night guard... 守護牙齒的牙膠~~~ 磨牙患者必須 +++ 用後兩個月後記

布料小店重開了，在臉書facebook，歡迎來坐坐~~

https://www.facebook.com/sewinlovewithjesus

最後會有使用兩個月的後記...

今日想分享的，是我的牙膠...night guard

話說小妹磨牙嚴重，經醫生建議，做了一個透明牙膠，晚晚戴住瞓覺，連續兩個月會有改善...

其實很不習慣，有一舊野在口裏不舒服，但是眼見牙膠俾我磨到花晒，就知道問題有多嚴重

磨牙多數是精神緊張引致，長期磨牙不但令牙齒磨蝕變平，更會牙肉敏感、牙骹也會很累和緊...

建議有這問題的朋友，早早就醫...

否則就似小妹咁... 大牙磨到平晒都唔知

還有呢，講開牙，小妹的口內腔牙床部份比較細小，唔夠空間讓牙齒整齊發展，以致牙齒都堆埋。一直以來，我食野都比較用力，牙骹容易累，但沒有人告訴我有問題...

直至我近年看牙醫，問他有沒有方法讓門牙整齊一點，他跟我說，我整棚牙齒比一般人的細小，而且，上下兩棚牙的咬口角度太深（合得太緊，所以牙骹很受壓力），這是從小出現的問題... 以致而家的牙都比較平...
而我也跟曾一位朋友傾起，講到牙齒發育的問題，可能因為小妹小時候不愛吃東西，很少咬野，令牙齒發育得唔好，所以，朋友們，若你們有小孩，讓他們多吃蔬菜，多咀嚼，這樣牙齒才會靚靚和健康....

[十二月三十日後記﹕我很善忘，沒有每天帶着睡覺，也可能因為戴着實在有點不自然（牙骹有點累），但是，真明顯覺得牙體鬆了一點點，咬合時沒以前那麼用力，醫生跟我說，這牙膠讓患者「磨牙」和因緊張而過份咬合的習慣慢慢改掉，會不知不覺改掉。

看來，醫生的說話誠然沒錯。。不便宜啊，做一幅要約2000元，但我覺得是值得的，尤其是嚴重患者 ]
這是牙模，先印好做牙膠

這是牙膠，其實好容易打理，不厚

阿夢好番了，貓女絕育日記之二~~

哎，趕稿中~~~

本以為貓女絕育要準備好多野，打算等一月得閒先帶佢去絕

點知發了情，快刀斬亂麻，哈，感謝主，阿夢手術非常順利

唔使返去拆線，又唔使特別為企準備野食，佢又唔抓傷口，又唔LAM，只係頭幾天比較疲倦

而家又生猛番晒了，而且呢..... 企仍然好似絕育之前咁頑皮~~~~

真的很感恩

來貼貼阿夢絕育後的樣子先，手機拍的比較模糊

大家見唔見到企個傷口呢.....

一大塊毛剃左，有牌至生得番~~~

想請問下，我摸佢個傷口，外表看來只有一條幾乎看不見的痕，但摸落有些硬硬地的一舊，應該是縫針的位置，係咪以後一直都係咁，定係暫時性呢?

嗱，一好番D，就跳上我書柜裏玩........

阿夢成功絕育了~~~ 貓女絕育日記

 

感謝主，阿夢今日成功絕育了~~~

非常眼瞓的夢媽（瞓唔着）今天早上帶阿夢去絕育...老大都陪住，難得老大咁錫佢（當然是因為錫我啦XDDD）

早到左，四圍昅，貓醫院有兩隻「駐院貓」，都係扁面貓，老大拍下其中一隻的玉照...如下

又發覺原來proden plaque off有貓用的版本，我買的貓狗都食得那隻，問姑娘，原來冇咩分別，係食的分量不用而已...

今日看的醫生是Dr. Victoria... 呵呵心想，我會否有幸全院五位醫生都睇過呢....

這位醫生是可愛的美女喔，外貌似美國青春校園電影的女生... 說起話來也很開朗... 人很好

起初，蛇「乖」的我心想，咁後生.... 同阿夢絕育....經驗夠唔夠呢......以貌取人呀我...

