懶人如我，發個帖預祝大家，中秋人月兩圓，今年估計都會好天氣，會唔會同家人去賞月?
阿夢來向大家祝賀下先
媽咪﹕喂.... 阿夢，講幾句野先，中秋節....
媽咪﹕喂阿夢，睬下媽媽啦... 同各位朋友打個招呼...
夢﹕中秋我又唔出得去賞月，又無月餅食.... 中秋關我咩事....
媽咪﹕咁媽媽俾多幾粒鷄肉乾，當月餅好唔好... 月餅你都唔食啦
夢﹕咁好啦，Hihi，各位好，我是阿夢....
媽咪﹕講完了~~~有冇野同波波、牛牛地、沙DEE、吉吉地、哈碌、LUCKY、天師地... 肥仔細佬...村姑的貓貓、靚仔BILL BILL、小肥貓、雙彈....卡樂B地、MO和CORN地... KIM貓友...... 打個招呼（好多好多，好似playgroup，講到索晒氣... 有冇講漏呢...）
夢﹕嘩，水蛇春咁長，我好冇記性嫁，唔該repeat啦....
媽咪﹕............ 媽咪都記唔晒~~~ 係咪好幸福呢，咁多書友仔...
夢﹕咁好啦，大家同我一齊...遙望... upcoming的中秋圓月 XDDD
小時候過節好有氣氛，我地屋企的傳統是﹕
有鷄、一盆生果有橙、楊桃、萍果，還有菱角、芋頭、軟杮.... 月餅唔少得
唔知大家又點呢?
細個時好鐘意食月餅，而家人人都話唔健康，就算出了健康月餅、冰皮月餅，近年好少買
老人家又話唔食得，呵呵每年都係阿媽俾兩個我應下節...
之前有朋友幫我買過潮州月餅，好好食，但是我又唔覺商場有promotion，家人告知，要去九龍城買
有冇網友都有食開，買開的地方呢?
另外，之前食的半島酒店月餅好好食，年年家人都有訂，但係今年聽講話俾人炒到四百幾元一盒，所以冇買LU....
各位，有冇覺得邊隻月餅好食，可以介紹下，下年我買來試下...
中秋節快樂
回覆刪除[版主回覆09/30/2012 22:15:21]呵呵唔緊要，有了網絡，我地可以分享中秋的氣氛...
相信呢幾日貓友們唔多唔少會講下中秋
聽日好似話國慶...有煙花睇，不過我唔會去睇.... 大陸自由行好多人落來睇，會好迫
[我家仔仔回覆09/30/2012 21:33:29]都無o架，真係好似無過節一樣
[版主回覆09/30/2012 17:09:12]美腳唔興.... 你地華人朋友會唔會約埋一齊賞月呢?
香港中秋都越來越西化呢... 傳統氣氛唔多覺了... 好在仲有賞月活動和食月餅
我阿媽和奶奶屋苑樓下都有賞月活動，好熱鬧呢~~~
昨天才吃了1/8個五仁月餅...
回覆刪除祝中秋節快樂, 人月兩團圓.
[版主回覆09/30/2012 17:10:21]五仁月餅啊，去年有食，今年媽媽沒買了......
謝謝，大家咁話，今晚天氣好，可以出去賞月了~~~
中秋節快樂
回覆刪除[版主回覆10/01/2012 17:56:15]嘻，謝謝您
法蘭西過中秋.... 會點過呢??
會唔會過呢?
遲咗話係你知.......應該係和記隆
回覆刪除[版主回覆10/01/2012 22:19:44]係咪九龍城那度呢? 仲有冇其他舖有得賣呢?
我之前仲以為好多地方有得賣
）芋頭、淮山，杮餅，白糕，糖塔，月餅
回覆刪除家鄉會建火塔和鄰家小孩一塊兒玩，香港不行~太危險了
[版主回覆10/02/2012 17:56:05]甚麼是火塔呢?? 記得小時候香港仲可以玩煙花，我跟哥哥玩過一次，太危險...
呵呵，我知我知，白糕、糖塔、芋頭、杮餅我地都有，就係冇淮山...
林琴果係咩生果呢??
嘩，你讓我想起小時候過節好有氣氛呢... 而家媽媽只買柚子、少少生果，擺個月餅....
牛牛同mia:夢夢豬,呀媽無上網(正懶鬼)攪到我地達左同你講中秋節快樂呀~~
回覆刪除[版主回覆11/15/2012 19:48:31]呵呵原來你答左我...阿烏冇通知我添...
