哎唷...
話說牛牛媽講起換牙，我就夾硬打開貓咀看看..
見佢後面的牙真係出緊牙仔.... 而且牙肉紅了....
請問各貓友，這是否正常??? 出緊牙的地方紅了...
佢近來食少左野..... 雖然都有便便，大約等於以前的三分之二份量....
今日呢，佢玩的時候，撞傷左隻耳仔，噴到成地一點點血，嚇屎我
以為佢爆缸....
捉佢來睇（佢就來憎屎我...成日捉佢）...
發覺企只係耳仔邊流血...眼仔有D野，我好驚撞親佢眼仔
我同老大為企禱告
後來見企眼仔又精靈番...耳仔沒流血...
好後悔上次唔捨得，冇買支神仙水.....嗚...
仲又唔記得波波媽（好似係，我好冇記性）話的消炎膏...
在此請教各位，你地有甚麼睇門口的貓藥介紹，我明天走去買....
下次要訂支神仙水.....
企好百厭.... 我昨天同企玩時，佢衝過來我隻手時，我唔小心好大力撞到佢下巴... 我估企好痛，因為我隻手都好痛
感謝主，我在雨潔之家找到一點點資料，關於換牙...
http://tw.myblog.yahoo.com/ilovenicky-100/article?mid=63109
相信因此，貓貓食慾不振.............
呵呵貓友KIM提供了一些有用資料如下﹕
１）換牙牙肉紅係正常架，係牙肉邊，重有小小味
２）如果只係損左，可以去藥房買ｕｎｉｓｅｐｔ（提子水）係消毒用
３）神仙水我最近都有買，８ｏｚ－＄３２８（ｙａｈｏｏ拍賣會平ｏ的）不過你要買保質期有１．５年，即係要起碼２０１４到期先好買）
４）貓貓食慾不振可能因為出牙，你俾罐罐／自煮雞肉呢ｏ的軟軟的會好ｏ的
下沒有事吧??嚇死我了....原來夢夢豬都真係因為出牙仔....我同你真係一樣,同你講完關於牙仔既事,昨晚又係返去夾硬開佢口,都見到佢D牙肉有點腫,而家我好煩又好擔心......仲有Desex既問題都仲未解決到.....唉...講到神仙水我都一樣未捨得買...好貴,不過止血粉就有買旁身,我相信主要都係幫佢消毒左先....如果唔係好嚴重的話去寵物店問下職員應該有介紹,maybe希望其他blog友可以幫到你......
回覆刪除[版主回覆08/03/2012 17:24:37]呵呵咁樣啊....其實每年佢都發情...如果唔絕真係.... 我家外面都有貓發情...起初我以為有人虐貓...所以真係有D擔心佢會咁喵法，實俾人駡
如果真係會圓D，咁又好噃
[MI小米小米MI回覆08/03/2012 16:44:26]hahahaha....其實都唸....佢地係會好嘈的....因為我現在正受此困擾,仲要晚晚都係幾隻一齊叫,夜晚係咁叫....non stop...好心煩....我但願夢夢不會咁啦....我成日唸佢地係咪都會叫到口干又攰呢??完全發育要大約2-3歲....我知英短係....不過如果得一隻的話睇定d先...講樣得意野你知,我好似曾經睇過有關英短desex既野,佢話英短男遲d絕就頭大d,女就早絕頭反而圓大...我未知真確.....
[版主回覆08/03/2012 16:27:34]係，六月時（夢夢才四個月大）... 我問醫生要幾時同佢絕...
醫生話四個月...都得嫁了，隨時都可以，話女女絕左唔會有子宮病.....
咁所以我打算九月至十月同佢去絕...
不過，我睇一本貓書，個獸醫作家話女女唔絕都OK，如果佢唔發情亂叫...
但我都會帶佢去絕，只係諗緊要幾時... 佢未發育完我又唔想帶佢去住..
基於你之前講的純種問題，同埋好多貓友話未發育完絕唔係咁好....
如果佢發情... 唔知會唔會嘈到隔離左右...