然後她開始diagnosis，好似仔仔媽咁話，要睇睇貓貓係咪發緊情，係就唔做得...

摸來摸去（我幫手扶住阿夢，今日早上姑娘忙碌，只有一位在場，有時走開左... 阿夢俾我「看住」，沒有像之前幾次俾姑娘按住咁乖呢...仲跳上醫生放藥的架上.....），探埋熱，問左之前的情況，推斷暫時停了發情，可以做了~~ yeah

醫生話佢體重較輕.... 又講番飲食問題，但她也像之前的醫生的意見，阿夢體重雖然較輕，但摸落有肉，望落又唔覺廋... 身體好健康...

結論都是，算罷啦（我話既呢句），有D貓對食不迷戀，可能會廋D...

既然要麻醉，咁我順便問埋醫生，使唔使去牙垢，呵呵好在醫生話阿夢牙肉健康

放低阿夢，要等到下午五六時才能取走，今日落雨濕濕，唯有回家再瞓...

今日半日阿夢不在家，我回到家時，無阿夢走來歡迎我，八個月來第一次...感覺好似缺少了甚麼似的

中午姑娘打電話來，話佢地幫阿夢抽小便（上次話有蛋白尿...），發現尿濃度太低....呵呵我立刻招供....

鬼咩，臨出門口幾分鐘，佢突然去小便... 咁我唯有人手餵水...

今晚接佢走時，同場有另一位貓友也正在辦手續帶剛絕育的貓女離開，呵呵一看個頭，同阿夢好似啊...呵呵

姑娘話阿夢在診所冇點LAM傷口，所以冇俾喇叭佢戴，點知一返屋企，佢LAM啊LAM.................可能在診所嚇到唔敢郁啫



這是之前發完情後的嗲樣.....咁睇其實唔廋..但體重就得3.3KG，可能係骨架唔粗

樣似好嗲，之後佢就係咁咬我隻腳.....XDD

這是包住阿夢打麻醉針的手仔的紗布，好靚啊...

返來後走入書房坐地...

 

跟住入了書房瞓，我俾左好多鷄肉乾「TUM」佢...

好疲累的樣子

這是傷口近鏡，不用拆線的，在肚中央開刀，各位係咪有些人會在側邊開呢?

口服止痛藥...

同場加映...

診所的扁面貓...呵呵

超可愛~~~~佢對正老大的相機，當佢無到

 

 

 

 

 

 

夢豬大個女了~~~~阿夢發情了....有片

近日小妹病了幾天，恰好有新工作要趕，食了藥「溫溫頓頓」，瞓醒就食，食完又做，做完又瞓......

前幾天阿夢好似心情唔好，諗住等下周日睇完醫生，幫佢再買個新水機試下，不锈鋼或陶瓷的....

近兩日佢胃口好番，但係開始好嗲，變成「嗲嗲豬」...成日走來high我....

心想，係咪發情呢..... 不如等埋我，到一月帶你去絕育先啦

昨天半夜...開始，企突然喵喵叫，平時佢好少出聲，起初以為佢大小便或肚餓叫我，起身看看啦...冇野噃

食了藥很疲累的我，一晚俾佢叫醒幾次，都冇任何異樣，幸好，佢唔係好大聲，又唔係好「長氣」....

今早（應該是正午...）又俾佢嘈醒，今日的情況又唔同左，企一路一路叫，好嗲咁，真係絕無僅有咁嗲了.......

不過呢，跟住來佢就出現影片中的動作，身體四肢平衡地向下蹲，後腳不停向後踩，尾巴立直，露出屁屁，小便位有少少張大，有少少分泌物流出來（抱起佢時流到我手上了，不是尿，沒味道的）.... 然後後腳好似痙攣咁.....

我立即打去貓醫院問下姑娘...佢地真係好好，我把情況告知，姑娘就細心解釋...

無錯了，阿夢發情了~~~~ 於是我約了今周六去絕育................

