呵呵話說，小妹之前發覺阿夢鐘意玩羊毛做的波波，就多手把家中用來做羊毛氈的材料，做了一個俾佢...
點知，佢超級鐘意，我相信因為有動物的味道。。夢媽認為，羊毛波的好處是，佢本身係動物毛，吞左冇害，而且毛沒有貓毛咁硬，輕又軟，可以彈到好遠，然後阿夢會「擔」番來俾我再拋......可以玩一個半個小時都唔厭（如果佢仲有力
）不過，我整左七個，都消失於密室之中.....
今次用的羊毛絮片，係我去買被芯時，問店主送個sample俾我看看，大約9X9CM大小，1CM厚，完成後約2~2.5M圓周
有貓友都有興趣整，上次講過下，今次拍個詳細少少的圖。如果想多了解，上youtube有好多片，比小妹介紹的詳細好多。
外國有貓友整出去賣，好受歡迎呢。用無染色的羊毛整更安全，貓貓吞左少少都吾怕。
先來第一張，絮片平放
然後對摺，中間刺兩三針固定
然後捲起成圓筒
然後開始四面八方刺入，針不能彎，也不要太大力，但要刺得深，小心手指，刺中好痛嫁...
我會刺下，用手搓下佢成圓狀...這差不多完成...今次我唔整咁實，實D呢，就細粒D......
由於阿夢不斷在左右騷擾我，係都要踼走個波，唯有俾佢玩...
見唔見到隻無影手....
然後是無影腳
相信你地的貓貓一樣好鐘意呢....
若要平玩，一副工具只需一至三支針，加一塊海綿或發泡膠墊，再買少少填充用的、不染色的乾淨羊毛片（有好多種類，彩色的造型的一般比填充用的貴些），色彩鮮艷的可以吸引貓貓眼球，不過我的實驗證明，佢用個鼻多D......
咁又可以做個玩具出黎, 幾好喎
回覆刪除[版主回覆03/12/2013 18:47:26]係啊，好容易，而且貓貓都好鐘意玩
夢夢真係好鍾意喎! 哈碌都好鍾意玩踢波, 成日都唔見晒D波架~
回覆刪除我整左貓毛/羊毛哈碌喇... 唔好笑我整得醜怪喎...
[版主回覆03/12/2013 23:27:55]係咩...我去你個BLOG睇下先...呵呵哈碌波....
今次呢個波又俾佢踼唔見左了......
羊毛氈，我都想試下整，都怕手工不好
回覆刪除[版主回覆03/13/2013 16:57:09]呵呵好容易好容易...只要一支針+一張墊（最好係用我圖中呢隻）...
毛呢，失敗了，再儲便成
之前你送比貓地個波波早已死了....比佢地玩死了而且氣屍都唔見埋
回覆刪除[版主回覆03/14/2013 16:05:27]哈...咁快死左...明白明白...我整左七個，吸塵機吸左一個，其餘五個佢玩到消失左...剩番一個...
我有閒情才可弄個比兩位主子
回覆刪除[版主回覆03/16/2013 01:42:58]呵呵兩個主子~~~你一定好忙
阿夢"幫手"攪攪震
回覆刪除[版主回覆03/18/2013 16:55:25]哈哈係，搞破壞......
我同貓剪毛後用貓毛整波波比佢地玩，用手搓一兩分鐘就完成啦。
回覆刪除[版主回覆04/16/2013 19:31:52]呵呵係，好多方法呢，手搓的話，相信長毛會比較容易，毛太短會容易散嗎??
用針刺可以好實，如果加肥皂水，毛就「難分難解」，可以做飾物或圍巾