近兩三年,夢媽自製枕袋送人或自用
選用的都是簡單的「信封」式枕袋,或者「二段」式的...省布又不用打鈕門
今年想做一些枕袋送出去,上網找資料
找到了這個美國的拼布組織,他們發起了一個百萬枕袋愛心捐贈活動
而且更教授一個很簡單、完成效果非常好的方法
http://www.allpeoplequilt.com/millionpillowcases/
先介紹早兩年做好的自用枕袋:
夢媽喜愛的大馬士革玫瑰圖案~~
用了雙層棉布,即是兩塊棉紗縫為一塊(double layered muslin)
雙層棉的優點;柔軟、輕薄、透氣、透光
弱點:不耐磨、易變形、圖案不能太精細(織度疏)和容易顯舊
枕袋已變形、邊線穿崩,不過好軟,捨不得丟掉...
這是二段式,八二比例
我在兩段縫合的位置上,作了表面壓線,比較整齊
這是底面
用了三摺式收口,如果用鈒骨,就快捷方便,三摺式美觀一些...
然後介紹近來用了新方法做的三個枕袋:
三個稍有不同~~
中間這個,用蕾絲花布拼人字紋棉布
這是接口處,用了新方法,即便表面不壓線,也很平整
這是底面,邊線的收口,用了簡單的法式收口
看不見接合位....係咪好靚呢...不過紙口要裁寬約1CM
個這是兩段接合的位置,唉,相片拍得很差..
依足方法,車好,再熨一下,出來的效果就係咁樣...
這是另一個,人字紋棉布+點點麻布
我試着在兩段接口上,加了表面壓線,觀感上就乾淨俐落一些
第三個用了深麻色雙層棉+點點麻布..
這個是七三分段
大家不妨也試做~~
妳好犀利
回覆刪除我做針指好差的
[版主回覆06/19/2013 23:18:53]哈,我其實做得好差,不過鐘意做,唔理佢車到歪歪斜斜...照拿出來用咁囉
一個字........勁
回覆刪除[版主回覆06/21/2013 17:28:02]謝謝鼓勵...朱媽的頭像改變了.....
[朱媽媽回覆06/21/2013 14:50:38]好勁
[版主回覆06/20/2013 15:55:29]近睇其實針跡頗醜怪....
好靚A
回覆刪除[版主回覆06/24/2013 17:47:12]謝謝
回覆刪除[版主回覆06/24/2013 17:47:59]呵呵素人手工,上不了大枱
最後那個很像沒印良品的味道
回覆刪除[版主回覆06/24/2013 18:26:04]是啊,很素的~~~
回覆刪除[村姑回覆07/02/2013 16:22:59]
[版主回覆07/02/2013 04:22:14]唉...我連衣柜、床下底...都放滿手工品,書房都滿晒,但係我無法防止阿夢走入書房....
我的布料唔多唔少會有幾條貓毛
[村姑回覆07/01/2013 23:35:55]
[版主回覆06/30/2013 17:20:05]係,睇上去tote bag應該容易做....唔知點解,做俾自己用的野,我就係遲遲都都開工
一直做的手工九成九都送晒俾人~~~
有時見日本雜誌送的袋都幾靚,但係拿住想去俾錢時又諗,佢要成一百蚊一個,咁我自己做,平好多,就放低~~~
哈,我家的布........唉,估計有十多箱吧......有些打算賣的,有些是一直囤着
還有不少毛冷、其他手工工具....材料.....
還有不少書籍....
[村姑回覆06/30/2013 01:14:52]簡單的tote bag, 好似日本雜誌送嗰d, 加上你有鈒骨機, 如果計埋裁剪應該2小時內可以搞掂
[版主回覆06/26/2013 00:11:03]見到你整得好靚...
整一個要幾耐? 你用車車嗎? 手縫?
我有時買日本雜誌送那些布袋,其實款式好簡單,話整話整,一直都未整
我賣布的,咁多布,呵呵真係賣花姑娘插竹葉
[村姑回覆06/25/2013 23:50:12]
[版主回覆06/25/2013 02:00:38]但係我仲未試過做袋呢...見到你整得好靚...
一直都想整,已經沒有大手袋可用...都未得閒做
好靚啊!
回覆刪除請問你的店舖還有沒有開? 想找一些料做椅墊。
你朋友的貓貓現在怎樣了?
[版主回覆06/25/2013 09:22:26]呵呵我希望可以七月重開小店
你想要咩料?
棉? 棉麻? 厚? 薄?
我有好多布,未得閒放上去...
話時話,我想做個椅墊,講左大半年...都未做
佢遲少少會飛過去睇貓貓,然後申請貓地過來香港...
希望到時你仲有興趣啦...佢應該無辦法養晒五隻呢...
真好心機
回覆刪除[版主回覆06/26/2013 16:31:02]鐘意就會有心機~~~
香傭近來寫番BLOG喎~~~
好靚
回覆刪除[版主回覆06/26/2013 16:31:29]見笑見笑....謝謝了...近睇好多瑕疵
有冇考慮造斜揹袋, 環保購物袋?
回覆刪除[版主回覆06/26/2013 16:32:15]有哇,斜揹袋就比較考功夫,今年想做兩個環保袋用.....
你真有心機....勁!
回覆刪除[版主回覆06/27/2013 17:36:21]呵呵講笑講笑~~~
係啊,有時見到阿夢好得意,一攞部相機出來,佢就走貓.......
我有FB,不過我唔係好識用....到而家都仲只係用來接受家人一些團體通知~~
點樣可以到你的FB?
[包豆媽媽回覆06/27/2013 11:43:24]你有無facebook ? 我有豆豆包包粉絲專頁,有空到訪
[包豆媽媽回覆06/27/2013 11:41:37]我無偏心的,只是見到佢兩隻果排有可愛pose 已又影得靚米放邊隻相囉!
佢地有時好難影到,俾佢地發現就走貓
[版主回覆06/26/2013 16:33:23]謝謝支持~~
哈,突然一念,你的頭像好偏心喎....只有豆豆....(係咪豆豆呢..)
包包呢??
好羨慕妳整得咁靚呢~
回覆刪除[版主回覆06/28/2013 21:25:48]我呢D.....真係中學生家政堂的手工質素....連直線都車唔到
反而,我真係好欣賞你煮的家常便飯....好多好多年(應該話我自己屋企從來都沒有)沒有食咁豐富的家庭菜呢................
我覺得7,3分段好靚
回覆刪除[版主回覆07/04/2013 16:29:20]我都係,佢教的是二八分,之後我會多D用七三分...
你真係好有心機呢~
回覆刪除[版主回覆07/13/2013 01:00:42]好玩...不過無耐性...整錯左我都唔想拆過再整....由得佢肉酸