拍了兩條片放上來，不為娛樂大家，想分享下，如果貓友的貓貓係女仔，出現類似情況，唔使擔心，是自然的發情期.....

先兆可能係... 佢會變得嗲聲嗲氣，成日走來high 你.....

我在影片一，伸手入佢兩大脾之間，是幫佢按摩咋

阿夢今日睇完醫生了~~~

首先多謝各位貓友的關心，我同阿夢今日睇了醫生了........

事緣阿夢由五個月開始無增過磅，近月有少少成績，近幾日突然又唔想食野，見到佢的牙肉有微紅，心情又唔多好

擔心佢身體有事，帶佢去睇醫生...

真的要說一下，中環的香港貓醫院好好，有位四眼的頭髮及肩、古銅皮膚的姑娘人真的超好，每次見到她，都會細心同貓主傾偈，俾意見，好好脾氣，但我又忘記問佢的名字.... 其他的姑娘都不錯

醫生，之前睇開的DR. MAGGIE呢幾日放假，她人也很好，專業細心，上次塞車累她等我大半小時也沒怨言...

今日睇的是DR. LISA...美女啊，人超好，今天有急症本來要轉時間，後來安排好我準時到...

她細心為夢夢診症，首先...她說阿夢身材和毛色很好，非常好非常標準... 3.35KG...九個月

然後，好詳細咁問左阿夢平時食野的情況...咁我如實報告....佢話，有些貓食慾不強，無辦法，只要健康就OK，同埋叫我再嘗試俾多些牌子佢試下... 因為佢看來身體好靚

不過，開心左一分鐘唔夠

佢睇完阿夢的醫療紀錄....就話... 但係，阿夢的體重好似有下跌的情況，照計發育時期唔應該會咁.....（其實係廋左，之前應該去到3.5KG）

於是，她建議驗血、驗尿，怕佢身體機能出問題...

然後就即刻拿起個須刨....剃走佢下巴一塊毛...吉一針抽血，在肚仔又吉一針抽尿，唉..我心痛啊，好在阿夢好聽話，冇郁過........

至於牙肉，醫生話係細個時可能有少少感染，好少事，俾左牙GEL...

然後就等報告... 報告出左，醫生話呢...

阿夢一切都好正常，但有一點可能有問題，是尿的蛋白含量偏高，說驗一次怕唔準，叫我回家留尿，二周後覆診再驗...

今次蛋白含量偏高可能因為抽血時有機會「high」到少少血或者今日偏高，但如果真係偏高，就可能器官有問題，令蛋白質在尿裏過度流失

尤其是因為見佢冇增磅，反而廋左..

我有些擔心，回到家佢又匿在梳化底唔肯出來.....

各位，你地仲有冇好的貓罐介紹下呢? 小妹試過好多隻佢都唔食...新鮮自製的濕糧佢又唔食........

.......................................................................................................................

梳化底的佢...而家成日匿入去...都唔知點解??
係咪有壓力呢? 姑娘話可能佢未絕育，有些貓因此有些壓力....

這是下次幫佢留尿的道具....







這是牙GEL...

這是今日買的新糧，其中兩隻已食過了，昨天又買了另外三隻味.....希望佢食啦







最後介紹下，下周日是領養日，貓友們，有朋友想領養，可以去睇睇...

 

 

 

想請問....你地的貓貓牙肉有冇問題呢

想請教各位貓友.....

阿夢自從五個月開始，食野唔太積極，雖然都有增磅，而家九個月，先得3.5KG左右...

之前佢換牙時，我見佢牙肉有少少紅，心想可能係換牙問題...

但而家已經九個月，近日佢食野又少左，鄰居裝修好嘈，佢成日走了入梳化底瞓覺....

我在想，究竟係環境令佢無胃口，定係其他...

阿夢好唔鐘意我搞佢個口，好難同佢刷牙

所以一直都冇積極刷，有時用牙刷，有時用毛巾捽佢D牙（只是外圍，內圍根本刷唔到）....唯有俾佢食那隻牙粉，也唔敢成日餵濕糧...

佢個口而家唔係點臭，但今日我強行打開佢個口睇睇..

