話說，六月份訂innova，店舖說代理冇貨，一直等...
到八月仍然冇，有說今年可能都冇.........
焦急的夢媽，唯有四圍物色其他牌子，俾隻尖咀貓試...
店舖寄了almo nature、solid gold、now 、tuscan natural 、overbaked俾我....
還有呢度的愛心貓友們，寄俾我的orijen，overbaked
真心感受到各位的善良和好意~~~ 萬歲!!!
上月底開始了「迫食計劃」，每天先放新糧少少，佢唔食，就無innova俾佢....
於是
佢比較食almo nature，solid gold、now 唔係點食...
orijen呢，我好想佢食，佢唔鐘意，而且軟便...唯有放棄...唉
明顯廋左，冇咩心機（估計肚餓啩...）
要引佢食新糧，我灑一些佢超級鐘意食的芝士粉（其實係貓食的enzymes）
almo nature我聞到好香，以為好咸，昨天試食一粒，嘩，好難食，原來唔咸，好似食草咁....
今日開始試overbaked，希望佢肯食...
小妹一直受惠於眾人的熱心和慷慨，得以試到一些冇sample的牌子....
所以，如果貓友有需要，小妹很樂意俾你試下阿夢食緊的糧...
而家我有的是innova的EVO，almo nature的紅袋「人食用級鷄肉」乾糧、solid gold的羊肉試糧......
innova EVO （代理缺貨中）：
我覺得這隻糧不錯，阿夢食左年多，好在佢腸胃受得，又唔係肥得好快，冇咩眼屎
鷄味（好似都含魚肉），淡味，天然無穀
不過，蛋白質較高，更適合發育中的貓，腸胃唔好的、太肥的，就唔適合了
innova有普通成貓糧，味道差不多，有穀，蛋白質含量較低
almo nature（紅袋鷄肉）：
味香，實際唔算咸，鷄味
特色是，只用新鮮鷄肉和脂肪，沒有chicken meals（即是雜碎內臟），蛋白質含量約30%左右，不過有「飯」...
你真是難得！難得！
回覆刪除亞夢真有褔啊！
[版主回覆08/25/2013 12:22:02]我都係一知半解，見到人地咁講，我又試下
家貓粗生D，咩都食，呢D有品種的貓身體嬌貴D，又咀尖....想佢長命D，又唔想佢老來多病，唯有小心飲食
咁呀夢! 即係食緊邊款糧?
回覆刪除almo nature?
[包豆媽媽回覆08/28/2013 14:32:25]多謝關心，天氣熱是比較辛苦D
[版主回覆08/28/2013 12:30:08]係啊，我好多謝有貓友提供資料，但是我上網看資料，見那間店好似以前名聲唔係太好....
而且話五六月開始斷，而家仲有得賣呢...唔係水貨...很可能就是貨尾唔新鮮...
係，我而家迫佢食新糧
謝謝你關心阿夢
保重身體，而家天口好慶，你應該比普通人仲熱呢..
[包豆媽媽回覆08/28/2013 09:56:06]小心買糧怕是水貨，買行貨安心D!
貓貓腸胃係比較麻煩，食多一排almo nature睇下點先再算!
包豆有時食左一款糧長時間，但間中都會有軟便情況，唔係太嚴重，精神又OK。我就無理。
[版主回覆08/27/2013 12:09:41]呵呵而家主要食innova + almo nature，俾好少over baked佢試食....仲有好少innova剩，不過佢的屎屎冇之前咁靚，但已經試左一輪，希望之後好轉，我去睇下有人話有得賣innova 那間先，但係有D擔心，如果五六月都開始缺貨，而家仲有得賣的是咪貨尾呢.......
夢媽:想問下芝士粉係邊度有得買架?有冇味精架?
