呢個阿烏，名符其實的啞婦...唉

阿夢都同我一樣....嬲屎呢個啞婦...

唔睬你~~~哼!!

呢個啞婦....上次轉新版時，已經CUT左一些功能，今次又話係全球YAHOO的決定，要取消關注的網友的更新，同埋最新動態喎...

咁我關注來做咩呢??? 以前，關注左都成日唔通知，但有都好過冇，而家直情冇左個關注更新功能....

話可以連上FB，我就係唔鐘意用FB... 左連右連，我想保留一些隱私~~~

我最想用的功能，就是「每天完善地把我所關注的網友的更新通知我」!!! 其他的frills and thrills，都唔使了... 

 

 

姑姐來訪驚魂記 + 夢龜兩雄雙遇~~~

阿夢今日的「古叔」樣.....



各位的愛貓唔知會唔會FEE陌生人呢? 同埋呢，記憶有多長?

哈，話說，夢夢的姑姐做狗狗美容，咁我之前同佢話，阿夢未沖過涼，唔知可唔可以試下同佢沖?

姑姐話不如上來時睇下....

記得佢第一次上來時，阿夢先得三個月大，仲好細隻，姑姐捉住佢抱左好耐，阿夢小時好喜歡咬我，咁姑姐順便真人示範如何捉住佢時又唔會俾佢咬到...

那次阿夢被姑姐「收服」了，因為佢點都咬唔到姑姐.....

但而家離上次已經五個月了，我估計阿夢唔記得姑姐了...

今日姑姐上來，仲帶左包小食來，三文魚的~~~~唉，可想而知，阿夢唔領情....真係...

然後阿夢聞佢幾聞，就走了入廚房的窗台上坐，呢個動作都唔算好奇怪

有時朋友或陌生人入屋，佢都會聞下人地（仲好失禮咁，專係聞人地隻腳，有次仲越聞越落力....），然後就自己走開...

但今次俾我見到以前從未見過的「貓樣」...

話說，我同姑姐走入廚房想逗下阿夢，姑姐湊近佢，佢就突然變得好惡.... 個口上半部份向上扯，露出尖牙想FEE姑姐...

不過佢係細膽豬，加上我企在姑姐後面，佢整兩整，姑姐就好識做咁，行番出廚房了...

然後的兩個小時，佢都唔係點出來，俾鷄肉乾都唔肯出廚房門口，但一直企在個灶頭上，遠望住我地....

姑姐話可能佢記得五個月前被佢抱住唔放，但我覺得，係咪因為姑姐身上有狗味?

呵呵，然後成晚都阿夢都唔肯走埋來，我行近佢，佢就急步走開....好似有點驚我.....連晚上臨瞓前的「咬腳指」遊戲，老大DADDY猛叫佢，佢都唔入房......

可能真係被嚇親，姑姐話，咁樣應該無法幫佢沖到涼，咁我可能問佢借個風機算了...

當然，我這刻才明白，平時阿夢是多麼信任我，任我搞....


各位，你地估，阿夢同小龜相遇，邊隻要繞道而行?

呵呵，近來龜龜唔知點解，突然從睡夢中醒來後，係都要爬出廳（佢本來係厠所裏四圍走）

我生怕阿夢的指甲會刺盲佢對眼，一直都唔敢俾佢地相見...但龜仔偏要從厠所門縫伸個頭出來，阿夢搞佢，佢都係要出來...

有次仲大力到，把門柵都撐鬆，自己走了出來，但好笑的是，阿夢先是進攻，然後退守，跟實佢，隻龜都好惡，最後阿夢只係遠遠睇實佢，冇用手去打佢....

咁我就放心由得佢隨屋走....

今日，突登拍了兩雄相遇的情況...

龜仔入了阿夢的地頭，在水機旁，阿夢唔理佢，自己飲水（係...佢終於肯用個水機了.....yeah，但都係飲好少水）



然後，龜仔想出廚房，阿夢退守門邊望實



龜仔出左廳，企在屋仔前面...

