各位的愛貓唔知會唔會FEE陌生人呢? 同埋呢，記憶有多長?
哈，話說，夢夢的姑姐做狗狗美容，咁我之前同佢話，阿夢未沖過涼，唔知可唔可以試下同佢沖?
姑姐話不如上來時睇下....
記得佢第一次上來時，阿夢先得三個月大，仲好細隻，姑姐捉住佢抱左好耐，阿夢小時好喜歡咬我，咁姑姐順便真人示範如何捉住佢時又唔會俾佢咬到...
那次阿夢被姑姐「收服」了，因為佢點都咬唔到姑姐.....
但而家離上次已經五個月了，我估計阿夢唔記得姑姐了...
今日姑姐上來，仲帶左包小食來，三文魚的~~~~唉，可想而知，阿夢唔領情....真係...
然後阿夢聞佢幾聞，就走了入廚房的窗台上坐，呢個動作都唔算好奇怪
有時朋友或陌生人入屋，佢都會聞下人地（仲好失禮咁，專係聞人地隻腳，有次仲越聞越落力....
），然後就自己走開...但今次俾我見到以前從未見過的「貓樣」...
話說，我同姑姐走入廚房想逗下阿夢，姑姐湊近佢，佢就突然變得好惡.... 個口上半部份向上扯，露出尖牙想FEE姑姐...
不過佢係細膽豬，加上我企在姑姐後面，佢整兩整，姑姐就好識做咁，行番出廚房了...
然後的兩個小時，佢都唔係點出來，俾鷄肉乾都唔肯出廚房門口，但一直企在個灶頭上，遠望住我地....
姑姐話可能佢記得五個月前被佢抱住唔放，但我覺得，係咪因為姑姐身上有狗味?
呵呵，然後成晚都阿夢都唔肯走埋來，我行近佢，佢就急步走開....好似有點驚我.....連晚上臨瞓前的「咬腳指」遊戲，老大DADDY猛叫佢，佢都唔入房......
可能真係被嚇親，姑姐話，咁樣應該無法幫佢沖到涼，咁我可能問佢借個風機算了...
當然，我這刻才明白，平時阿夢是多麼信任我，任我搞....
各位，你地估，阿夢同小龜相遇，邊隻要繞道而行?
呵呵，近來龜龜唔知點解，突然從睡夢中醒來後，係都要爬出廳（佢本來係厠所裏四圍走）
我生怕阿夢的指甲會刺盲佢對眼，一直都唔敢俾佢地相見...但龜仔偏要從厠所門縫伸個頭出來，阿夢搞佢，佢都係要出來...
有次仲大力到，把門柵都撐鬆，自己走了出來，但好笑的是，阿夢先是進攻，然後退守，跟實佢，隻龜都好惡，最後阿夢只係遠遠睇實佢，冇用手去打佢....
咁我就放心由得佢隨屋走....
今日，突登拍了兩雄相遇的情況...
龜仔入了阿夢的地頭，在水機旁，阿夢唔理佢，自己飲水（係...佢終於肯用個水機了.....yeah，但都係飲好少水）
然後，龜仔想出廚房，阿夢退守門邊望實
龜仔出左廳，企在屋仔前面...
阿夢遠遠昅實佢...
最後，阿夢past by龜仔，走到攝影機後（右邊係阿夢的身影）........
估唔到龜仔竟然仲惡過隻貓....
我諗就算龜龜唔惡，阿夢都唔會蝦龜龜o既
回覆刪除[版主回覆10/27/2012 16:29:12]阿夢唔係有心蝦佢，但隻龜實在太好玩，好玩過玩具波波...所以夢成日吼住佢....
我隻貓貓唔fee人,基本上係啞架,養左成年有多,只係聽過佢喵喵唔超過5聲
回覆刪除[版主回覆10/27/2012 16:31:01]係，我估性格唔同，以前隻貓成日叫，而家阿夢好少叫，但會叫我早晨，叫找同佢玩，抱佢會投訴我喵兩聲...但之前未見佢FEE過人...
你隻貓咁少叫，估計佢好滿足於你的照顧，往往貓餓，會喵主人俾野佢食，有時會嗲人會叫...
龜龜條頸好長
回覆刪除[版主回覆10/27/2012 16:31:12]係，蛇頸來的....
我都養龜 你隻龜 B, 係咪蛇頸龜 ? 佢幾大呀 ?
回覆刪除阿夢好叻唔驚龜
[版主回覆10/27/2012 16:33:28]係，佢四歲大了，初初大得好快，後來因為我無法照顧兩隻，送左一隻俾人後，佢開始細食左，然後搬家後，又唔肯住在箱裏，成日走出來，食野又少，所以大得好慢..........
而家我放番佢出來四圍走，希望佢開心D
阿夢照計應該唔怕龜仔啩，咁細隻，不過蛇頸咬人應該好痛，佢個口好恐怖
自从剪过一次毛之后，lucky仔一直以为自己好靓，一有客人都会出来迎接+嗮命，冇fee过客人wor但太多人时就净系巡下就匿入返房度。
回覆刪除[版主回覆10/27/2012 16:36:33]以為自己好靚!!!!! 笑C我....
LUCKY仔又係好得意噃.... 佢怕唔怕人抱?
阿夢係俾隻龜FEE過幾次後，就退守遠方，唔敢再出爪，龜仔係蛇頸，四歲了，偏細呢...應該好大隻先至標準，不過聽講話食得多， 大得快，就死得快喎....
[Luckymeow回覆10/27/2012 11:16:23]啊夢夢好得意！！！
夢夢豬好可愛呀!!我一邊睇一邊笑......佢地又相處到噃唔洗擔心啦~~我之前都有養,又係好鍾意龜呢~~
回覆刪除[版主回覆10/27/2012 16:39:20]呵呵，係咩，鐘意咩...咁好...
