想請教各位貓友.....
阿夢自從五個月開始，食野唔太積極，雖然都有增磅，而家九個月，先得3.5KG左右...
之前佢換牙時，我見佢牙肉有少少紅，心想可能係換牙問題...
但而家已經九個月，近日佢食野又少左，鄰居裝修好嘈，佢成日走了入梳化底瞓覺....
我在想，究竟係環境令佢無胃口，定係其他...
阿夢好唔鐘意我搞佢個口，好難同佢刷牙
所以一直都冇積極刷，有時用牙刷，有時用毛巾捽佢D牙（只是外圍，內圍根本刷唔到）....唯有俾佢食那隻牙粉，也唔敢成日餵濕糧...
佢個口而家唔係點臭，但今日我強行打開佢個口睇睇..
發現佢的牙肉近牙的位置，有微紅，冇腫...牙石就應該冇
心想，其實佢係咪因為牙仔唔舒服，先至食得唔積極... 但佢寧願食乾糧，又唔係點食濕糧....
上網找資料看看，發現有些貓有先天性牙齦炎，細到三至五個月就開始發.......而且冇得根治，成世都要用藥....
想起阿夢約五個月時已經有微紅... 我以為係換牙... 冇想過咁細個就可能有牙病....
我會帶佢睇醫生，慘在我近排忙得屎屎下~~~
希望周六醫生有時間啦...想請問各位，你地貓貓有冇呢D問題呢?
之前有位貓友（屎，又唔記得係邊個...）講開佢貓貓要洗牙....
唉，我好擔心添，盡量都唔想帶阿夢出門，貓貓怕生，帶佢睇醫生搭的士，長途次次都嚇親佢...........
有個blog友佢貓貓有口腔炎，唔知佢幫唔幫到妳呢
回覆刪除http://blog.yahoo.com/_3KE44NTRXY6NFOUJE5SOWSKK4M/articles
[版主回覆11/18/2012 19:28:32]謝謝關心....我寫了一篇新BLOG關於睇醫生的
[Oli回覆11/17/2012 22:37:23]希望聽到好消息
[版主回覆11/17/2012 21:32:06]改左聽日
[Oli回覆11/17/2012 21:26:06]今日睇完醫生，醫生點講呀？
[版主回覆11/17/2012 00:35:57]謝謝你~~~~
[Oli回覆11/17/2012 00:11:21]咁終於睇醫生好，希望夢夢冇事，妳唔駛咁擔心
[版主回覆11/16/2012 09:32:03]你真係好有心啊...唔該晒你啊....我睇左個BLOG，BLOG主很有心機自製貓食...
希望我阿夢都肯食....佢好偏食...
真係多謝你，我明天打算帶佢去睇一次醫生先
有D貓是會鍾意食乾糧，唔鍾意食濕糧。夢夢會唔會是這樣?
回覆刪除貓貓心意有時很難明，你試下烚雞肉看看牠有無興趣嗎?
[版主回覆11/18/2012 19:27:48]謝謝啊....我寫了一篇新BLOG關於睇醫生的，我見到診所有售那隻BACH...情緒草藥呢....
[包豆媽媽回覆11/17/2012 23:55:44]對住牠們有時都真是無晒辦法！佢又講唔到我聽佢想點，做阿媽真頭痛！
只想牠們健康快樂成長，就已經很滿足！
[版主回覆11/17/2012 19:34:00]多謝您啊包豆媽...這個diet問題我煩左好耐，而家見佢牙肉紅，就擔心D添....
明天會帶佢睇醫生~~回來會報告下...希望醫生耐心同佢睇下....
其實由接佢回來，我俾過約十種以上的乾糧，好多隻牌子好多種味的罐頭，又自製新鮮鷄肉，牛肉、魚、蝦、蛋......混入去主糧俾佢食，但佢只肯食一隻味一種糧...
呢三四日佢唔係點食，二日大一次便....
做阿媽真係唔容易，做人的阿媽相信更難，向世上所有母親致敬
[包豆媽媽回覆11/17/2012 11:18:39]睇左醫生未呀?睇完話我知結果呀！
夢夢可餓全日都唔食，又真是幾頭痛！
做媽媽的真是很擔心，我也很明白你的心情！
其實我意思不是只俾一種糧佢。是如你俾佢某一兩種糧（試用糧）當小食俾佢，如佢喜歡的話，你可每隔兩至三個月同佢轉一次（交替）
間中可混濕糧或自家制糧（如雞肉，三文魚肉），提高牠的興趣！你看看有否幫助！
[版主回覆11/17/2012 00:33:15]呵呵哎... 我而家都唔知係咪太寵佢呢...
也許我本身是不太喜歡吃東西，從小就冇咩食慾，身體唔好。總覺得能吃身體才會好，很想由得佢自己選擇喜歡吃甚麼...