阿夢遠遠昅實佢...



最後，阿夢past  by龜仔，走到攝影機後（右邊係阿夢的身影）........



估唔到龜仔竟然仲惡過隻貓....

 

 

 

 

 

 

屬靈好書介紹 + 預防尿道炎的紅莓丸介紹

 

今日有兩個好介紹，一是有益心靈，一是有益身體的...

阿夢先登場...

我都有「埃PET」.... 我都要上網....

先介紹好書喔...

第一本書是慕安得烈（Andrew Murray）的「禱告的學校」( In the School of Prayer）





大學時朋友推介這本書，當時小妹信主幾年，打從小學開始接觸聖經，一直以理性面對信仰，初讀此書，覺得很悶，作者文風細膩，步調很慢，所表露的真摰情感猶如戀愛小說（個人感覺），我有點受不了

直至約十年後再拿起這書，其時剛親身體會聖靈臨在的能力，打開此書一讀，領受完全不同。不覺沉悶，也感受到作者對神的愛和追求，聖靈在我心裏也同樣呼喚我，進入這禱告的學校，與神直接相交。

我很愛這本書，此書用每日一篇的體裁寫成，但我一天實在消化不了一篇。內容其實頗深，文字簡潔，但是要操練至明白和體會作者所說的，實在不容易。

誠意推薦給渴望在禱告裏與神相遇的朋友



另一本，是朋友的贈書，台灣有售，大陸有售，在香港....好似找不到....

書名是<神的恩詔‧神在黃昏>（God Calling & God At Eventide），作者是二聽者（Two Listeners）

有關作者的資料，可見http://www.twolisteners.org/

這是一本靈修書

這書是作者從聖靈領受一些說話，直接寫下成書。如果各位認識香港的以勒基金的陳歐陽桂芬女士，就也知道，聖靈會感動某些信徒把祂的話記下為禱文，這些禱文都與聖經相符，都造就人。

神用各種不同的方法接觸不同的人，在不同的階段和境況，用不同的工具去感動人，讓人明白祂的愛。

理性的神學研究、神學分析是一種方法，聖靈的預言恩賜、領受，醫病神蹟等，是另一種，而神直接向人說話，在人清醒時或在夢中，又是一種途徑。

朋友很喜歡這本書，而我一讀之下，也很受感動，此書是用每日兩篇的體裁寫成，早上一篇，睡前一篇。

還有，這書中文版譯文流暢（我未看英文版），台灣的中譯圖書，不少都出現一些英式中文，香港更加唔使講了..........

甚願中文譯者的中文水準也要多多提升，除了「信於原文」，也要「信於中文」... 當然，小妹的中文也好不到那裏去



好了，現下介紹一下，女士尿道保健的紅莓丸（Cranberry）


成年的女士們相信都明白，在香港濕熱的環境下，容易因衣着（牛仔褲、緊身褲）或者經常在戶外活動，或衛生做得不足，而引發尿道炎，急性尿道炎會好痛，慢性尿道炎令小便份量少了和慢了....

預防方法，有說，最好少穿牛仔褲....緊身褲，內衣用全棉的，月事期間更注重衛生，還有，大小便清潔時，手勢都會影響到....

至於食療...有研究說，Cranberry能夠抑制細菌粘附於尿道的能力，因此能夠預防尿道炎

引用一個網站的介紹﹕http://www.shinsin.tw/medic4.html

小妹之前有在香港買過丸或汁，今年轉向美國的iherb買，順便買些貓用的營養品和其他維他命...

外國的優質補充品很多，也很便宜，但一登錄香港，價錢往往倍增....

