呵呵近一周突然發覺
阿夢變得好大力
性格也越來越獨立
講多左野，會走來喵我玩，大小便前後又走來喵我
不喜歡我抱，但是喜歡瞓在我隔離.....遠遠地
仿佛在告訴我，「我已經是成熟的大人，我有主見」
樣子由之前的BB樣，變成大貓....
毛變厚了，肥左好多，有肚腩仔，估計有十磅了而家
變化是漸進式，不知不覺的
所以，我不再把她當作BB
試着用大人的目光看她，用朋友的心與她相處
儘管我們體型和智商的差異，很多時候我不自覺視她為BB....
回看三個月大的照片，對比今天的她
誰說她不是成年了呢
眼神、體型、姿勢也改變了...
那時，她是那麼的稚嫩、頑皮......廋小
今日的她，肚仔肥肥的....呵呵
她睡在我的書房門口撒驕
想我同佢玩波波
不過，如果我走埋去摸佢，佢會走貓
卧貓~~~
卧在書架頂，俯視她的地盤
大人的眼神...
今天拍的，個頭圓左，毛厚左
呢隻個樣有D似波波呢...
睡在我旁邊
===============================================
然後，介紹下最近的手作
先是可作披肩可作小被子的薄墊
媽媽皮膚敏感，之前做了兩塊棉布墊俾佢
用來隔住塊面睡覺，她很喜歡，叫我再做兩塊
今次找到較厚的雙層棉
於是做了一塊厚、一塊較薄的
做貼身用品，我愛用雙層棉紗
佢的好處是洗水後會越來越軟
雖然會越來越顯舊
但是，好舒服
地方所限，叠起來拍照
這是正方形的薄墊
尺寸約95X95CM
可以用來做披肩
可以用來做蓋腳的shawl
也可以做夏天的薄被仔 （約300克重）
上面的是厚墊
下面是薄墊
做法是：
裁兩塊約100X100CM的布料
底部用鈒骨機縫合四邊
其中一邊留約15CM的破口，返出正面後
用較粗的藍色線，做雙行壓線
因為，雙層棉布的紗支疏，鈒骨的邊經多次拉伸或洗水後，可能會披口
壓左線呢，就可以防止披口
表面也會較美觀....當然，如果我的技術更好，就會壓得更整齊........
這款布料非常非常的軟，這其實是底面，我覺得底面更適合媽媽用
這是薄墊
也是兩幅棉布車成一塊，再壓線...
這款雙層棉比較特別
布料本身做了波浪（像泡泡棉布）的立體梭織
雖然看去圖型像變了形
但是，實物摸上去，好有「空氣感」
所以，這塊較蓬鬆
雙層棉其實都會有些一點點的線跡，見圖中白色點點就是
這是製作中必然的步驟
不懂布的人以為是瑕疵
其實不然，只不過有些線跡較明顯，有些不容易看見
然後，就是兩個枕袋
這次做的是對枕
兩個右邊的拼布其實是深淺不同的藍色，實物很好看
我會一直用不同的布料做枕袋....
希望熟能生巧
這次的是雙層棉+蕾絲花布+雙層棉
哈哈....先量好尺寸...車出來還是斜了....
還有，雖然預先洗了布縮了水，結果車好再洗後，還會再縮....
看來，不同布料拼縫的話，要洗兩次縮水...才保證尺寸相符
小妹的手工真的唉....
稍為浪費了美好的布，幸好不影響使用
左邊的灰色格線雙層棉，比較厚和挺...
中間的是製衣用的蕾絲米色花布
右邊的是灰藍色的雙層棉....
拼起來很好看
在表面做了壓線，呵呵有待改進
這是第二個，右邊是較深色的藍
兩個配成一套
這次有些改善，沒有那麼斜....
壓線也做得較平整
要多多練習
按我的小小經驗....
衣車最好有一張衣車枱，送布空間不足，絕對影響線跡的平整、能否車出美好的直線
小妹的工作空間不足，布料在車縫的時候，因為不能平放於衣車桌上，經常向下掉...
所以，送布時有些斜.....出來就變斜了............
