回覆08/14/2012 15:29:42]咁有冇留意肯食果日同其他日子有咩唔同....? 有d咩事發生過...?
禾小蛋唔太著重食....有時大家都食緊佢就走啦...禾會抱起佢摸下佢同佢講...蛋蛋豬唔食野唔會大個仔架傾一陣間就放番去食盆度.......佢次次都再食架仲食哂tim....
你同佢傾多d計吖...
[版主回覆08/14/2012 13:16:17]吉媽...唔該晒...
呵呵我聽了你的意見，開晒SCHESIR俾佢試，佢有兩隻都肯食下....
但係，佢運動量大，點解食咁少.................
其實又唔算好少，如果佢肯食嗰日，都食到差不多一罐濕糧+ 30G乾糧...
但就無重過咁濟
之前每日都會增重，而家就唔重了.............點解呢...
佢差不多半歲了，還沒到3KG，但我見佢大便又好正常噃，就係食野唔似得你地各位的貓咁，一見到野食就猛食...佢都係食兩啖走開，唔知幾時又走來食幾啖,....
禾仔仔番黎既時候又係好愛上茶几想食我地既野.... 唔話得架....好鬼小氣..愈話愈做...小朋友吖麻....結果係次次上親就抱住佢傾計....或者未去就輕輕用手擋住及掃開佢...久而久之...禾地食飯佢冇再上黎...食完9秒9上去訓... (禾家的飯枱已經係佢地既床啦...)一向用茶几當飯枱用...
回覆刪除最近...打邊爐都冇問題呀....
[版主回覆08/16/2012 17:21:43]你仔仔好乖噃...
我明嫁，謝謝您不斷的鼓勵和安慰我喔.....
其實我覺得佢算係好乖嫁... 大小便從來唔會亂來，晚上我地睡覺關房門，佢唔會亂叫，佢好似你仔仔，當我張飯枱係睡床..... 我由得佢瞓... 食飯初期佢成日走來搞，而家話得多，佢仍然會跳上來，但就坐在枱邊睇住我地食，唔會食..至多聞...我老公覺得佢連聞都唔得，不過我覺得佢應該乾淨...
但係我真係覺得佢係越話越做囉..... 意志力非常異常堅定.... 佢想去的地方...基本上佢一定要去到....我的最後防線係我部電腦，成日話佢，佢而家怕左我，真係好傷心呢，佢唔肯俾我抱，唉..... 其實貓貓係咪唔太喜歡俾人抱住呢?? 定係因為我日日捉佢抹身，又係佢的犯案現場捉走佢，佢怕左我
禾小B愛比爸爸抱可能穩陣D。。。禾仔仔唔愛抱，一年下來開始比我抱一陣唔走貓！
回覆刪除小B地間唔使嗲嗲緊就比我抱囉，有野忙緊一抱就勁掙扎架啦！你知佢地好忙架啦！
[版主回覆08/16/2012 20:05:18]係，佢地好忙......左睇右睇...總有新奇野俾佢發現... 總有一D風聲腳步聲令佢地想去八下...
乾: Hill's 老貓豆 濕 : fancy feast 水: 計唔到 砂 : 老野專用....我乜清潔劑都唔用....
回覆刪除[版主回覆08/19/2012 13:28:44]哈....我去了你BLOG再仔細看那篇貓砂篇...見到圖中寫是老貓砂...
真係...其實老貓同普通貓大小便的習慣唔同咩??見佢的砂好似普通水晶砂咁咋噃..
[貓僕人回覆08/19/2012 09:21:35]有d咁嘅樹.....Hill's 老貓豆...剛岩轉比佢...佢似乎好 like 咁....
[細B細佬Calbee回覆08/19/2012 08:41:20]春呢，有冇搞錯，除咗你隻係yahoo 貓blog界出哂名的老野專用貓砂，其他嘢我又同你一樣
[版主回覆08/17/2012 09:22:12]唔該晒....E....有老野專用的貓砂咩????
1) 乾 : rc33, 以前食開唔肯轉, Wellness core 罐罐+烚雞,鴨,牛,魚,南瓜,西蘭花,紅蘿蔔,貓草...
回覆刪除2) purr & simple : 試下新野 + 吉吉島紙砂, 平
3) cat's best - 成日加價,缺貨
4) 係佢7個月大接返屋企前同佢絕育,不過貓貓係好乖乖,唔嘈,唔抓家具,
5) 高迪家居寶, 除洗地重可以洗衫, 平過sun&sun, 有支bio-kill 好小用, 澳洲6水抹o的櫃,天花(貓貓去唔到o的地方)
6) Genoptic, optomycin 眼藥水, 朱古力&Tarivid眼gel (感冒用), surolan (貓貓r損用), 神仙水, unisept
7) 返屋企時3.2kg, 依家大約4kg+
8) 以前早,晚各50-60g(另加蔬菜), 依家小食多餐(量不變), 加佐早上&黃昏7:00餐前小點
9) 100-150ml, 視乎食唔食得曬4餐, 水加入食物一同食
[版主回覆08/20/2012 14:46:50]唔該晒你呵呵好詳細..
貓貓都食好多噃...食蔬菜真好...又肯飲水...
唔算好多啦,要係貓貓1歲前同佢打好個底呀
回覆刪除[版主回覆08/20/2012 20:12:04]係呀，佢而家肥D唔緊要，發緊育....