嘩，真係好平喎.....
咁可能我將來會考慮搬去你那邊...
係就係離我家人太遠了點
[MI小米小米MI回覆10/11/2012 11:26:22]靜雞雞話你知,我$4500咋
[版主回覆10/06/2012 20:28:52]嘩，你地住地下嗎? 450尺村屋，等於巿區樓5、600尺的實用面積
我身邊也有好些親朋住村屋，我都去過好多村屋睇租售盤.... 最遠去到大尾篤...
但係太遠真係唔方便（我唔識渣車）...
新界西的樓巿我唔熟，如果係將軍澳區，因為太方便（10分鐘行路到地鐵，好近附近公屋和私樓），450尺，又要乾淨（但唔會有花園，更加唔會有免費車位，另租車位估計要500至1000蚊）估今日要7500蚊租了，700尺至少要一萬元....唔知得唔得...我三年前睇樓時仲好平，而家應該加了二三千元了...
你地那面會唔會平D? 如果你地咁方便，又有地方泊車，應該要貴D..
7500元得唔得呢?
係，我相信天父會賜我們好的居所，雖然我覺得我住的地方租貴，但係，我幾次租的屋，租金很相宜，環境都很好，天父的確睇住我地...
可惜我家人和朋友全部都係新界東或香港呢邊，否則我都想試下搬入新界西呢.......
哎唷，牛牛平時你地溫柔對佢，有人大力D，可能嚇親，不過唔使擔心，佢地好善忘，下次來溫柔D就OK
咁你地怕唔怕貓貓琴出屋外花園呢?
[MI小米小米MI回覆10/06/2012 11:59:55]係呀,住呢到地方都ok大,外面塊地又比埋我地,大約泊到5架車啦,所以佢地一家黎可以泊完車仲有地方BBQ.....但我地感恩天父爸爸賜予我地好既地方,估下我地唸到幾錢租??雖然係村屋,但地方44正正,大約450尺地方,兩房一廳,門口有大地,過對面已經係巴士站,好方便........我返工搭一程接駁巴士就攪店喇~~
佢地平時都唔怕生保,不過奇怪既係,佢竟然怕牛pa2嬸,可能bbq果日嚇過牛牛,又好大力咁對佢,牛pa不知幾生氣呀~~未見過牛牛連行出房門都唔敢.....係佢地走左一陣至肯出黎.....
[版主回覆10/04/2012 21:35:13]嘩，你地住的地方可以BBQ??
我一直都夢想可以住村屋，有個小露台，有個小天台.........
之前想搬去將軍澳村，近地鐵，但而家咁貴租... 唔得LU...
唔近巿區又唔得，唔方便照顧媽媽...
攰死，不過好開心呢，貓貓見下人都好噃~~~
佢地怕唔怕羞呢
[MI小米小米MI回覆10/04/2012 10:09:44]咪就係太麻麻太爺爺,麻麻爺爺一家廿人黎BBQ,跟住婆婆舅舅姨姨地又黎BBQ,我同妹妹真係好怕怕......攰死貓......
[版主回覆10/03/2012 17:56:58]呵呵牛牛地...中秋你地有冇節目呢?
哈碌: 夢夢, 我媽媽都係好耐冇蒲丫烏卜, 所以咁遲先見到你既節日賀詞添~ 不過唔駛等下年中秋, 我都祝你日日都咁快樂! 健健康康!
回覆刪除[版主回覆10/08/2012 20:44:21]呵呵大家咁話~~~日日開心就好了
夢夢﹕係囉，我媽咪近來忙到屎，都冇時間同我玩
係...你講我突然記得有間金龍船，但係係咪執左呢???? 點解好似唔見晒?
澳門嗎...
[哈碌回覆10/08/2012 14:25:49]哈碌媽: 我公司有個客都送左兩盒潮州月餅黎, 係澳門既蘭桂芳酒店, D同事都話唔錯呢~ 以前既金龍船都好似有出, 不過唔知而家仲有冇呢!
夢B好似賬左小小，係米呀？
回覆刪除[版主回覆10/12/2012 20:00:46]企個樣就係脹左，我估係毛生多左（入秋啩...）
但係企成日四圍郁，我冇幫佢磅重好耐...不過估計都唔會過3.5KG
你睇佢的手仔幾幼...唉~~~~
而家又唔係點肯食濕糧，淨係肯食鷄肉乾+innova，第二隻糧都唔肯食.......
要肥都好難