發現佢的牙肉近牙的位置，有微紅，冇腫...牙石就應該冇

心想，其實佢係咪因為牙仔唔舒服，先至食得唔積極... 但佢寧願食乾糧，又唔係點食濕糧....

上網找資料看看，發現有些貓有先天性牙齦炎，細到三至五個月就開始發.......而且冇得根治，成世都要用藥....

想起阿夢約五個月時已經有微紅... 我以為係換牙... 冇想過咁細個就可能有牙病....

我會帶佢睇醫生，慘在我近排忙得屎屎下~~~ 希望周六醫生有時間啦...

想請問各位，你地貓貓有冇呢D問題呢?

之前有位貓友（屎，又唔記得係邊個...）講開佢貓貓要洗牙....

唉，我好擔心添，盡量都唔想帶阿夢出門，貓貓怕生，帶佢睇醫生搭的士，長途次次都嚇親佢...........

電子時代，小心為上.....轉貼快遞新聞...一點感想

阿夢話﹕冇人呃到我，我唔用提款卡，政府都冇我資料~~


前天看新聞，見到這一則關於快遞的﹕

http://hk.news.yahoo.com/%E7%B6%B2%E8%B3%BC%E9%80%9F%E9%81%9E%E5%96%AE%E7%96%91%E5%80%92%E8%B3%A3%E8%B2%B7%E5%AE%B6%E8%B3%87%E6%96%99-010204174.html



今天看新聞，看到另外一則關於恒生ATM機又被加裝讀卡器﹕

http://hk.news.yahoo.com/%E8%88%8A%E5%BC%8F%E6%AB%83%E5%93%A1%E6%A9%9F%E5%86%8D%E9%81%AD%E5%8A%A0%E8%AE%80%E5%8D%A1%E5%99%A8-211116874.html


這兩則相信也不是新聞了

關於快遞，尤其是大陸，地大人多，要妥善監管實不容易

之前跟貓友聊開，不少人都會在淘寶網購物，相信大家經驗豐富...呵呵在此多口提一下

國內快遞行業龐大，從業者眾，當然樹大有枯枝，聽說過，有人買XX鷄食品送貨，收到的卻只是一棚骨，原來運送中途（經幾站轉派），快遞員把貨件拆了，把鷄肉食了... 也有偷件...

可幸，小妹未試過失件。不過，其實我地平時用任何快遞（境內或海外），都吾知佢地公司點處理我們的個人資料...

當然，最安全是送去公司，寫簡單的資料，就算他們把資料賣出去，也沒甚麼用。香港治安比較好，這則新聞報導的入屋搶劫倒不容易發生。

這則新聞談到個人資料，讓我想起不久前家中老人被「白撞」電話嚇得哭了。。。各位網友相信都是有識之士，不會受騙

話說，家中老人睡午覺半夢之際，有人打來說他兒子欠債被人捉了去打，要家人拿錢去贖，老人心慌，因為對方講得出老人的兒子之名字，當然，此等騙子咀巴之厲害，非你我能及，他們一邊游說，一邊恐嚇，又找人扮老人的兒子在哭叫，老人嚇得哭了，更要吃藥防心臟病復發。。收線後連忙四處找各家人商量.... 我安撫了，接着就是訓話..

這聽起來有點可笑，警訊常常提醒老人家不要受騙，但是仍有不少人上當，我也估不到家中老人會當真相信。不過，老人愛子女之情，加上他們年紀大，思考力衰退，而且沒想到對方竟然叫得出家人的名字......

其實，現代社會，我們的個人資料已在很多大大小小的機構手中，叫得出我們的名字一點也不出奇，參加一個XX會，或加入某店舖做會員，或者簡單如快遞送貨，都已經把部份資料送到別人手上...

以往我不諳世事，往往提供資料都很「誠實」的寫晒，抽獎之類活動，也覺得好玩無妨，後來知道這些都是泄露個人資料的途徑，那我現在只填簡單英文名，快遞也不給真名（郵局必須給真實名字啊）....

另一則新聞，只是提提各位，又有ATM機出事了，最好都係在銀行入面或出面的機提款安全D...