先來幾張阿夢相....
有天我睡醒時，發覺她睡在我旁邊，似一條蠟腸咁.....其實當時我開了張遠紅外線電熱床墊，很高溫，難得佢又肯瞓....
夢媽平時好少化妝，也沒出去做facial（完全瞓唔着，好受難）... 皮膚沒有大問題，就是面色不好、死皮厚、缺水。
多年來身邊不乏愛美又愛護膚的朋友，經常試新品又換牌子... 而家姑寒左，用開一些比較貴的牌子，越來越貴，又怕太廉價的不好用，有次信用卡寄了個sample來試，用落都OK噃，覺得可以介紹下...
不過，就算好貴的品牌，都要睇皮膚，有時平價貨未必唔好用，貴價貨可以變成hand cream....
當然，若很介意護膚品是否organic，有否防腐劑、化學添加成份，那麼可以選擇的其實好少...
這款是olay的新生高效緊緻護膚霜... 適合成熟皮膚的女士，未必適合油性皮膚。
小妹不習慣用gel，很怕面霜會「痴」住塊面，選用面霜時，首要條件是吸收快，不油不厚，但能夠補水。其他功能如緊膚或美白，就會用其他東東.....
是霜狀，不油不厚，都幾滋潤，容易抹開，晚上使用不錯。至於緊緻作用呢，小妹就唔知道了，但沒有美白效果。同期我又買了來利雅的面霜（甚麼lift的），那款我覺得好厚又油不好用...
這款面霜巿價200多元，做特價時約170~180元，小妹覺得呢個質素，都算不錯。跟三四百元一樽的差不多。
然後是OLAY的美白日霜，半GEL半霜狀的，有趣的是，樽內的CREAM挑過之後，隔天再開，佢會還原變成平滑如鏡面... 這款都OK，適合夏天，對於小妹的皮膚來說，力度就不足了。說是美白補濕的，由於我沒有整套使用，也許因此美白效果不顯著。不過我頗喜歡它的半GEL狀但又不太「膠痴痴」，而且特價時約140元一支，好適合俾老大用。
講開男人塊面，想介紹下一隻Mask俾大家，不過而家可能貴左好多。就是「spa +」，死海泥系列，有沐浴、洗髮、護膚的。 早幾年俾老大用，那隻死海泥MASK（我估一般純死海泥都OK，但會比較乾），我幫佢整左一輪之後，朋友和親人話佢塊面靚左，家人以為佢食得生果多，因為毛孔明顯收細、皮膚亮澤左（因為去左死皮+收緊毛孔）....但係要忍受有少少「刺」....有鹽份的mask係會咁...唔可以成日用，會好乾... 貝佳斯都有黑泥的mask，那隻比較溫和，我覺得用係佢面上的效果無咁明顯...
好了，再來介紹的，是我覺得有效又唔臭，又方便的按摩霜...
是家得露的Flexi Joint。含有一種較新的關節潤滑成份cetylated fatty acids，這種成份我在外國網站看過一些文章，有些說有效，也有說臨床案例不多，尚需時間取得更多證明是否有效。
說明指示只需在痛處（關節位才有效，骨傷那些沒效啊...）塗一層薄薄的，按摩至完全吸收即可，不需「捽」好耐，一天三次。
http://www.catalo.com.hk/upload/product/6/bro/4f47626e9ed25.jpg
我只分享自己的體驗。我主要用於肩膀關節和手指關節，頗有效，確頗能止痛，很快吸收，不怎麼臭。老大用都話OK
我給母親試用，她周身體痛，原以為她不會覺得有用，誰知，她覺得好好用。也由於她很有耐心，每天用三次，慢慢按摩一輪，手指、腳指硬化好痛的關節位，她話好左....
於是我又介紹朋友用，佢話試用過有些效，長遠就唔知了...
因為價格貴，公價498元一支，但去專門店，四送一 + 折頭，約400元一支，媽媽約個半月用一支，我唔係成日用，用好耐...
由於家人很怕冬青油或任何止痛油的味道，而且那些油要猝一段時間才有效，所以，就算貴些少，我還是讓媽媽用這隻止痛霜...
加一句，這種按摩霜係作為關節的潤滑劑，針對的是關節磨損而成的痛症，如果係骨折、骨刺之類的痛症應該沒效了....
每朝訓醒都見到阿夢真係sweet到爆
回覆刪除olay的新生高效緊緻護膚霜... 適合成熟皮膚的女士>>>啱我喎，不過美白個隻就唔得，因為我用美白易敏感的
[版主回覆03/16/2013 15:54:38]哈哈...幫你做專人皇牌貓膠原舌刺水凝面膜...
你塊面一定如剝殼鷄蛋咁白滑
[Oli回覆03/16/2013 15:21:52]佢會舔醒我，除咗舔面，仲舔耳窿
[版主回覆03/16/2013 04:37:35]哈...佢點樣叫醒你?? 以前我媽媽的貓...每天早上五時多，跳上佢心口上踩....踩醒佢
[Oli回覆03/10/2013 22:47:53]我每朝都俾契B叫醒囉
skII我都覺得麻麻地，Fancl缷妝油我都用過，都唔錯
[版主回覆03/10/2013 22:37:58]呵呵係，相信你每天早上見到契b都一樣咁開心....毛絨絨的一條肉肉...