我夢寐以求想擁有的除了鈒骨機, 就是寬敞的車縫工作檯
回覆刪除[版主回覆07/05/2013 23:53:24]二手嘛，一定平好多，但係呢，係舊款，上次（都好耐下...）我見到佢有兩部鈒骨機，一部好舊的款，一部新D，新D就貴D....但唔係我那部（我那部穿線好容易）
係啊...舊機有人用過，可能掉漆...內部有些磨蝕...
不過呢，要睇牌子，好舊的款尤其是衣車，未必差得過新款車
以前的衣車鋼水足夠，內胆幾乎全金屬，比如bernina, singer, elna, phaff, janome, 等等，幾十年前的車而家在外國都好賣得....反而新款的電腦車好多是膠質
如果買二手，就要睇下個賣家的保養，買二手我唔會買電腦車...
[村姑回覆07/05/2013 22:08:51]thanks a lot!!
[版主回覆07/04/2013 17:27:52]呵呵講開鈒骨車，你有冇興趣買二手?
我買呢部衣車都係二手古董，之前上網做資料搜集時，認識了這位師傅...
去了佢深水埗的二手車店，好多車，有不少學生同佢買車...
http://hk.f1.page.auctions.yahoo.com/hk/auction/1133865437?u=peteryu832
估計半價左右會買到一部鈒骨機...
我部車不是跟他買的，但是有些後悔，因為他賣的平過我而家部車好多呢....
[版主回覆07/04/2013 00:14:25]我部都係古董勝瓜，黑色全金屬那隻.....
我買新車都想再買部古董車，不過要買部可以車雙針、Z線的那種
古董車先至耐用，我都要儲錢....
而家租金好貴呢....
[村姑回覆07/03/2013 22:12:19]
[版主回覆07/03/2013 16:52:40]係呢，你部衣車係咩款?
我部係古董款...想遲些儲到錢，換部電腦的，但又怕電腦車唔夠力車厚布...
[村姑回覆07/02/2013 17:16:21]謝謝~很專業的解釋
買我嘅"dream car"都係拖住先lu~
[版主回覆07/02/2013 04:19:52]呵呵，如果好少做針織布料的衣物，COVERSTITCH也許唔係太有用....
因為呢，鈒骨和COVERSTITCH兩者功能不同
比方說，一件針織衣服，兩片布料（當佢前後兩幅）的左右兩邊、肩膀位，多數用鈒骨機（除非你想做明線壓線，就可以用COVERSTITCH），而領口、袖口、衫腳，以至於若肩膀接合位要做明線壓線拼合，這些最好用COVERSTITCH
不是說用鈒骨機不能收腳，但是鈒好衫腳，你要再把鈒好的位摺入底部，在面上用衣車再車條明線壓住，但係，衣車由於沒有「縮布」功能，針織衣料車出來可能會「where」...就唔夠靚仔.....
不過，如果你部衣車本身有Z線功能，咁都可以解決，但係用Z線跡出來的效果，就唔夠專業了
如果本身部衣車有Z的線跡，可以充當鈒骨功能，你又接受到Z線跡的鈒骨效果，又鐘意做針織衫，而同時又無地方放三部車，可以考慮coverstitch...
本來打算買一台有鈒骨，又有coverstitch的雙功能車，但係好貴，同埋香港代理冇現貨示範，萬多元，貴過分開買兩台呢
[村姑回覆07/01/2013 23:48:09]同意~搬來搬去真係好討厭, 所以"的"起心肝執咗個衣車工作檯, 但要裁大面積的布都係在床上
多謝你的建議
[版主回覆06/30/2013 01:05:16]建議你買台鈒骨機....或者coverstitch機，好有用呢...
如果唔需要成日做T shirt，3000元樓下的鈒骨機就好好用了....
不佔地方呢
我覺得在香港最難的是寬敞的空間.......唉...........
唔想次次開機，都要搬來搬去，而家我部衣車放在牆邊，車野就好唔就手.....
夢越大越靚女
回覆刪除[版主回覆06/30/2013 01:49:44]呵呵謝謝喔....
睇番貓小時候o既相真係好得意，後悔嗰陣我影得少
回覆刪除[版主回覆06/30/2013 17:22:21]係囉...之前吉媽提過，但我以為佢係小貓的身型會至少半年至一年（話成貓要一年嘛）...原來半年已經大好多...
阿夢的BB相得好少.......
