首先多謝各位貓友的關心，我同阿夢今日睇了醫生了........
事緣阿夢由五個月開始無增過磅，近月有少少成績，近幾日突然又唔想食野，見到佢的牙肉有微紅，心情又唔多好
擔心佢身體有事，帶佢去睇醫生...
真的要說一下，中環的香港貓醫院好好，有位四眼的頭髮及肩、古銅皮膚的姑娘人真的超好，每次見到她，都會細心同貓主傾偈，俾意見，好好脾氣，但我又忘記問佢的名字.... 其他的姑娘都不錯
醫生，之前睇開的DR. MAGGIE呢幾日放假，她人也很好，專業細心，上次塞車累她等我大半小時也沒怨言...
今日睇的是DR. LISA...美女啊，人超好，今天有急症本來要轉時間，後來安排好我準時到...
她細心為夢夢診症，首先...她說阿夢身材和毛色很好，非常好非常標準... 3.35KG...九個月
然後，好詳細咁問左阿夢平時食野的情況...咁我如實報告....佢話，有些貓食慾不強，無辦法，只要健康就OK，同埋叫我再嘗試俾多些牌子佢試下... 因為佢看來身體好靚
不過，開心左一分鐘唔夠
佢睇完阿夢的醫療紀錄....就話... 但係，阿夢的體重好似有下跌的情況，照計發育時期唔應該會咁.....（其實係廋左，之前應該去到3.5KG）
於是，她建議驗血、驗尿，怕佢身體機能出問題...
然後就即刻拿起個須刨....剃走佢下巴一塊毛...吉一針抽血，在肚仔又吉一針抽尿，唉..我心痛啊，好在阿夢好聽話，冇郁過........
至於牙肉，醫生話係細個時可能有少少感染，好少事，俾左牙GEL...
然後就等報告... 報告出左，醫生話呢...
阿夢一切都好正常，但有一點可能有問題，是尿的蛋白含量偏高，說驗一次怕唔準，叫我回家留尿，二周後覆診再驗...
今次蛋白含量偏高可能因為抽血時有機會「high」到少少血或者今日偏高，但如果真係偏高，就可能器官有問題，令蛋白質在尿裏過度流失
尤其是因為見佢冇增磅，反而廋左..
我有些擔心，回到家佢又匿在梳化底唔肯出來.....
各位，你地仲有冇好的貓罐介紹下呢? 小妹試過好多隻佢都唔食...新鮮自製的濕糧佢又唔食........
.......................................................................................................................
梳化底的佢...而家成日匿入去...都唔知點解??
係咪有壓力呢? 姑娘話可能佢未絕育，有些貓因此有些壓力....
這是下次幫佢留尿的道具....
這是牙GEL...
這是今日買的新糧，其中兩隻已食過了，昨天又買了另外三隻味.....希望佢食啦
最後介紹下，下周日是領養日，貓友們，有朋友想領養，可以去睇睇...
妳有冇試過Almo Nature 或 Applaws?我隻都係食佢的
回覆刪除[版主回覆11/18/2012 21:52:07]兩隻都唔食.......
almo nature本來喜歡食，唔知點解突然有一天，完全唔食....剩下的都要送人
夢媽：罐罐：applaws, ziwipeak, almo，Kakato我只買這幾種牌子！
回覆刪除Ziwipeak有種肉乾（鹿同魚肉）是主糧來，我有買俾包豆吃，是很好的糧，
但這種糧不是隻隻貓都願意接受（買糧的店主同我說的)，包包不太喜歡，但豆豆就好鍾意，你可買來試試！
夢夢可能出完街，驚驚所以匿入梳化底，等你捉唔到佢，佢需要靜下。
[版主回覆11/24/2012 16:24:17]哦... 咁佢地腸胃可能唔受得高蛋白.......
食濕糧有冇軟便呢?
[MI小米小米MI回覆11/24/2012 11:53:08]唔講唔知,由於牛牛一直食開的糧令佢有軟便,最後都係比佢食埋同妹妹一樣我royal canin 34/36,而家好似好d~~無計~~
[版主回覆11/19/2012 16:06:35]呵呵唔該晒，等我去逛下先
[包豆媽媽回覆11/19/2012 10:26:10]Royal canin的錫紙包裝濕糧多數寵物店都有得買!
