呵呵模糊的標題....是阿夢送我的，或是我送阿夢的........
近月忙於工作，一直沒空更新....呵呵夢夢好像長了點肉，可能臨近冬天喔...
毛多了...頭圓了一點，體重上升了...0.25KG
先來看看....
阿夢的鷄脾先 XDDDDDD
以下是
阿夢送我的禮物﹕
1. 抓痕一條......玩玩下，一抓就變成血染的大脾.... 夢夢...媽媽嫁唔出一定賴你呀
2. 阿夢一地玩具.... 玩完又唔執番入屋仔...
3. 阿夢一地貓糧....食野天一半地一半....
4. 阿夢的貓砂塔... 呵呵有一小團尿尿未鏟....
5. 阿夢的毛毛.... 我已經儲了半年，才這麼一小團... 哈碌媽媽...我稍後會掃瞄羊毛氈的圖片俾你，拖左咁耐唔好意思...
6. 阿夢一地貓毛... 到處「留毛」...
........................................................................................
再來看我送阿夢的
1. 貓玩具.... 已經玩丟了六個羊毛球...三個bingbong波......仲有好多小玩具...
2. Purebite乾鷄肉粒，這款佢超喜歡食，我都試食過，無咸味的，但好香，食左佢肥左D~~~
這款係俾狗的，平好多，但原來同貓食的分別是，大小size而已
3. 這是貓友的介紹下買的牙粉，食左個口真係冇咁大陣貓糧味...
一樽好細，以為好快食完，其實可以食到兩三個月...
有關這款牙粉的用家分享和其他資料，請見本帖的回應欄，貓友的分享 : )
呵呵抓完我之後，佢好滿足咁攤地上
同我眨眼喔.....XDDD
恭喜夢夢成功增磅！！
回覆刪除第２幅相片的姿勢只有夢夢做到－－腳板仔貼後尾枕，無帶梳都唔要緊 ;-D
[版主回覆10/18/2012 23:06:19]好，唔該晒... 咁我明天打去先...
[回覆10/18/2012 22:48:07]取消啦,慳好多無謂$$,我以前一直用PCCW,佢地要你打去客戶服務部要求寄一封正式取消通知,填妥及寄回後一個月至生效.不過D SALES一定冤你一輪問點解唔用呀...
[版主回覆10/18/2012 20:35:05]對了，我想停用家居的固網電話，依你意見，麻煩嗎?? 定係只需打電話取消就可?
[版主回覆10/18/2012 20:32:33]呵呵謝謝您...
佢準備做湯馬斯全旋....但仲未成功~~~
嘩，妳儲左咁多毛
回覆刪除我個仔呢排勁甩毛，我將佢丟晒tim
問想下牙石粉係邊度買架?
[Oli回覆10/19/2012 23:57:46]多謝你地好介紹
[版主回覆10/19/2012 21:10:38]好事，咁我繼續俾佢食....因為佢唔肯俾我刷佢棚牙
[kim回覆10/19/2012 21:01:27]用左2個月,證實係可以去牙石
[版主回覆10/18/2012 22:41:38]食左個口真係冇咁臭...牙石就仲未知得唔得...
[版主回覆10/18/2012 22:39:06]呵呵我儲了半年，想做貓毛波波吊飾
牙石粉在petdoghk...
E...明天訂貨（17~19日），會送coupon（約等於95折）可以下次用...
我一直在這裏訂貨，幾好的店
一樽可以用好耐...
http://www.petdoghk.com/petshop/product_info.php/cPath/50_151/products_id/3836?osCsid=aa0f6377fd03cb141f06625df73e7599
嘩～亞夢夢有好多玩具喎! 我d貓最鍾意玩紙波波同埋～我^-^
回覆刪除[版主回覆10/19/2012 02:08:30]那D都係環保再用的玩具，來來去去都係兩招...
