場地好細，人多得很呢~~~
場內擺放了十多籠貓貓，幾十隻之多，幾乎隻隻有名有姓~~~
有姓嫁，特登問了義工點解有姓，點樣有姓，用毛色毛紋來分...呵呵金虎呢，有些係姓「薑」囉
貓貓都被調養得好好，有些街貓執番來時很傷
有一隻英短十歲了，被遺棄，執返來時無毛，在會場見到佢，好溫柔大隻，生番毛又唔怕生保...
自己冇能力再養多隻，真希望今日有多些貓貓被接回家，不枉他們今日見咁「大」的場面，有些仲嚇親.....
睇睇相...靚仔靚女一堆堆~~~
八個月大的一雙...好痴纏呢...
呢隻就係英短了~~~~生番毛OK見得人嫁，好可愛
係咪好痴纏呢........一齊番屋企就好了..
這是阿捲..... 好可愛嫁
嗱嗱嗱....以下兩隻呢，本來就面左左唔理我，義工同我講左一句野，令我忍唔住打開個籠拍佢個正面...
講左咩呢........XDDDD
義工話呢......話佢似蘇永康....咁我一定要睇睇....大家話似唔似，當場笑左出來...
好了，小妹買了本書...
仲有超值的日曆，點睇都係一筒曲奇餅.....
設計好精美嫁
嗱，裏面係咁樣的...一日一張美貓圖..... 而家仲有得訂，各位都支持下佢地啦: )
阿夢當然有禮物，就係呢支「不求人」XDDDD...超超超值...10元，真係想番轉頭買多幾支派街坊.....
阿夢一入門口見到它，愛不惜手....也愛不惜口...我收埋左，企都係猛咁「撩」支野出來自己玩，新屎坑呢....
各位，群貓會在土瓜灣有貓社，難得咁近九龍和香港便利的地區，想領養的朋友，不妨電郵問下
我將阿夢浪費的貓糧送了俾佢地了，難得不嫌棄，你地有咩新淨的物品唔要，可以問下佢地有冇需要
當然捐款更好了....
www.catsocietyhk.org
呢本書我都有，我係南丫島保護動物會度買的，希望多啲人領養佢哋，咁啲貓會就可以救助更多貓
回覆刪除[版主回覆12/17/2012 08:51:50]係，要多多宣傳...
其實領養仲好，義工好錫佢地，有病的話，一定會將佢地的病情如實報導，又會幫手杜蟲杜蚤、打針，唔會騙人...
買一隻名種的至少幾千可能有病...不如將金錢用在貓貓的健康生活上...
哈碌都好鍾意玩呢支毛毛棒架! 不過好快玩爛... 早排見到賣10蚊兩支添啊~
回覆刪除[版主回覆12/19/2012 00:10:18]哈，遲D佢會搵番出來俾你
[哈碌回覆12/17/2012 12:05:49]我買左兩個波同整左一個冷球都唔知哈碌玩去邊....
[版主回覆12/17/2012 11:47:13]吓...咁平...我以為要三十蚊一支...不過佢地義賣冇所謂...
上次買了一對日本出的，真係好玩又輕，不過唔知俾阿夢玩左去邊..
果日曆好靚靚喎
回覆刪除[版主回覆12/17/2012 11:48:00]可以上網訂，呵呵有興趣去佢網站看看..
365日，都係貓貓圖
個月曆真係好特別喎
回覆刪除[版主回覆12/17/2012 12:28:16]係，可以上網訂，呵呵有興趣去佢網站看看..
365日，都係貓貓圖，唔知有冇重覆，不過好多唔同貓貓喔....
本來想去的，可惜去唔到，因為我隻仔又屙又嘔，帶咗佢睇醫生，冇去到
回覆刪除知唔知多唔多貓貓被領養呀？
[Oli回覆12/19/2012 08:44:19]佢腸胃炎丫，VET話佢可能食錯嘢，依家好D啦，多謝關心
[版主回覆12/17/2012 13:24:20]哎，咁而家有冇事呢? 話佢咩事?
我唔知呢，我好早去到（一時半前），已經好多好多人，約四百尺地方，塞左四五十人，好多人同貓貓玩，我二時就走了，希望多D貓貓被收養...
通常呢d輕飄飄既玩具好快會消失左架
回覆刪除[版主回覆12/17/2012 23:40:08]講得對...唔知幾時又會出現番，但係你點找都找不到噃....
-領養日-都有她多靚貓喎!....英短都被遺棄!!!...唔係嘩!..
回覆刪除嘩!..妳隻貓貓果然夠活力
[版主回覆12/18/2012 08:59:49]係啊，你有冇興趣養多隻呢 佢地的貓都照顧得好好，毛色好靚...
隻英短好可憐，估計有人養養下唔要丟出街，執番來時無晒毛，皮包骨好廋...
佢塊面都仲係唔係點似英短，但已經好番好多呢...
十歲的貓多數人都唔願要，老貓比較難送俾人
多謝欣賞阿夢...
捲捲啊！
回覆刪除希望快D有人領養捲捲
[版主回覆12/24/2012 09:06:15]那隻捲耳，同埋那隻英短，都係唔容易有人收養...
隻捲耳腳鑲了鋼架，隻英短已十歲....
真的，希望快d有人收養佢地.....
好在群貓會都好錫佢地\
吉媽，新年快樂