我以前隻貓好鐘意....擔隻龜四圍走，有次隻龜終於報仇，趁隻貓條尾左右FIG FIG下，一口咬住佢，隻貓痛到大叫，我用鉸剪的手把打隻龜個頭幾下，佢至肯放....以後隻貓唔敢再蝦隻龜....
Hi，你好嗎？初次探訪，夢夢是美短或英短？好可愛呀？
回覆刪除[版主回覆10/27/2012 22:31:59]呵呵你好，歡迎~~~
阿夢係英短~~~女仔
謝謝您
好想知道，毛毛（我本來想改佢個名叫毛毛..好鐘意呢個名）係英短嗎? 毛色好特別，灰灰棕棕的，而家好番晒未呢
毛毛是英短，男孩，4嵗，他的毛色是忌廉色！他好番晒！不過還要食敏感配方糧！
回覆刪除[版主回覆10/28/2012 19:39:23]呵呵四歲...咁你幾時知佢要食敏感糧呢...我未得閒去爬你個BLOG.....
我隻夢只食鷄，其他材料一概不吃...
因為佢腸胃敏感，唔可以食魚肉罐頭，只可以食E生配方嘅罐頭！
回覆刪除[版主回覆10/28/2012 20:45:44]明白... 不過其實魚食得多都唔太好，咁食鷄得唔得? 好少聽人講貓食鷄會敏感
食雞肉會唔會太多蛋白質？
回覆刪除[版主回覆10/28/2012 22:03:46]呢個蛋白質問題，其實坊間都眾說紛紜...
究竟點先算係過高... 有說怕佢太多蛋白質，容易引起尿道病（所以有些獸醫不主張天然糧），建議俾佢食處方糧...
但係，究竟係因為蛋白質較多，引起尿道病，抑或是因為長期食乾糧，水份太少，令貓吸收的營養結晶不能排出體外...是一個爭議......
外國有些貓主，長期俾佢食生肉糧，覺得咁先至正常（佢地甚至自己把鷄原隻攪碎，成為免治餵貓），香港好難做到，而且貓未必食生肉...
老貓腎出事，多數主張俾佢長期食濕糧...
始終，貓是純肉食動物，食得五穀多，反而有機會糖尿，魚裏有些物質，食多太可能會黃脂病...
我都尚在研究中，你隻處方糧，是甚麼材料﹖protein成份應該不高吧... 約10%左右?
不過，肉與骨吸收不平衡，係會影響鈣的吸收...
我都十五十六，而家把蛋白質多的糧，溝一隻蛋白質較少的糧俾佢食.....
食濕糧又會引起另一個問題，太多會令貓咪好易有牙週病，因為好難同佢哋刷牙！
回覆刪除[版主回覆10/29/2012 04:34:18]係啊... 濕糧係有呢個問題，E....我最近用一隻牙粉，在上幾個帖好似提過，有助防牙石，我隻貓細，仲未有，但去口臭都OK噃，介紹俾我的貓友話，貓貓的牙石真係有效噃....
佢用紗布包手指幫貓刷牙，我就用BB牙刷，但只係有時刷到，刷到出面咋.....
真係好難做到樣樣都OK......
夢夢豬塊面圓左好多喎... 哈碌好似識分斯文人同粗礦人咁架, 有客人, 鄰居或管理處姐姐入黎, 佢都唔驚, 但有次裝修師傅, 送貨男人入黎, 佢就即刻驚到匿埋, (人地冇搞過佢架喎) 但都唔會FEE人, 唯一一次見佢鬆晒尾FEE既係佢第一次照鏡見到自己個樣...哈哈... 不過最近唔知係咪哈碌大個仔, 開始八卦, 成日想走出街...
回覆刪除我每晚都有同哈碌玩捉腳指遊戲架... 一熄燈佢就識標入黎房架喇
你條龜條頸真係好長呀...
[版主回覆10/29/2012 20:39:27]哈...見到自己就FEE~~~
貓對那些強壯人會有些害怕，以前隻貓都係咁
阿夢成日去門口拱拱下，但係打開門佢唔敢出去，仲好驚我捉佢出去，相信係因為上次中秋我抱左佢落街，佢好怕我會遺棄佢
係啊，大D會想出街嫁，好奇嘛......
腳指遊戲真係百玩不厭
我隻龜咬人好痛，條頸的爆發力好強，我都怕佢咬親阿夢...
呵～呵～我第一次見條頸咁長嘅龜
回覆刪除[版主回覆10/30/2012 23:42:55]哈呵...是，這是澳洲政府唯一准許正規向國外銷售的龜種，蛇頸...
佢只食肉，仲要只食生魚...個口好大，一次可以食十多二十條尾指咁長的魚仔
我估佢可能發過威，阿夢怕左佢
可能BB時嘅經歷太驚嚇？
回覆刪除我覺得貓係好記仇架！
夢夢突然咁大膽fee人。。
可能真係好驚啊！
禾D仔冇fee過人啊！
[版主回覆11/05/2012 14:39:03]係咩...佢地好記仇咩?
咁可能係，因為佢BB時，姑姐來到，抱住佢十分鐘不放，教我點樣捉佢剪甲，咁耐以來，陌生人呢，只有姑姐一個係抱住佢咁耐唔放..... 佢只係FEE過姑姐囉
我以為佢好冇記性添..........
真係龜不可貌相,未叻仔囉...但又好搞笑喎.........kakaka
回覆刪除[版主回覆11/07/2012 15:48:48]