波波 + 繩~~~
當然，我係最大的玩具
真係覺得唔使買玩具俾貓，有人同佢玩最好
佢都食好多保養品喎
回覆刪除[版主回覆10/23/2012 21:16:18]我隻手拿唔到重物，所以我主力在網上，petdoghk（主力呢間，因為今次在感謝日買，會送下次的COUPON，等於九五折左右）、寵物雜貨、APE、同埋QPET的門巿
[Twisty回覆10/23/2012 20:55:21]請問你係邊到買貓既用品架？
[版主回覆10/19/2012 10:17:30]吐毛高一周三次，牙粉大約每天一次，蘆薈粉有時俾有時唔俾，還有enzyme
之前因為想長餵濕糧，所以買落一堆保養品，但而家睇來佢鐘意食那隻乾糧，咁就唔係日日俾
夢夢圓潤左，靚女左
回覆刪除[版主回覆10/19/2012 21:11:51]呵呵謝謝...
秋風起，貓貓肥~~~
1) 要同夢夢梳密o的毛呀,我隻都係短毛貓,1星期梳1-2次,你半年o的毛量=我每次的毛量,勤力同佢梳,可避免佢舔入過多毛,加上平日早晚俾佢食貓草,自家種,無農藥,好過食吐毛膏,平o的+健康o的, 毛擦我用呢個http://item.taobao.com/item.htm?spm=a1z10.3.0.113.9d2c3e&id=10946659378&_u=jf2fleuccde, 香港買$60-70, or http://item.taobao.com/item.htm?spm=a1z10.3.0.103.9d2c3e&id=8065624634&_u=jf2fleucad4 都係好野,
回覆刪除2) 等我個舊砂盆退役or加貓後,會買你個種砂盆,因為貓貓成日屙尿屙 濕腳,跟著跳上我張床,坐係我個枕頭度
p.s.我最近開始俾1茶匙coconut oil佢食,對皮膚&口腔都好好嫁,人都食得
[版主回覆10/20/2012 01:41:50]呵呵好，我去看看先，我都係在iherb買野，品質不錯，又平，謝謝您成日比意見我
[kim回覆10/19/2012 23:51:14]你睇下呢個website : http://www.cocotherapy.com/testimonials_cocotherapy.htm, 不過我唔係食呢隻,我係iherb買,係人食,coconut oil係對健康好好,食得,擦得,當初買來係自己用,依家一物多用
furminator我都有,不過係A貨,貓貓唔係好鐘意用,e家用個隻係矽膠梳,同佢梳毛每次都尾巴搖搖,好享受啊
[版主回覆10/19/2012 23:28:55]呵呵佢唔肯俾我梳呢...要等佢瞓着先得，一周梳三次左右，
那舊毛其實好多，壓實左...佢唔肯食貓草呢，我用furminator，同埋佢之前毛唔夠厚，普通貓梳梳唔出毛...有時梳完D掉左或飛走左...
佢肯食貓草就好了... 夢夢好偏食，氣C我
我那種砂盆有個壞處，就係個洞好細，雖然個盆夠大，如果日頭冇人在家，你貓貓又痾得多，我擔心個洞唔夠佢埋屎.....因為痾一次尿，就一大舊，再加一坨屎，個洞就無位俾佢痾，除非佢屈就在埋好的砂上再痾....
但好處真係，最多後腳踩到D砂，你隻貓咁大隻，個身一定企唔晒入個洞...
我每次見佢大完便，就捉佢抹屁屁，唯有，否則佢跳上床有屎屎就我屎得.....
咁我又研究下先，coconut oil...
夢夢同你眨眼=話'i love you'呀
回覆刪除[版主回覆10/19/2012 23:29:36]呵呵希望係啦，我覺得佢好似同我講...媽咪，唔好搞我啦，我好乖喎而家
抓痕, 陰功!!
回覆刪除[版主回覆10/20/2012 01:40:43]
夢夢大左肥左靚左喎~~抓到好在無事,錫返係呢我都想買一d對佢地免疫力好d既野,有無好介紹呀~~p.s ho miss you and mon mon ar~~
回覆刪除[版主回覆10/24/2012 18:32:15]益生菌我都有俾佢食，不過唔係日日
有些乾糧都有益生菌（innova都有加），在論壇上見有貓友話隻貓腸胃唔好，醫生會開益生菌俾佢食，就會有改善...
我隻貓的腸胃一向好好，轉糧或俾唔同的食物都冇軟便，我唔知關唔關益生菌事，定係佢本身腸胃好
因為乾糧在製作過程中，流失好多營養，所以乾糧會另外加入一些補充品...