順便介紹下iherb這網站，相信有些網友也認識

http://www.iherb.com/

早幾年開始買，產品頗多，以營養補給品為主，也有貓狗用的營養品。不少產品都有特價，多買又再特價

運費也不貴，購物滿某個數額，運費有折扣。不時更在總額上再給折頭

小妹之前因朋友介紹，首次購物有10%折扣。如果各位有興趣去逛逛並購物，又想用折扣，可以在coupon code寫上CAW917。就會有額外10%折扣（只是首次），小妹自己下次購物會有一次過的5%折扣。

今次介紹的呢隻Cran Clearance是100粒裝、680 milligrams的，品牌是Jarrow Formulas，這品牌香港有售

http://www.iherb.com/Jarrow-Formulas-Cran-Clearance-680-mg-100-Capsules/233

夾親手指 + 好牙醫介紹

呵呵學了波波媽咪，一個帖介紹多個主題~~~

布料小店重開了，在臉書facebook，歡迎來坐坐~~

https://www.facebook.com/sewinlovewithjesus

工作忙碌，經常開夜，與其說我是夜貓，更貼切的說，如果我不睡覺也能夠保持身心健康，我必定選擇不睡覺，24小時清醒....

日間有太陽曬的時間，精神抖擻，夜裏與月為伴，享受寧靜，工作時倍覺集中，真的想兩者兼得...

呵呵呵~~~但就出事了

有天早上送老大出門口後，因為實在太睏了，整夜沒睡，關門時手指誤放在防盜門扣裏，

門一關上，手指夾住在門扣那粒波波與牆中間，手指甲還「產」左入去鏍絲片裏...

由於門很重，那道力真的可以想像...

手指抽回後，痛得死去活來，裏面即時滲血....向來好忍得痛的我，忍不住打電話叫老大回家看看我

這次真的痛得差點想嘔，差點暈倒，手指久久發熱和麻痺，心想，屎了，食指動不了，不能工作也做不了家務，怎辦...

禱告了神，塗了家傳的跌打油，睡了一整個下午，抱歉連親人生BB也無法去醫院探望...

感謝主，這痛過了一夜後，大大減輕，而且沒有流血，只有內傷...

現在就似塗了指甲油一樣，紅黑一片，有些痛，但可以工作了，感謝主~~~

但是親愛的，因此我暫時不能為你浸醋，等手指好番先可以搞蒜子喔~~~

呵呵接下來想介紹一下小妹睇了多年的好牙醫...

這是2006年的事了....

話說，小妹的母親三十多歲已經滿口蛀牙（因為工作忙刷牙太隨便），到了六十歲，口中只剩幾隻真牙，她一向有假牙，但隨着年紀漸長，牙肉萎縮，假牙不合口形，要再做

可惜，正因為牙肉萎縮，她找不同的牙醫，做了幾副假牙，仍然食唔到野，係真的食唔到野，要食BB菜先得，這情況持續了兩三年...

於是，我就帶佢去我自己睇開的牙醫，他講中要點 ~~ 由於牙肉萎縮，導致假牙與牙骨磨擦，產生痛感，但如果假牙太鬆，一樣無法食野，唯今之計，就係幫佢種牙，然後配一副「鑲死的」牙

種牙的手術我一早聽聞，但也知道種牙是要開兩次刀，而且很痛，成效仲唔係百分百保證....

但係醫生當時說，他剛從外國學習一種新式的種牙法，只須開一次刀，而且唔係太痛，先做電腦掃瞄病人的牙骨狀況（骨質疏鬆太嚴重可能做唔到），然後精準地把鈦金屬的鏍絲鑲入牙骨裏，再造一副假牙鑲在牙床上，保養得宜可以用四十年，做完後可以食好多野...

這手術不便宜，六七年前都要二萬多元才種一隻牙，但是，媽媽之前已花了兩三萬元做假牙，再做都無用，於是我們就試下...

結果，媽媽話真係唔係點痛，雖然適應需時，但做了之後，佢可以正常食野，而佢又好細心照顧，而家六、七年時間過了，醫生話佢保養得好好，每年返去俾醫生檢查下就OK

我真係好推薦那些有類似問題的老人家去做這種手術，因為我媽媽在那幾年間不能正常吃東西，導致骨質疏鬆嚴重.... 身體也差了很多

而家香港應該好多診所都有這種手術可做，但六七年前好少診所做

這位醫生由早期開始為好多老人家做這種手術，近年更自購電腦掃瞄儀器，病人一站式在他那裏完成整個手術，好方便

小妹自己的三隻智慧牙都係佢操刀，一隻要開刀，但完全唔痛，第二天連止痛藥都無食...