[版主回覆11/18/2012 23:59:25]濕糧嗎...未啊，今日想在診所買，點知佢話，佢地賣呢兩隻的濕糧只有處方糧...
等我搵日出開城，看看其他店有冇先...
[包豆媽媽回覆11/18/2012 22:43:23]只食雞味，都幾頭痛，Hill同Royal canin試個未，雖然不太好，但也可一試！
[版主回覆11/18/2012 21:57:57]你買呢幾隻都係好的濕糧
applaws, almo，Kakato呢，三隻的鷄味佢都唔食...我而家番炒kakato...睇下佢會唔會回心轉意
ziwipeak好似沒有鷄味的，佢只食鷄其他味試過唔食...係好好的糧...可惜佢唔吼....
nature's way, wellness, natural balance, innova , evo, schesir, kakato, mon petite,偉嘉、gimpet... 仲有另外兩隻日本牌子唔記得....佢只肯食兩隻牌子，偶然食少少innova，比較肯食的是schesir的純鷄味...有時又唔食...........
我見診所有那隻BACH呢... 估計有些診所有得賣喔...
未絶育又係好難會肥，希望再驗多次尿都無事啦
回覆刪除就算唔係想領養貓，如果返香港咁啱有領養日，我都會去支持吓捐吓錢
[我家仔仔回覆11/19/2012 01:59:55]呢度有無領養日我就唔知，但呢度啲大型寵物用品店，都有貓狗領養部，我知仲有一啲領養中心，開放俾啲人去領養
[版主回覆11/19/2012 00:00:40]下年我都去睇睇先...
係呢，美國係咪都好興呢D領養的事工呢?
[我家仔仔回覆11/18/2012 23:47:17]通常佢哋都會有義賣，我上次去只捐錢，都無買嘢
[版主回覆11/18/2012 23:28:27]係，醫生都係咁講，而家我唔使佢肥，只要佢健康就得.......
呵呵係咩，可以捐錢?
原來今日係18號，我以為係下個禮拜
我原本食開Applaws, 但貨源唔太穩定, 所以轉左Schesir, 佢最鍾意係雞牛味, 你都可以買多幾款口味佢試下呢... 另外聽講Dr. B既生肉都好, 但如果佢習慣hea住食就難保鮮D囉...
回覆刪除夢夢, 你要乖乖地快D食多D野呀!
[版主回覆11/19/2012 16:11:03]Schesir有鷄的我都買過了，佢有二十多款味，有魚味的佢都唔食呢...
生肉俾過佢，冇興趣，不過生肉糧係要慢慢來的....
多謝你喔...呵呵...好似哈碌咁活潑...就開心了
買d玩具同佢玩吖
回覆刪除[版主回覆11/19/2012 22:29:47]哈，有啊，有波波，仲有老公隻腳指...
試下加D脫水小食落濕糧果度丫，妃彈初初都好似唔鍾意食濕糧，但係我想佢盡量乾、濕 50/50 比例咁食，所以就買唔同牌子既小食(乙水)佢食，而加每次我加一粒 bravo 雞粒比佢溝濕糧食，佢都肯同我清碟 (不過佢食好小濕糧，1/3罐左右)
回覆刪除[版主回覆11/20/2012 23:13:51]哈哈我都試過，溝左D夢夢超級鐘意食的脫水鷄肉入去濕糧度...結果佢連粒鷄肉乾都唔食...
而家我每次餵鷄肉粒，都先浸透水，變成濕肉粒..等佢吸收多些水份...
我有時諗，也許真係好似包豆媽咁話，要餓佢一陣，睇佢餓時，肯唔肯食一向唔食的味道
我貓貓係食Royal Canin-貓糧.& Monpetit-罐頭,同時絕左育既貓貓會健康啲架.
回覆刪除[版主回覆11/20/2012 23:10:52]唔該晒
我遲些會同佢絕育，等報告出左先...
monpetit...佢唔肯食呢.....
雖然化一堆驗對貓貓有壓力，但一次搵到原因都心安樂d
回覆刪除[版主回覆11/20/2012 23:15:19]係，早些發現問題，有事都可以及早診治
嚇左一跳即刻去之前果篇睇左先!
