近日小妹病了幾天，恰好有新工作要趕，食了藥「溫溫頓頓」，瞓醒就食，食完又做，做完又瞓......
前幾天阿夢好似心情唔好，諗住等下周日睇完醫生，幫佢再買個新水機試下，不锈鋼或陶瓷的....
近兩日佢胃口好番，但係開始好嗲，變成「嗲嗲豬」...成日走來high我....
心想，係咪發情呢..... 不如等埋我，到一月帶你去絕育先啦
昨天半夜...開始，企突然喵喵叫，平時佢好少出聲，起初以為佢大小便或肚餓叫我，起身看看啦...冇野噃
食了藥很疲累的我，一晚俾佢叫醒幾次，都冇任何異樣，幸好，佢唔係好大聲，又唔係好「長氣」....
今早（應該是正午...）又俾佢嘈醒，今日的情況又唔同左，企一路一路叫，好嗲咁，真係絕無僅有咁嗲了.......
不過呢，跟住來佢就出現影片中的動作，身體四肢平衡地向下蹲，後腳不停向後踩，尾巴立直，露出屁屁，小便位有少少張大，有少少分泌物流出來（抱起佢時流到我手上了，不是尿，沒味道的）.... 然後後腳好似痙攣咁.....
我立即打去貓醫院問下姑娘...佢地真係好好，我把情況告知，姑娘就細心解釋...
無錯了，阿夢發情了~~~~ 於是我約了今周六去絕育................
拍了兩條片放上來，不為娛樂大家，想分享下，如果貓友的貓貓係女仔，出現類似情況，唔使擔心，是自然的發情期.....
先兆可能係... 佢會變得嗲聲嗲氣，成日走來high 你.....
我在影片一，伸手入佢兩大脾之間，是幫佢按摩咋
夢夢幾大呀?
回覆刪除[版主回覆11/25/2012 23:14:05]九個月了...
嘩!............真係談情說愛既時間啦....夢夢大個女囉
回覆刪除[版主回覆11/26/2012 02:03:17]嘻...係，大個女了...不過無機會談情說愛
聽人講發緊情做絶育會有危險嗰喎，要等佢無再發情至以好做絶育
回覆刪除[版主回覆11/26/2012 15:00:20]係個護士建議的，我都問佢，發情做得咩?
佢話，係個子宮充血大小小，都OK的，到時醫生睇左先喎...
因為本周點都要帶佢去睇醫生...
好得意, 未見過貓女咁樣呢~ 呢段片唔可以俾哈碌睇到呀!! 哈哈~
回覆刪除之前真係可以因為發情期, 所以冇乜胃口呢~
[版主回覆11/29/2012 22:59:01]哈，我竟然有福氣，有個女婿
等我同老大講先得
[哈碌回覆11/29/2012 17:04:20] 親家你好!! 咁快有得娶新抱...哈哈!
[版主回覆11/29/2012 15:49:08]好噃，咁我地就係親家了~~~~
親家你好
真係可以啤番幾件哈夢碌，應該會好靚
[哈碌回覆11/29/2012 10:29:47]哈哈...波咪, 哈夢碌都俾你諗到!
有夢夢呢個靚新抱又幾盞喎...
[版主回覆11/28/2012 22:28:33]哈.... 係噃... 夢夢做哈碌新娘都好噃......
[波波豬回覆11/28/2012 20:41:28]不如你地對親家,啤返幾件哈夢碌
[哈碌回覆11/26/2012 16:47:19]係啦, 所以我都唔想咁快同佢絶育, 想等佢發育完成先~
[版主回覆11/26/2012 16:43:46]不過其實如果唔係因為絕育對貓貓身體好，我唔想幫佢絕呢....
以前隻貓仔，絕育後變得好懶...唔願玩，一直肥呢，唐貓肥到12磅....
[版主回覆11/26/2012 16:42:34]仔仔發情會四圍痾尿...我以前隻貓係咁，你小心D喔...
[哈碌回覆11/26/2012 16:39:42]哈碌仲未係公公黎架... 之前我又以為佢係發情 (原來我搞錯左), 所以諗住等佢一歲後先囉...
[版主回覆11/26/2012 15:01:18]哈，哈碌仔絕左了吧... 睇到都唔怕....
夢夢如來大個女發情，所以心情有轉變，知道原因就唔洗擔心。
回覆刪除我都未見過貓女發情，豆豆八個月已經絕育。(多謝分享片段)
[版主回覆11/26/2012 15:02:04]呵呵我估係呢個原因，昨天又變番大食...食左好多...
謝謝您關心~~~~
我都有見過貓女發情,咪係牛牛家姐同媽媽囉~~一模一樣呀.....
回覆刪除夢夢大個女喇~~其實我覺得夢豬都唔瘦呀!!不過desex完見得好快,牛牛而家都快要10磅喇~~
所以呢個女之前心情唔多好同無胃口既迷底解開喇~~
[MI小米小米MI回覆11/27/2012 17:14:36]踩單車實在形容得太好.....唸起都真係好辛苦.....
[版主回覆11/27/2012 17:12:58]係啊，佢地其實辛苦嫁，後腳成日好似踩單車咁...不過好在近日夢夢食番多左野..可能踩得太累
[MI小米小米MI回覆11/27/2012 13:01:49]我去Breeder 到睇牛牛同mia時前後都有6,7次呀,有見過佢屋企的貓女發情呀.....辛苦的樣子....
[版主回覆11/26/2012 17:45:24]哈碌都快十磅...噢，仔仔果然大隻D..
我都唔覺阿夢廋，不過我關心的是，佢由六個月開始冇咩點增過磅，一直都係3KG多D... 發育時期應該會肥嘛，不過睇來絕左育應該會肥了真係
[哈碌回覆11/26/2012 16:45:28]係啦, 睇段片都覺得夢夢唔瘦, 仲幾好肉地添喎... 哈碌都就快十磅喇!
[版主回覆11/26/2012 16:38:20]吓....牛牛快十磅...好快肥噃... DESEX後有冇肥左兩磅呢??
點解你會見到牛牛家姐同媽媽發情呢
我未見過女仔發情，貓仔就見過，四圍痾尿囉...
大個女!!
回覆刪除[版主回覆11/27/2012 23:39:08]
呵呵呵…夢夢腿粗粗都好茁壯呀!
回覆刪除食返野就好啦!
女仔禾茅經驗，原來發情係咁嘅!
[版主回覆11/28/2012 18:56:38]呵呵可能因為發情好side力，佢食番好多野
佢手腳比較細呢，不過我唔再介意，健康就好了.....
話時話，今日唔發了，可能暫時發完了
周六去做手術，今晚要禁食喔，慘慘了
回覆刪除[版主回覆12/01/2012 00:48:34]呵呵係，今晚幫佢留了小便，唔知用唔用到，有D濁....
哈，今日成日猛俾野佢食，佢都唔吼，明天又唔食得，佢都未知要禁食
佢地發情會唔會喵喵叫??
回覆刪除[版主回覆12/06/2012 18:40:41]係，貓仔四圍小便，貓女晚晚慘叫....貓女如不能交配，會不斷循環發情期....
[火火妹回覆12/06/2012 09:40:49]哈~咁真係絕育比較好喎
[版主回覆12/01/2012 22:27:34]貓女會喵喵叫，仲叫到好淒厲，好大聲嫁，阿夢算係斯文，偶然叫兩聲...但半夜偶然大叫幾聲，足以叫醒成村人