這位醫生人真的超有耐性，又細心，心地好好，而且不會Sell你做任何療程，我的門牙因為太薄，蛀了崩了要補牙，問他是否需要做牙套（即係磨細隻牙然後套一個瓷片包住佢）更好，他卻認為補到就補，不建議我做更貴的牙套手術，而我的牙好黃（先天+後天食藥），他也不會叫我去做美白療程，話做左都未必好...

我很感恩，神讓我們最終找到方法可以幫助母親

小妹最近門牙補過的位置的牙粉掉下來了... 去看醫生說我裏面蛀了個大洞...媽啊，我從來未蛀過牙，醫生話我睡覺磨牙，把牙粉推鬆了，建議我戴個牙套（透明的薄膠套住成棚牙）睡覺，防止再磨，因為原來我整副牙其實都磨蝕了........

牙套做好後，會放上來俾大家睇下，如果有這問題，建議可以試這個方法

[後記﹕牙套做好了，小妹另外寫了一篇短文介紹]

阿夢的禮物~~~~~

呵呵模糊的標題....是阿夢送我的，或是我送阿夢的........

近月忙於工作，一直沒空更新....呵呵夢夢好像長了點肉，可能臨近冬天喔...

毛多了...頭圓了一點，體重上升了...0.25KG

先來看看....

阿夢的鷄脾先 XDDDDDD






以下是

阿夢送我的禮物﹕

1. 抓痕一條......玩玩下，一抓就變成血染的大脾.... 夢夢...媽媽嫁唔出一定賴你呀



2. 阿夢一地玩具.... 玩完又唔執番入屋仔...



3. 阿夢一地貓糧....食野天一半地一半....



4. 阿夢的貓砂塔... 呵呵有一小團尿尿未鏟....



5. 阿夢的毛毛.... 我已經儲了半年，才這麼一小團... 哈碌媽媽...我稍後會掃瞄羊毛氈的圖片俾你，拖左咁耐唔好意思...



6. 阿夢一地貓毛... 到處「留毛」...



........................................................................................
再來看我送阿夢的

1. 貓玩具.... 已經玩丟了六個羊毛球...三個bingbong波......仲有好多小玩具...



2. Purebite乾鷄肉粒，這款佢超喜歡食，我都試食過，無咸味的，但好香，食左佢肥左D~~~
這款係俾狗的，平好多，但原來同貓食的分別是，大小size而已



3. 這是貓友的介紹下買的牙粉，食左個口真係冇咁大陣貓糧味...
一樽好細，以為好快食完，其實可以食到兩三個月...
有關這款牙粉的用家分享和其他資料，請見本帖的回應欄，貓友的分享 : )





呵呵抓完我之後，佢好滿足咁攤地上



同我眨眼喔.....XDDD

 

 

 

 

 

 

 

我和阿夢出去賞月了~~~

呵呵，昨天半夜... 我和阿夢到屋企附近賞月........

老大成日話，貓貓在家會唔會想出街....

趁月圓之夜，帶她出去看月亮....

原本打算把她放入背包裏，不過，得個頭仔突出來，又好似唔舒服，用籠佢又睇唔到街...

最後，我抱住佢出去.... 有點擔心走貓

阿夢真係好乖豬、純品，落到樓下，企驚驚....攬到我實一實，我抱實企

企冇四圍郁.... 係眼仔頭仔四圍轉... 好聽話同我和老大在樓下行左十五分鐘...

然後，在街上遇到一家人在賞月（可惜看不見月亮...），佢地有隻狗仔，隻狗仔好奇走埋來...同我地打招呼...

呵呵阿夢第一次冇遮冇掩，喺條大街上.... 見到車車、好多人、公園.........仲有異類~~~狗狗

送上我另一個寶寶的照片，係咪好卡通呢~~~~呵呵呵B仔