2017年8月30日 星期三

夢夢砂盆進化史


由仿人厠--> 轉用「滲透砂盆」--> 回歸普通大砂盆(內藏雙層盆)

好耐無更新,難得放一日閒假......分享下夢夢的砂盆臭事,想轉滲透砂的朋友也許有少少幫助,純粹不負責任的個人經驗 




仿人厠時期:




一開始用仿人厠所,Richell的設計有個可拆卸的厠板,貓咪企上去大小便後,腳不沾砂、屎尿,貓也不會坐在砂上,又慳砂、乾淨、不帶砂出盆。用凝結砂我揀左食落肚唔死得的豆腐砂,一歲半前佢用得好好



不過,弱點係開口太細,大貓痾一次就無乾淨地方再痾,長期有人在家執屎清砂就完全OK。。



兩年多前,因關注阿夢越來越肥,仿人厠所開口太細,滿足唔到佢冚屎+搵乾淨位置再wee wee的慾望,轉買當時新興的滲透砂+砂盆...



這是最初的仿人厠





阿夢BB時用,根本企唔到上去XDD




滲透砂時期:




滲透砂盆的結構即是雙層砂盆,上層的孔比較疏,下層有抽屜放入尿片,當時廣告話,尿會流落下面尿片,砂可吸味,大概一個月換一包砂,要用厚身狗尿片可以兩三日換一次(本身牌子出個隻話一周換一次的,超貴),既唔臭又慳砂慳時間....



最重要是尿唔會積在砂上,阿夢再痾就一定有乾淨位置了...



用了几個月後發現,貓尿的確流晒落下面尿片格,原廠出個隻超貴尿片五日就一定要換走,否則一係尿太多,一係太臭(阿夢算是少尿),普通厚身狗尿片兩天要換。



但是,貓砂用兩周我已頂唔順,好臭,最多三周。無論滲透型的木砂定係另一款合成土砂效果分別不大。兩周內倒是沒問題的。

貓砂(如大木砂或合成土砂)比較大粒、重,帶砂出盆的情況會大大改善,但與此同時,不利於貓地冚屎,尤其是土砂~~

對於滲透砂盆的個人結論是:

**適合懶人,可以至少兩周至三周才換一盆砂(如不嫌砂盆有尿味),每一至三天換尿片。但是砂不能沖落厠所(即使連大便沖少少砂都唔得,無論木砂定合成土砂都不溶於水,會塞厠所)。

** 多貓的也適合,尿不會積在砂裏,至少踩上去係乾爽既

**如果貓咪不時拉肚子,貓砂用不了多久要替換了..

***要求好乾淨無味道的貓友,建議三思才試用,一包滲透砂大概等於半包普通紙砂或豆腐砂的份量,每日大便畢走一些貓砂,會越來越少,而且貓砂過了一周會有尿味。若願意勤洗砂盆+勤換砂,唔嫌成本高(砂一包約110元,另外尿片成本),效果不錯。

滲透砂盆+崩解木砂時期:


與其忍耐兩三周才換一次砂,我寧願每周倒掉一盆砂,這樣每周夢夢就有一盆全新貓砂,功夫多一點而已。

唔想浪費個盆,於是,我轉用崩解木砂(遇水即散,木粉、尿跌落下面尿片盤)。好處是。。價錢相宜,大半個月用一包,每天畢走木粉,貓尿一半流落下面尿片,一半被砂吸收了。

不過,由於雙層盆之間的距離太近,貓砂變成粉後只有50%左右跌落下面尿片盆,另外50%仍然留在上面,每天要清走木粉。

呢個方法用左一年多,成本慳左好多,但是,因為木砂會變粉,阿夢一日wee 几多次,就踩尿粉几多次,不太衛生。

我用無蓋的砂盆,放工返來日日一開門,就是屎屋一間 ............................. 試過在走廊門口就聞到.

P.S. 我已開了強力空氣淨化機~~~


變身特大雙層砂盆(內藏滲透砂盆~~)+ 豆腐砂時期:


想再買一個大孔雙層有蓋砂盆+ 崩解木砂 ,可惜那個型號香港沒得買,退而求其次,買了特大的普通砂盆如圖

然後將滲透砂盆放入去,上面用我至愛的豆腐砂,將下層放尿片個抽屜取走,剩下底盆,放尿片(如圖)

試左兩周,效果滿意:

1. 臭味少左好多,豆腐砂遇尿凝結,只有小量尿流落下盆,吸味程度比木砂好。有蓋也有助罩住屎味。

2. 盆尺寸特大,夢夢有足夠空間和隱私。

3. 本以為豆腐砂會「痴」底,實情是不怎麼粘盆

4. 盆大,本來需要用好多貓砂(估計每次放一包砂),加左個滲透砂盆後,每次只需大概放3L(約一包砂的40%)砂就夠舖滿,每周換一盆砂,五天換一塊尿片,既省砂又乾淨。

夢夢唔挑砂,甚麼砂,甚麼盆,她都照用 XDD

不久前我進一家寵物店揀砂盆,跟店員討論滲透砂盆換砂問題,他也說一個月才換砂其實不太可行,用兩周沒問題。不過見網上有人說沒臭味,一個月才換沒問題。


特大號的砂盆



裏面放入滲透砂盆



下面的是滲透砂盆的下層盆,取走抽屜後,空間大很多,放上尿片


2 則留言:

  1. 回覆
    1. 好耐無係呢邊見了~~
      係啊,近來見到越來越多店賣呢類盆,想分享下,俾貓友參考下~~

      刪除

點擊右上的「以電子郵件訂閱」,你便收到夢媽對留言的回覆了 : )