回覆刪除[Oli回覆08/28/2013 07:08:13]多謝夢媽先
[版主回覆08/28/2013 00:43:17]http://www.iherb.com/Flying-Basset-Organics-Digestive-Enzyme-Complex-for-Dogs-and-Cats-6-oz-170-g/30087
另外還試了這個，這個比較淡味，似奶味
[版主回覆08/28/2013 00:27:15]味精我都唔知有冇...佢只寫是全天然成份，我在iherb買的，http://www.iherb.com/Dancing-Paws-Shake-N-Zyme-Dog-Cat-4-4-oz-124-7-g/15523
佢轉左配方，之前的味較似chedder cheese，而家比較「蘇」... 其實係enzymes，不如我寄一包俾你試下，有興趣的話，私人回應俾個地址我啦
每日我俾好少佢，而家試糧佢唔願食新糧，我就灑多少少
阿夢咁専一，只食一隻糧，點算
回覆刪除[版主回覆08/28/2013 12:26:51]唉，個個男人咁專一就萬歲
溝新糧後食少左野，迫佢食，無計，
人地貓地好鐘意的濕糧，佢飲晒D汁，寧願餓都唔食
現在牠食什麽糧。
回覆刪除[版主回覆08/29/2013 18:15:55]食剩番的innova + 新的almo nature，另外，再俾少少overbaked（佢唔係點食....）
夢媽～～搬去邊呀？保持聯絡啊！
回覆刪除我要搬啦！
http://gutgutmama.blogspot.com/
[版主回覆09/05/2013 05:36:01]吉媽...唉...我未得閒搵地方搬呢... 會去下各位貓友的新居看看先...
一定要保持聯絡啊，難得認識了年多，突然要關閉...
遲D會寫個post，讓貓友們留個地址俾我先
我都搬啦！billbillchu.blogspot.com
回覆刪除[版主回覆09/06/2013 17:34:14]呵呵，我老公都係，初初話想要隻貓陪下我做野，他強烈聲明，貓不能進睡房、上床，而家...每晚阿夢一見佢返來，自動跳上床...等佢來陪玩...
我同一些家人反對或自己唔喜歡貓的朋友講，試下到你有隻貓，就會改觀了....
我老公而家唔反對我多要一隻，反而係我真係搞唔掂兩隻...估計你老公如果有多隻，佢應該會好開心
[划艇高手回覆09/06/2013 14:28:48]點講呢，我系好有興趣加貓，但好想退休之後，因為Bill爸極力反對
[版主回覆09/06/2013 13:08:50]呵呵blogspot似乎有不少朋友在...好，我都在那裏成立個blog先...
話說呢，我朋友的貓兒還在搞緊，佢打齊針，但是原來運來香港要在漁護署放四個月，每隻要俾五千多元檢疫費，我估佢地着手搞緊....呵呵你仲有冇打算領一隻貓返去呢?
我搬左去呢到呀!!
回覆刪除http://misiachan318.blogspot.hk/
[MI小米小米MI回覆09/09/2013 12:11:09]未呀未移呀~~黎緊會過去,你都快回搬過來啦~~等你~~
[版主回覆09/07/2013 16:04:46]你地咁快搬，咁舊blog那些都移左過去未呢? 我想移埋過去
[版主回覆09/07/2013 16:04:16]好，我寫低先~~~
我都會在blogspot.com開一個
http://otsukakoro050506.blogspot.jp/
回覆刪除[大塚家的小灰灰回覆09/09/2013 13:27:02]個尾係 hk jp or others 都通0架
[版主回覆09/09/2013 13:25:10]呵呵咁你同香港呢邊的blogspot可以互通麼? 到時我加你就方便聯絡
[版主回覆09/09/2013 13:24:38]呵呵咁你同香港呢邊的blogspot可以互通麼? 到時我加你就方便聯絡
http://linda33368.blogspot.hk/2013/09/blog-post.html朱媽媽新網址
回覆刪除[版主回覆09/14/2013 23:25:45]朱媽媽，我也要搬過去那邊，到時繼續聯絡