如果你貓貓腸胃OK，都可以唔使俾佢
海藻粉.... 係咪潔牙那隻，如果係，咁這個網文裏我介紹，還有其他貓友的留言都有講，呢隻海藻潔牙粉不錯...不過佢有些海藻味，貓貓唔知鐘唔鐘意...
太細的（妹妹）唔好俾佢食住，牛牛就OK的，可以去牙垢，冇咁口臭...雖然亦有網文話隻牙粉含某些物質，多吃唔得，不過每次只半匙（樽內提供的），好少應該OK，瑞典出品的，估計合標準的...
我都係知少少，不過我爬了好些網文，發覺，如果以乾糧為主，隻糧本身夠營養，而佢腸胃又好，唔使俾太多其他野佢食，吐毛的野如果食貓草就最好，否則也許俾吐毛膏....反而係要多飲水，否則長年食乾糧，老了可能個腎會出事。
但如果俾自製濕糧，本身本來係好事，只係因為材料未必夠全面，往往也許需要一些補給品，之前我本來想俾濕糧為主，就買了好些補充品，如taurine、魚油、維他命之類...但發覺好難控制，貓貓又只食鷄... 所以買落一堆，但唔係成日用
樓上有貓友話coconut oil好，我未得閒去搜尋資料，你不妨又看看有冇益...
我真係唔好意思呢，那隻粉應該唔會食死貓，但係蘆薈這種植物係可以毒貓，咁好在有貓友提下我，咁controversial的用品，都係唔好內用...
係呢，近排少見你寫BLOG，是否好忙? 兩貓近來好嗎
[MI小米小米MI回覆10/24/2012 11:26:36]Hey sue,做咩要咁講??多謝你話比我知就真~~其實我最近想比d補健食品比兩小b,有聽過益生箘 and海藻粉叱d野,唔知你點睇??
[版主回覆10/23/2012 21:47:29]E...有貓友提醒，蘆薈含大黃，我上網看過，似乎未經提煉的原枝蘆薈對貓有毒，你唔好買了...雖然呢隻粉在美國出了未聽到話食左有事，但係我沒有其他資料，都係唔好用了，對不起呢誤導了你
[版主回覆10/20/2012 23:30:23]呵呵，可能臨近冬天，肥了
我其實都唔知效果，不過見蘆薈本身應該OK，呢個牌子好似在美國都不錯，咁我就試下，畢竟佢係全天然
http://www.iherb.com/Flying-Basset-Organics-100-Pure-Aloe-Vera-for-Dogs-and-Cats-8-oz-228-g/30088
之前因為想只餵濕糧，所以買了一些補充品，但而家主力餵乾糧，唔使俾咁多其他野佢了...
呵呵我都掛住牛牛同妹妹呢，而家妹妹應該大隻左了,,,,
夢夢個樣越嚟越似波波
回覆刪除[版主回覆10/21/2012 21:37:01]係...我都覺得....希望佢好似波波咁肥,,,,
同埋有波波咁溫柔
寶貝肥左做媽媽真係開心到暈低呀！
回覆刪除我兩小豬都重左0.2KG，不過大豬唔知做咩輕左0.2KG。。。有D擔心添！
[版主回覆10/23/2012 01:06:15]如果大小便正常，食量冇減...係咪走動多左呢???
[吉孖媽回覆10/23/2012 00:50:33]都好肯食呀！
[版主回覆10/23/2012 00:48:31]咪係，見佢肥不知幾開心，不過今晚我罰左佢....
你兩隻豬仔已經夠肥噃...係咪呢.........又重左呵呵呵
廋左就反而擔心.. 食野OK嗎
哈碌: 夢夢豬...你真係越大越靚女, 條尾好粗碌啊... I Like!!
回覆刪除哈碌媽: 多謝你既好介紹呀! D牙粉係撈埋D糧俾佢食架?
等我努力儲多D毛先...咁你呢度D毛夠唔夠整個波呢?
[哈碌回覆10/24/2012 10:23:13]多謝各位分享呀! 哈碌都好鍾意食芝士味, 等我都買黎試下先...