以前養的係仔仔，未養過貓女
[MI小米小米MI回覆08/03/2012 15:45:17]唔好受我影響呀....到時我女女又係咁....唉.....不過神會帶領我地的....^^係呢??醫生同你講是否打針時講??
[版主回覆08/03/2012 15:42:21]噢.... 發情咁慘.... 唉我都十五十六... 醫生勸我盡快幫佢絕...
嗯，我們的心聲，主一定聽得見
[MI小米小米MI回覆08/03/2012 15:07:48]女仔desex係煩d,佢地發情不可做.發情時佢地又辛苦你又辛苦....你考慮下...始終係健康好多,而且發情時會因ho蒙影響,佢會飯胃口啦會瘦啦當然叫,發情期約10-14天(好似),當中叫既情況會直至佢地2性行為止....
感謝你為我們的禱告,我即時念起你的禱文,滿有力量.....我會再看再禱告.....
[版主回覆08/03/2012 14:57:13]謝謝您的資料... 等我去找找先...
如果發情好辛苦...咁到時看看情況...其實我盡量唔想同佢絕...
感謝主你問的醫生都好細心...
咁計落，牛牛最好在十一月或之前絕... MIA十一月就四個月了...
有兩隻異性貓貓，早絕育都無可避免了.....
有好多事情都在我們的掌握以外，那我們一起同心求...
親愛的主，求祢賜平安予小米，我們深知一切都掌管在祢手中
如今暫定8月中做手術，求主帶領小米和牛牛的腳步，預備牛牛的身體和心靈
祝福醫生和診所，潔淨一切的病害，好使牛牛順利完成手術，與妹妹和洽相處
過程中無論遇到任何事情，求祢叫他們堅信你的同在，感謝主...喔...奉主名求...
[MI小米小米MI回覆08/03/2012 14:37:32]u r so sweet,breeder果邊應該沒問題的,我就係好有壓力if牛牛做完佢要適應,轉頭mia又黎,所以我地都唸住遲一兩星期先接妹妹,其實同姑娘(幾個不同診所的)傾過,都話女仔而家偏早熟,真係有d5個月就開始叫同發情....所以佢兩兄妹有風險,如果牛牛要等到一歲先做而如果中途妹好發情咁就.....omg了....不過有個資訊想話你知,你可以考慮下,呢個資訊係有兩個醫生同姑娘講既,就係純種貓最好過一歲先絕育(後來佢講最好3歲等佢完全發育先),因為怕佢地經由母體感染左FIP(腹膜炎),而經由手術時有發左一早已潛伏係貓貓身體既病菌,百分比唔知係幾多,咁我問即係其實即使1歲做都有可能?佢話係,其實最好等佢地3歲發育完成先,但相信中途佢發情時你好困擾,佢亦好辛苦.....當然唔係一定會發生,只係有咁既機會,而好多好多診所都無提及呢樣野.....我上網亦塭唔到有關資料.....而後來都係牛pa打去book,因為我為呢樣野煩左好耐好耐...都無決定,佢分析我知係牛牛d哥哥同細佬都做左成個月touch wood沒問題,而佢既媽媽及屋企人亦健康,覺得沒問題....你講得好岩,煩憂都交托神,而且我知道佢賜牛牛給我,會為我們一直安排到底及看顧我們,謝謝你的開解,支持同鼓勵,也很感謝你為我們代禱,我們是真的很需要這份支持的.....感謝你....
[版主回覆08/03/2012 13:18:42]其實我都諗緊... 絕育傷口如無意外好快會好番...但係牛牛會因此唔開心一段短時間，然後就有隻新貓來，又會令佢有壓力.........
8月中... 咁8月底新貓會返來，不過，如果你真係做了，到8月底牛牛未準備好，breeder那邊可否延遲一兩周?? 可以的話，你的壓力可以減輕D...
其實女女大概多大開始可以生仔??應該唔會在三個月或之前喔.... 如果今個月唔做，最遲要幾時做（女女有生育能力前）? 護士有冇同你傾過?
但係我未同時養過兩隻，唔知實戰情況，但係無論如何，初初番來都要隔離...