夢夢越來越可愛。
回覆刪除[版主回覆06/30/2013 23:21:04]呵呵係....佢而家同我地好多溝通.....人仔咁樣
「鈒骨機 ？ coverstitch機 ？ 買邊様好？？？ 」
回覆刪除以上係大人人上個夏天0既煩悩
0尼個煩悩会0向大人人「安定」後再継続
[版主回覆07/01/2013 19:39:12]哈....我都一時一樣....而家有左部鈒骨機....
要拼縫兩塊布係好方便...但如果要做靚靚的針織收口....個面就唔靚....
再俾我揀...可能會揀coverstich
鈒骨機、coverstitch機 ２機価銭相差太遠、、、買鈒骨機感覚上容易D 但又驚買完後悔吾買Coversitich 、最終又去買多部！ 但又下吾定決定去買coverstitch機、驚自己買完吾多要浪費阿機 ！！！
回覆刪除所以要再３思
[版主回覆07/02/2013 04:08:31]其實可以分期噃....
在吉之島買，可以24個月免息.....有折的話，約5000元
佢的功能較廣，如果只係雙線（底面各一），做出來的效果，就似是細鎖鏈，可以當普通衣車的針跡（會粗d...）
各有不同的用法
[村姑回覆07/01/2013 23:54:03]嘩~原來coverstitch咁貴
[版主回覆07/01/2013 21:17:27]啊...要修正，其實做手工，有coverstitch都可以省去不少功夫
打個比方...
我車呢D枕袋時，蕾絲布與雙層棉要拼合，之前背面要先鈒骨收口，再壓面線...
如果有coverstitch就唔使煩，在面壓線同時，個底就鈒埋骨...
一想到咁方便，我就想買部coverstitch
[版主回覆07/01/2013 21:13:28]香港呢邊，鈒骨機約3000~4000蚊（四線）、coverstitch約5000多元
其實你買左任何一部，都唔會後悔，不過就心思思想買埋另外一部...
如果你部衣車可以做到簡單的鈒骨功能，又唔係成日鈒，而你又想做下針織衫，也許你會更喜歡coverstitch，這種機主要用來做針織衫或收口...
否則，coverstitch可能好少用得着... 做其他手工，好少用到要covertitch
如果我有地方，一定買埋coverstitch，兩部一齊用，就可以車t shirt，成品同買的差不多呢.......
加油啊大人人
[大塚家的小灰灰回覆07/01/2013 19:48:24]付近有間手作店有得上堂、、、好返後可能会去上上堂Feel feel 先再決定
HK ２機価銭差1000、就当然買Coverstitch La
回覆刪除日本２機価銭差十萬円（以目前最好0既coverstitch 多様功能機（Babylock ）同基本鈒骨機相比。） 所以先要「煩悩」
[版主回覆07/02/2013 10:04:16]你講的babylock，一定貴呢...
我講的是janome，所以平D
如果你講的是上次我地講開的babylock，係咪兩種（coverstitch and overlocking）兼備那隻?
係的話一定貴呢，janome這種機款在香港買，要12000元呢
不過，我見外國用家就嫌麻煩，因為要轉功能時，機面的板要換，亦有些用家認為好用。不過，我又覺得，外國人好似對於機器的「耐性」較低，居住環境寬敞，鐘意好方便，又有地方放車，他們寧願買幾台機.....
無論如何，我買唔到babylock，香港冇代理肯做保養....呵呵想用都唔得呢
貓貓大得好快~阿夢個面圓左a~肥肥白白真係好想攬下佢
回覆刪除咁貼心既手作~真係有錢都買唔到~好靚a
[版主回覆07/02/2013 10:05:34]係啊，而家肥左好多呢...哈，抱佢會俾佢抓呢
謝謝鼓勵..... 自己做可以就番自己喜好，不過就冇買咁靚
夢夢大果女了，肥美的美女
回覆刪除見到佢晒肚肚，真是想抽水
[版主回覆07/02/2013 13:04:09]有肚腩仔，行路「bell」下「 bell」好得意
夢夢越大越 靚
回覆刪除其實我都有部衣車，但系好多年前借俾侄女用，攪壞左，一直唔捨得掉，成日心諗想睇下有無得整
[划艇高手回覆07/04/2013 17:26:59]謝謝你
[版主回覆07/04/2013 17:25:33]對了，還有這位師傅...我去過佢深水埗的店，好多舊二手衣車和鈒骨車...