一開始就係唔想佢揀食，咩都俾佢試，希望佢咩都食，只要健康就OK了... 太單一的diet好似唔太好。不過似乎佢就係鐘意食一種材料...
問題係，如果佢偏食，但肯食好多，咁我唔緊張
但阿夢似乎係可以成日都唔食，我俾少D佢，佢又食少D，好少問我攞食...佢唔鐘意食，擺一日都唔食呢....發育時期，唔想餓佢（佢已經唔肥了....哎）
不過，睇完醫生知咩事之後，睇來我都要狠心少少先得...
[包豆媽媽回覆11/16/2012 22:38:52]你太寵壞牠了，同小朋友一樣，吃個好野怎能返轉頭呢！
有時不能俾太多佢地試，你覺得好才俾，吃到牠真不喜歡才轉。
夢夢知你錫牠，牠蝦你。如牠一齊正常只是偏食，你不妨每餐俾少d，牠仲會餓，到時牠會主動叫你俾佢食，你不妨試試
我包豆如半小時內都不吃我就收無得吃，第二朝佢會一早叫醒我餵佢。
[版主回覆11/16/2012 20:29:34]多謝您關心啊.....
[版主回覆11/16/2012 20:28:16]唉講到食野，我就好苦惱....吐下糟先....包豆媽...
從接佢返來，我就咩野都俾佢試，點知佢越來越偏食，而家只肯食innova一隻乾糧，濕糧就只肯食一隻牌子的一種味........連蒸鷄都麻麻了而家....仲要係新鮮鷄唔係急凍那D....
濕糧佢飲晒D水，肉就唔食
今日又唔肯食，淨係食那隻purebite鷄肉乾小食...雖然話係完全無添加，唔怕食，但係呢隻只係純鷄肉，唉...
睇下醫生點講先啦, 有時又唔洗太擔心既.........我啲貓都唔肯擦牙架.....
回覆刪除9個月3.5kg........都ok呀
[版主回覆11/16/2012 20:30:08]我見其他貓友的英短到九個月都好肥了........佢由六個月開始冇咩肥過.........
多謝你啊....唔刷牙呢，就怕佢會發炎呢...小心
唔駛太擔心既,係咪始終係女仔, 所以細食D呀? 同埋會唔會係思春期, 都會影響胃口架喎...
回覆刪除[版主回覆11/16/2012 20:31:42]係咩? 會咩? 佢又無思春叫噃.......
今日連乾糧都唔食...但係佢又同我玩噃....
周日同佢去見醫生，睇下點講.....
多謝您關心呢....
都係睇吓醫生點講。有d貓貓真係嘴刁d㗎，各有偏好，只有盡量配合班大帝
回覆刪除[版主回覆11/16/2012 23:17:14]係啊，想聽下醫生點講，希望醫生有時間傾下....
在冇問題!
回覆刪除貓唔同人,無得古........快快帶佢去睇醫生....就放心好多啦...
[版主回覆11/17/2012 01:43:54]呵呵係，周日帶佢去睇...
謝謝您~~~
波波好細時牙肉就紅紅哋.....vet話牙週病,係醫生處買咗隻oral gel,我用毒沙布同佢抹牙(隔日) so far so good.....
回覆刪除另外佢連喜歡食嘅乾乾都唔食?......咁試吓整碎佢鐘意小食溝落乾乾俾佢食,if 都唔進食就要睇vet喇
[波波豬回覆11/17/2012 20:46:17]係吖,波波有敏感體質
[版主回覆11/17/2012 19:36:39]波波身體係咪有敏感（如果記錯唔好意思）...
係，明天去睇貓醫院了....佢呢幾日唔食乾糧，我唯有餵冷凍那隻鷄肉乾俾佢食，但都冇之前咁雀躍...
謝謝你關心，睇完回來報告下先
我有牙gel 幫肥豆刷牙，不過要兩個人先攪得掂！牙gel名稱是VetzLife！下幫唔幫到夢夢！
回覆刪除[黑柴媽媽回覆11/17/2012 21:34:32]
[版主回覆11/17/2012 21:32:45]好，唔該晒~~~
[黑柴媽媽回覆11/17/2012 20:48:10]係售買貓狗日用品鋪頭買，不過唔係間間有，你試下同間相熟問可不可以訂貨！
[版主回覆11/17/2012 20:43:36]多謝您~~~
E.... 各貓友提供了一些刷牙的GEL...你係邊樹買呢?
點都係睇吓醫生隱陣啲，希望唔好有事啦
回覆刪除[版主回覆11/18/2012 19:26:59]謝謝關心啊....我寫了一篇新BLOG關於睇醫生的
醫生睇完點講?
回覆刪除[版主回覆11/18/2012 19:26:53]謝謝關心啊....我寫了一篇新BLOG關於睇醫生的