小米你可以上網找找點樣讓佢地點樣適應為佳...
這個有興趣可以看看，我見有一個系列
http://www.youtube.com/watch?v=pgoyR0ZolDY
還有這個，佢有廣告...要等一陣
http://www.videojug.com/interview/how-to-introduce-your-new-cat-to-your-old-cat
希望可以紓緩你少少壓力
願神祝福你們
只管把憂慮交給祂，無論你作甚麼決定，祂總會看顧你們，為你們禱告喔...
[MI小米小米MI回覆08/03/2012 12:51:43]that's the point.....而牛牛從未被隔離,到時要隔開佢同mia,唔想mia抖佢玩或幫佢lam傷口.....所以.....而家好似係perfect time.....你覺得我會唔會唸錯方向呢??我需要你意見....如果你有咩意見可以隨便話我知的...謝謝~~
[版主回覆08/03/2012 12:28:37]又係噃....我女女個媽媽都係一歲度就生了兩隻，前主人就係唔為意，俾佢地生了一窩....如果計及一男一女...估計最遲今年內一定要絕....
[MI小米小米MI回覆08/03/2012 12:01:03]真係好多謝你呀~~牛牛Papa尋日book左8月中做....當然要改變主意都無問題....只係同個姑娘傾左好耐,佢都有提及過一d問題,我再講埋比佢知我將會有女女返黎...佢都話好難幫我唸,其實佢好helpful,只係女仔早熟而如果到時如果佢兩隻都未絕有左就大件事喇~~omg好煩呀~
[版主回覆08/02/2012 23:08:54]小米，唔使太擔心，我昨晚因為擔心，上網找了找，看見原來貓貓出牙會唔想食咁多野，我而家餵濕糧，乾糧稍加暖水浸軟少少，佢都肯食...
感謝主，佢眼仔冇事（本來以為刮花了....），耳仔止了血.. 不過我都覺得神仙水或者可以入眼的洗眼水有用... 眼仔唔可以落藥...
謝謝您關心，DESEX個問題....其實牛牛未發情，未必要咁急.... 我自己覺得，如果講緊是否今個月要絕，主要係考量絕左會令佢溫柔一點，對新貓相處容易D，但我見子彈與妃彈的相處，可以借鏡下... 將來你新貓來，一步步適應，有好多貓友支持你
１）換牙牙肉紅係正常架，係牙肉邊，重有小小味
回覆刪除２）如果只係損左，可以去藥房買ｕｎｉｓｅｐｔ（提子水）係消毒用
３）神仙水我最近都有買，８ｏｚ－＄３２８（ｙａｈｏｏ拍賣會平ｏ的）不過你要買保質期有１．５年，即係要起碼２０１４到期先好買）
４）貓貓食慾不振可能因為出牙，你俾罐罐／自煮雞肉呢ｏ的軟軟的會好ｏ的
[版主回覆08/03/2012 12:10:31]謝謝您喔...
uwant我都有去看看...
我同你一樣，都係努力找資料...
貓貓胃口麻麻...罐罐食得少，我會加水入去俾佢...之前佢好鐘意，而家一日食唔到半罐...唉~~~~~
淨係鐘意食用芝士粉做的enzymes....同埋支尿道膏....可能因為味重
[Kim回覆08/03/2012 11:50:49]當然唔介意啦,我其實都係上年11月先開始養貓,我都係好多野唔識,所以成日上網去參考下人地的意見, 呢兩個係我成日會瀏覽的網址
:http://www.uwants.com/forumdisplay.php?fid=944
http://www.discuss.com.hk/forumdisplay.php?fid=42
btw,如果你隻貓貓小飲水(我個隻都係),你喂罐罐時加d水啦,飲得幾多得幾多呀
[版主回覆08/02/2012 23:11:24]1)係啊...佢個口有時有點臭（我覺得係佢少飲水，瞓醒覺有口氣...）
2)唔該晒你，我去買支先
3)係...就係見佢話得18個月（網店話）...咁幾百元好快到期...好似
4)係啊，我今天開始會多D俾軟野佢食...
