我的小網店是http://hk.user.auctions.yahoo.com/hk/booth/busueyip
不過近來我又接了新工作，手頭上又是兩個大project，親愛的，看來現下神仍然希望我做這份工作呢...
預計未來四個月又會好忙...
上一次說起，阿夢成了我家主人，呵呵連這個小網誌，她也成了主角，先講講她~~~
話說我家建了幾個假天花，方便放雜物，阿夢在書房蹦來蹦去，可能太悶了...貓望高處....自然要蹦上天花板去.......
我家書房本來雜物就很多，但也算是整齊，可是自從有了阿夢，一切變得凌亂不堪
無他，不就是放滿了紙盒、物品，防止阿夢「捐來捐去」~~~
各位貓友，有沒有這樣的煩惱呢?
企一野起跳，從窗台跳到三尺高的柜頂... 走入假天花~~~ 我已盡量用盒、箱欄住企，企仍然能蹦上去...唉
樓上風光果然美好，窗外不時有斑鳩停駐在我的冷氣機頂上「談情」或「避風」，呵~~~
阿夢肥左好多呢，上次波波媽話絕左育會肥，果然~~應該有九磅了~~~
然後，繼續介紹小店的布料，還有很多花邊、鈕扣、口金之類沒放上去賣...
和風牡丹花布，手工布
蜂鳥小花粉綠花布，拼布用布料
和風落櫻格仔提花紋黑色棉布，夏季和服料，陽光下略透，可做簾子或手工
零料貓貓布，拼布用棉布，印花好靚呢，描金的，手工合用
零料卡通史努比布 + 音符斜紋棉布，手工合用
粉紅太陽花棉布，質地很好
零料兔仔針織布，有彈性，柔軟，這是給媽媽做睡褲餘下來的料子，好C服，捨不得賣掉
你D布 好靚靚，我好鐘意兔仔針織布，但可惜我不懂造手工
回覆刪除[版主回覆01/29/2013 19:16:58]呵呵，大有大做，小有小做，我都唔係好識做，睇多過做
謝謝你來逛小店，有人喜歡我的布料，就很開心了
嗰個位有雀仔睇，阿夢梗係鍾意去啦
回覆刪除[版主回覆01/30/2013 11:40:35]呵呵係...仲要佢左手面有一個好大的燈盤可以捐入去....
那班雀仔好鐘意企上個冷氣頂休息、談情同埋避雨...有時仲係上面唱歌...
恭喜，夢夢肥左，不過之後都要控制食慾喎
回覆刪除我依家至俾二至三餐，唔放長糧，我覺得契b好似比絕育前瘦左
[Oli回覆01/31/2013 23:00:36]係啦，做人媽媽成日都要擔心仔女D健康
[版主回覆01/31/2013 22:55:40]你朋友先放心喔....阿夢十二頭絕左育，一月開始好大食.....兩個月唔到，估計肥左差不多兩磅..
哈，真係肥又怕佢肥，廋又擔心佢唔健康
[Oli回覆01/31/2013 22:20:19]如果5-6KG正常咁都好D...
我朋友個女1月頭個時絕育，佢同阿夢一樣之前唔肯食，依家叫做好DD
[版主回覆01/31/2013 18:48:07]契B係短毛嘛? 係短毛仔，應該12磅OK噃....英短或異短那些，體型一般比家貓大，如果佢骨骼健碩，有肌肉而唔係只肥係個肚腩，咁12磅唔算肥噃....
上網見外國網站介紹，英短貓女4~5KG係正常，仔就5~6KG甚至7KG都話正常噃.....
你朋友個女絕左育未呢? 未絕育引佢食多D，阿夢絕育前唔肯食...絕左育係咪即係發育完成，咁而家佢先來大食，骨骼估計唔會再大囉...
[Oli回覆01/31/2013 13:49:50]係咪女會瘦D，我朋友個女已15個月，但都冇夢夢咁重
其實契B未絕育之前已12磅重已唔輕，所以醫生勸預之後要控制食糧
呢排見佢好慘，食完仲想食，先俾番多少少佢咋
[版主回覆01/31/2013 12:46:28]係，等佢去到4.5KG，我就會俾少D野佢食...
佢而家食量是絕育前的一倍呢......仲會早上走來喵我起身餵佢...以前唔會囉.....???
契B比絕育前廋左...咁你係咪控制飲食好嚴呢? 如果佢本身體重足夠，廋都OK，只要唔好不斷下降就OK
恭喜夢豬肥左,絕育後係會肥左的啦...
回覆刪除[版主回覆02/07/2013 13:49:34]多謝牛牛媽媽~~~~~~
夢夢都唔算肥, 仲好苗條丫~~
回覆刪除你d布好靚, 可惜我唔識做手工!!
[版主回覆03/10/2013 01:41:57]呵呵係，佢而家先至九磅左右，唔算肥...想佢肥多一磅....
見到小肥貓的肥手，估計如果阿夢有隻肥手，我會忍唔住成日走去「lin」佢D肉..
嘻，我都唔係好識做，純綷玩下開心下