都ok的，不過我係將這隻面霜與三四百元的其他面霜比較，唔包括較高價位的。
有人話sk ii 好用，我就唔受得，又有朋友話fancl的cream好好，我又唔受得.....
以前用COVERMARK的HERBAL，覺得不錯。好多年前用VALMONT覺得好好，而家貴得可怕了...又用過gUinot，都ok...按我的準則而已
不過，fancl的落妝油都真係不錯
多謝推介, 尤其係關節藥膏, 我媽媽會需要呢~
回覆刪除[版主回覆03/11/2013 01:58:38]比如說，媽媽介紹左俾個朋友，佢話唔得，一來佢的痛症係好長好長時間累積而成，二來，原來佢痛係因為骨刺.....骨刺就唔得了
[版主回覆03/11/2013 01:55:37]佢都幾貴，你唔介意買一樽試試，局部一個地方（關節位）試下，耐心日日用，有時間就每次塗上後輕按摩至完全吸收（五分鐘左右??）。我覺得唔可以醫治，但可以止痛，佢唔係鎮痛劑，係好似潤滑劑咁的原理....
崇光地庫、九龍灣MEGABOX都好似有專門店，如果好用，去專門店買可以四送一，再打折會平一百多元一支
阿夢瞓係旁邊好sweet呢
回覆刪除[版主回覆03/11/2013 13:28:17]呵呵係，要扮未瞓醒，我一醒企就走貓...
有夢夢陪訓真開心!
回覆刪除[版主回覆03/12/2013 01:36:39]對了，哈碌媽...或者你試下把貓尾的毛取走（比較硬、長和色彩較鮮明的），多用佢側身的毛，較軟，出來的效果就靚D
[版主回覆03/11/2013 14:36:39]呵呵，弊在我行埋去想抱，佢已經拔足奔跑了.................別說要抱佢坐大髀....
E.... 毛走出來係正常的，完成後，修剪表面的貓毛就OK。唔夠實的話，估計你刺得唔夠實，要再刺多D，刺深少少（至少刺入一半），就會實，不過越實越細.....
羊毛應該好刺D
[哈碌回覆03/11/2013 14:22:21]係呀, 我噚日試左用哈碌D毛整貓毛氈喇... 不過可能D毛太短, D毛毛好易走出黎, 同埋唔夠實...我今日去買左D羊毛同眼睛, 做好後再post個製成品俾你睇丫...
[哈碌回覆03/11/2013 14:14:18]只係我抱佢坐佢先會坐咋, 平時唔會主動走過黎坐呢~
[版主回覆03/11/2013 13:29:09]係，好難得佢肯上來陪我瞓...我睇了你個錄像，哈碌坐在你大脾，真太幸福了，阿夢唔肯坐我大脾呢...
如果MIA肯陪訓就好嚕
回覆刪除關節膏打波舊幻得唔得呢??
[版主回覆03/18/2013 19:32:58]我回左在你的BLOG帖裏
[MI小米小米MI回覆03/18/2013 14:48:44]我有興趣用呀~~Sue,唔介意等呀~~謝謝你呢~~
[版主回覆03/16/2013 16:00:14]E....你真係想試嗎......如果你之後真係想試用，又唔介意等下我，不妨話我知，因為我一次買得多，折實唔使400元（如果未加價、又繼續有優惠），平100元，我可以讓一樽你試下... 否則當我冇講過，唔使客氣
有時介紹呢D野，人人體質唔同，都怕人地用完無效，浪費錢，尤其是價錢貴的...
[版主回覆03/15/2013 16:21:10]但係牛牛唔係任人搞嗎....但係唔痴人?? 個樣好似好鐘意嗲嗲豬咁噃
[MI小米小米MI回覆03/15/2013 10:59:16]mia學哂個哥哥,唔係太痴我地....
等我買你介紹呢隻試試用先~~
[版主回覆03/14/2013 16:09:52]MIA唔同你地瞓嗎? 阿夢好少上床瞓，貓女可能都唔係太痴人..
如果係關節位（有筋膜和軟骨的位置），相信可以減少一些痛楚，但醫療我覺得唔得，老大個膝頭照了X光，話佢行得太多磨損，有段時間行路痛，佢用了之後，話好少少...止痛係有些效...
我呢，肩膀位有時好痛，用了暫時會減少D，但不長久的...也許因為我沒有日日用...日日用相信會好D...
阿媽就話用係佢隻手指關節唔再痛...再痛就再用
Olay 係唔錯, 可惜我太多油....
回覆刪除夢豬
[版主回覆04/13/2013 20:26:36]呢隻都算係唔「立」，冬天就唔覺油，夏天相信會有D
我都係好容易出油，但又乾....聽一些愛美人士話，洗面唔好經常用太去油的產品，平時唔好成日用吸油紙或洗面（我成日洗面），話咁樣出油更多喎....