真係唔該晒你的意見... 好好意見...你介唔介意我把你的建議，放入個POST裏面呢...
(翠華船務)電話:2527 2513 逢 星 期 六 、 日 上 午 九 時 或 逢 星 期 六 下 午 三 時 三 十 分 於 馬 料 水 碼 頭 開 出 .
回覆刪除新昌士多.1)飲食無問題.2)住宿就唔好要求太高,住石屋/無冷氣/無電視.唔怕熱有蚊咬可以試下.t:60880500新昌士多
[版主回覆08/02/2012 23:12:55]呵呵唔該晒你... 資料收到
無冷氣...我老大應該OK
子彈都成日撞親，不過就未試過流蚊飯。神仙水我都買左，真係看門口咖咋，無乜用過。
回覆刪除[版主回覆08/02/2012 23:21:07]佢地撞親撻親..都唔會「哼」一聲，我都唔知佢痛唔痛...
係，因為佢流血，所以嚇親我
貓貓常用藥-呢幾條link可以參考下,http://www.facebook.com/photo.php?fbid=10150898815193119&set=a.10150271854393119.343489.651833118&type=3&theater
回覆刪除http://forum.parrot-tree.com/viewthread.php?tid=8011
http://blog.yahoo.com/_P5PJ35XXSPE7TUCBXDIQLGPC4U/articles/36735
http://blog.yahoo.com/_P5PJ35XXSPE7TUCBXDIQLGPC4U/articles/36708/index
[版主回覆08/02/2012 23:13:32]嘩，唔該晒你，咁有心，我會去看看先... 祝福你喔
好多問題;去(愛護動物協會)check下好過,一次過想知道既野到解決到囉...
回覆刪除[版主回覆08/03/2012 09:18:01]呵呵看來佢係換牙，今日耳仔冇血了，眼仔都冇事... 我放心D了....
今日有冇好d....動物好簡單....食,疴正常就冇事....留意一下食量...
回覆刪除[版主回覆08/07/2012 09:12:27]而家又正常番，我放心了...係喔......重緊張過自己...
[吉孖媽回覆08/07/2012 08:44:43]食飲便。。。真係好重要呀！
[版主回覆08/03/2012 14:23:21]咁嚴重.... 好的... 睇左安心D...
[貓僕人回覆08/03/2012 14:19:11]再留意多兩,三日....有乜依郁要睇e生..
[版主回覆08/03/2012 13:58:21]謝謝您關心喔...
佢耳仔眼仔都冇事...但食量就...真係麻麻...食少左三分之一吧..
唔知係咪牙仔唔舒服??
見佢便便尿尿都有，便便總共少左三分之一，由一天兩次變成一天一次，但一次的份量就多過以前（兩次合一??）...
都玩得，但就廋左....
猫猫好返未0牙？
回覆刪除[版主回覆08/04/2012 05:37:09]貓貓好番了隻耳仔，但係食慾就麻麻，可能因為換牙和天氣熱....
謝謝你關心喔
請問咩係神仙水呀? 我屋企有一支蘆薈gel看門口, 都有俾貓貓擦, 有時R損左擦都好快好. 其他我就唔識啦!
回覆刪除[版主回覆08/05/2012 02:20:56]E...你提醒左我添... 蘆薈gel都OK噃... 但唔知入唔入得眼...
蘆薈gel好好嫁，以前家裏有一支，熱水燙到都OK...
我地成日講的是呢支，可以入眼，因為好多藥都唔知入唔入得眼...
http://www.petdoghk.com/petshop/index.php/cPath/50_491?osCsid=aa0f6377fd03cb141f06625df73e7599
兩小B出牙換牙都冇咩特別異樣呀！
回覆刪除可能因為佢地之前早晚二歺罐再加夜宵雞柳。。。食慾好好。。。
係喎！你比雞柳夢B宵夜未？
[版主回覆08/07/2012 08:46:06]我晚上好少俾濕罐佢...我怕佢食唔晒，會惹小強....
同埋..我隻夢....我瞓佢又瞓...晚上唔係點食野而家........
呵呵今日等我去街巿買鷄肉俾佢先