回覆刪除千祈唔好擔心!你如果有負能量夢夢感覺到架!
萬大事都唔好理搵哂唔同味嘅罐罐比佢先，務求肯食偉嘉都要試為左增磅。。。。
牙唔好再攪住啦比佢開心自在D先啦!
有時攪佢太多同環境真係有壓力架!我試過。。。。。
[版主回覆11/21/2012 23:59:42]好，謝謝您~~~
咁我去睇下先... 寵物城嗯......試下先
[吉孖媽回覆11/21/2012 23:54:01]去旺角間寵物城近窩打老道果間，好多種。。。咩都唔好諗，試啦！
佢想做咩有佢啦，有危險先出手抱開佢。。。同佢玩多d，等佢覺得你係佢玩伴唔係比壓力佢嘅。。。。努力呀!
[版主回覆11/21/2012 23:41:57]係啊，我覺得其中一個原因...係因為我太緊張佢...
小時候為了唔想佢有任何感染...日日捉佢來抹身...想細細個紀律下佢，比較嚴格
又擔心佢食得少，成日喵佢去食野...........
可能係咁，佢都變成緊張大師呢...呢幾個月我學習放鬆，佢做咩我都唔會紀律佢，抱開佢算了...總之務求佢開心自在，肯食野
唉，自問有隻貓我真係覺得自己好幸福，可以學習點樣做一個放鬆的人（可想而知我老公....真係有壓力...對住我，老公似隻貓囉XDD）
雖然有朋友話我太寵佢，但係我真係唔想迫佢食佢唔鐘意食的野呢，迫唔來...
你仲有冇好牌子介紹下... 偉嘉佢都係麻麻
講真我係有少少擔心..... 怕佢真係蛋白尿，咁細隻就病唉...
番查紀錄，禾兩小豬9個月大時都係得3.7，同夢B差唔多所以唔使太擔心，兩b爸爸係大隻異短所以比正常應該係重D架!
回覆刪除記住!
放鬆!
[版主回覆11/22/2012 01:50:09]多謝你啊，有貓友從旁指導，個心定好多...
話時話，今晚俾佢試GIMPET（都係多味精那類吧）的麥芽+鷄肉...濕糧，佢肯食少少噃.....
話時話，你兩B絕育未呢?
你一定心痛死了
回覆刪除[版主回覆11/22/2012 01:46:41]係啊....自己無細路，又唔係太怕打針...之前對於有些貓友話要幫貓貓打針覺得心痛，未能感同身受
但見到醫生手起針落一下篤落佢個肚仔...我真係想喊出來....
有無試過蒸d急凍雞柳肉俾佢食呀？
回覆刪除[版主回覆11/24/2012 16:23:15]食厭左???
[MI小米小米MI回覆11/24/2012 11:20:22]我最近蒸雞脾肉同雞湯比貓地,又係唔吼
[版主回覆11/22/2012 19:57:24]謝謝您的意見，看來貓地係情緒動物....以前養貓又唔覺有呢D問題，真係好似湊細路咁
[村姑回覆11/22/2012 08:37:53]唉～最怕貓貓唔食嘢
[版主回覆11/22/2012 01:45:14]唉...上周才蒸過...冰鮮鷄肉+鷄湯...唔飲了而家
小豬地9個月大絕左育啦!
回覆刪除[版主回覆11/22/2012 19:53:35]
波波就係用呢隻牙GEL
回覆刪除[波波豬回覆12/03/2012 12:46:22]唔雪好易变壞
[版主回覆11/24/2012 22:06:02]雪左咁凍，波波唔怕咩?
阿姑娘話應該要雪，但係GEL冰凍後放入貓口，佢會仇視你
[波波豬回覆11/24/2012 20:06:08]我捲消毒沙布係手指同波波隔日抹牙......記得要雪
[版主回覆11/23/2012 19:11:57]呵呵得唔得呢? 醫生話唔使擦牙，咁我使唔使另外同佢刷? 定係只用隻GEL?
佢唔肯俾我搞個口，我只能查在牙肉邊少少，佢LAM左，唔知有冇用