佢整車應該好叻，但係未必上門...
http://hk.f1.page.auctions.yahoo.com/hk/auction/1133865437?u=peteryu832
[版主回覆07/03/2013 16:45:43]E....你試下問下面呢個師傅...
http://hk.f1.page.auctions.yahoo.com/hk/auction/b25061128?actsrch=srp3
佢專賣二手車，但係可能都肯上門整衣車，我見佢做左好多年，評價都唔錯呢...
衣車好難會整得壞噃...可能係裏面有些機件「kick」左野??
舊車其實仲耐用過新車，整好可能仲有牌用...
貓貓好得意
回覆刪除[版主回覆07/04/2013 16:31:14]係，你有人仔了，會唔會養隻貓仔或狗仔呢
安樂哂啦？肥左又靚左啦小夢……
回覆刪除[版主回覆07/04/2013 16:31:21]係，而家真的安樂了
佢肥了.
回覆刪除懂得循環再用布來做日常事物是好事, 因用開有感情之餘, 不浪費.
[版主回覆07/05/2013 18:24:03]呵呵，阿夢真係肥了~~~
嗯，其實有些衣物舊了，可以循環再用來做地布、枕套、cushion或包包...
不過，我做的都用新布或者沒怎麼用過的布料，送人的不能用舊布....
我既靚靚新抱, 真係越大越靚...但哈碌仲好低B喎...點算?
回覆刪除[版主回覆07/05/2013 18:26:04]哈.....哈....咁咪好囉...阿夢可以點個老公做下野...
低B...可能有一天，佢突然變成大男人~~
我都係近月才發覺阿夢的性格突然變成大人..
呢隻個樣有D似波波呢.........夢夢嗰樣有啲似波波,而毛色就最似
回覆刪除[波波豬回覆07/08/2013 21:15:29]面同肚都有淺啡毛
[版主回覆07/06/2013 18:11:45]照片看不出來呢...有啡毛嗎
[波波豬回覆07/06/2013 12:47:10]波頭都好細,波都有啡毛
[版主回覆07/05/2013 21:51:41]呵呵係，夢個頭細D，毛色好似呢...不過阿夢的毛有少少啡色..
夢夢越大越靚，越大越精靈！
回覆刪除[版主回覆07/08/2013 21:02:51]呵呵，不過越大越唔痴我呢...
阿夢大個女左, 不過一樣咁靚!
回覆刪除[小肥貓回覆07/18/2013 09:59:19]身體OK呀, 飲水尿尿都似乎正常返, 我會繼續觀察住
[版主回覆07/18/2013 01:14:44]說得對~~~~
肥貓而家身體點呢??
[小肥貓回覆07/18/2013 01:00:55]有肚腩才肥美, 手感先好啊~
[版主回覆07/13/2013 01:01:07]多謝喔....佢而家有肚腩了....
細同大都咁可愛, 永遠都係心愛既BB~
回覆刪除[版主回覆07/18/2013 22:14:05]
貓咪真係大得好快..不知不覺間佢地已經唔再bb
回覆刪除阿夢由細到大都咁靚
[版主回覆07/19/2013 19:25:25]係啊.... 而家已經係大貓了......等於十八歲的少女
貓地真係大身得好快~~同夢豬一樣的MIA,想不到desex後肥了很多,現在都九磅多了喇~~成日講野~~望住美雅成日唸起夢夢^^
回覆刪除[版主回覆08/15/2013 21:10:32]肯食就好了...
[MI小米小米MI回覆08/15/2013 14:10:34]轉食Instinct-raw boost既鴨+火雞
[版主回覆08/15/2013 13:05:56]食咩糧呢?
[MI小米小米MI回覆08/15/2013 12:33:28]牛牛仔無咩肥了~~~最近開始比佢地轉食新糧呀!!
[版主回覆08/09/2013 16:29:38]係，而家估計阿夢有十磅有多，但是佢肥左，跳上柜有時「撻」落來.........
哈哈，我見美雅差D認唔出係佢，大隻左好多呢...
佢同阿夢都有些似...都係肥.
牛牛有冇繼續肥?
好可愛呀~~~
回覆刪除呵呵你講阿夢嗎? 謝謝 : )
刪除佢而家又肥左
預祝你新年快樂~~~