[版主回覆10/23/2012 23:01:28]呵呵你都好有心思，我放唔入佢個口，都係用BB牙刷，但都只係掂到佢外圍少少牙...唔肯俾我刷呢...
納米那隻唔可以大力，輕力都OK（我用在自己個口試過），但係又真係厚左D
你講那隻，唔知用在貓口得唔得...不過我覺得你用紗布效果會更好，薄身方便D
[kim回覆10/23/2012 22:26:22]實不相瞞,我曾經用過納米布造手指套同佢擦,不過唔係好work,覺得好厚,好難塞入佢個口,反而紗布感覺薄o的,加上驚納米布會磨損佢o的牙肉&長久會磨掉法瑯質,所以無再用,最近係香港某pet shop見過此物, http://www.pcstore.com.tw/petstalk/M10458400.htm,正在研究中….
[版主回覆10/23/2012 21:13:51]多謝KIM貓友的資料，真係互助互愛，彼此分享，好過睇廣告喔...
係，海藻味阿夢麻麻地，所以我就用佢超喜歡的芝士味enzyme灑在面，佢會順便食埋...乾糧都可以灑，不過有機會掉到碟底
呢隻粉的好處是全天然，不加調味
KIM，我仍然無法同佢刷到牙，佢好抗拒呢~~~唯有靠下呢隻粉...
我買左一隻人類用來潔牙的納米手指布套，套在食指上，同紗布一樣功效（也許更好，因為是納米）... 你不妨試下...
[kim回覆10/23/2012 20:59:29]等我補充下:我隻貓貓係1歲多o的開始發現有黃色牙垢,口臭俾佢食呢隻牙粉,頭1個月一小匙,第2個月可以減至半匙,至於牙石,我係用牙刷同佢刷2,3下,再用手指將牙石挖出,如果貓貓唔肯刷牙,可以用紗布包裹食指代替牙刷,都有摩擦作用,另外貓友luckymeow曾經介紹過另一種牙粉, http://blog.yahoo.com/luckymeow/articles/725161/index,係cheese味都好有效,如果你隻貓貓鍾意食cheese咁就very good啦,因為’plaque off’係有小小海藻味,我一般係混入濕糧俾佢食….
[版主回覆10/23/2012 00:46:59]多謝您喜歡夢夢，雖然佢好頑皮，搞到我個書房亂到七彩.....
係KIM貓友介紹嫁，佢feedback話真係有助去牙石，而我覺得貓個口冇咁臭，你試下，半至一小匙（樽內提供的）撈埋乾糧或濕糧俾佢，佢食左，個胃會分泌一些東西，令牙齒有一層膜喎.....一樽一隻貓可以至少三個月..我用了個多月才用了一半...
我今晚終於拍了本書一些基本的方法，你用住先啦，我在電郵詳細教你...
我手上的毛，應該可以做到兩個迷你波波做手機繩，你儲下啦
明天你去收E貓，看看收唔收到
貓貓天氣轉凍會勁食嘢.好易變肥仔.
回覆刪除我隻細仔啱啱攞回堅企時比佢抓到我成腳到係血...係勁多血個隻呀!
所以我覺得妳-血染的大脾.... 少事啦!......kakaka...養貓貓有時係會今架啦....
[版主回覆10/23/2012 00:50:50]呵呵我呢一條係最新的血痕，其他的.....成腳都係，不過真係貓仔鐘意抓人，大左會好D，而家少了咬我
又好似係噃，而家突然發現佢肥左好似好多下....毛色都變埋...
夢夢 好好肉地,好肥美
回覆刪除夢夢話: 呢下係愛的見證
[版主回覆10/23/2012 00:51:20]呵呵咁等我都俾番一啖愛的見證佢先.....
見你係哈碌個blog話想買thrive,呢樹有呀http://www.doggietaste.com.hk/shop/index.php?cPath=145_149,你去佢facebook like 佢有$20贈劵呀
回覆刪除[版主回覆10/25/2012 22:41:08]謝謝您喔...真係實在太好人了，之前貓友俾我外國網址，我怕運費貴，一直冇訂。如果香港有，等我去看看幾銀先