哈，小夢之前一直偏廋....
近一周開始食好多野，可能天氣轉冷??
更可能是....絕左育開始食多左......
各位親愛貓友，你地會唔會曾經有這樣的感覺﹕
貓貓初養时，就算你好錫佢，總覺得大家有點點距離... 而唔知由幾時開始，越來越覺得，貓貓對你的信任增加了....
比如，你把他「搓圓禁扁」，佢都唔會怕你，唔會再因為你駡下佢，就「咪埋」唔出來...
近日阿夢上床瞓，我覺得同佢感情好左...
初頭幾個月患得患失，見佢唔鐘意我抱，會覺得佢唔鐘意我了.........而家呢種感覺漸漸消失了...
而且，老大而家好鐘意佢....
只要我地一齊在廳，佢會坐在我地隔離
如果我在書房，老大在廳，阿夢就會瞓在書房門口，塊面向住客廳，務求兩邊都看到...
老大抱住佢了....老大一向都唔「掂」動物呢...
係咪肥左呢...呵呵
腳趾好味~~~
佢對眼真係好靚呀!
回覆刪除[版主回覆12/27/2012 23:31:38]呵呵，似爸爸...
總覺得貓眼似玻璃...
夢夢好靚女，醫生話絕咗育會開始肥㗎
回覆刪除[版主回覆12/30/2012 14:59:23]E....咁新鮮鷄肉餐加少少南瓜，減少少鷄肉...佢制唔制呢?
係，我都好明白，佢唔食你又擔心，太肥又擔心
[Oli回覆12/30/2012 11:59:16]吓!我隻仔咁為食，我估唔得囉
不過佢冇胃口我又擔心，真係好矛盾
[版主回覆12/29/2012 23:27:23]哈，佢肯食鷄肉都好噃...阿夢唔肯食我柾的鷄肉
一係，同佢做多D運動，但糧就每餐減少少...你估佢制唔制
[Oli回覆12/29/2012 22:39:52]以前我都會放長糧，不過佢越來越肥，之後就冇放啦。
依家佢二餐蒸雞肉，一餐oven baken無穀物的
以前是買罐頭的，但食食下食厭左，唯有蒸雞肉佢食啦
[版主回覆12/29/2012 16:16:33]不過呢，講開又講，雖然好多糧都有飯，但係又有專家認為，貓唔需要碳水化合物，吃太多年紀大時容易有糖尿病...
[版主回覆12/29/2012 16:07:33]噢，咁佢應該會大隻D，仔的話，5~6公斤是屬於正常範圍，女就4~5公斤
溝糧係比較核突，糊口，有些貓喜歡，有些貓唔好，放長糧溝水就唔係幾好
餵濕糧其實對貓貓長遠係好D， 因為貓多數唔太主動飲很多水，長期食乾糧會有風險，到佢老時容易有腎病...
濕糧呢，因為本身溝了水（或湯），發大左，感覺好似食左好多，但其實份量（若按同等重量），會比乾糧少，比如一罐85G的濕糧，可能等於40G左右乾糧
不如你試下餵濕糧，又好味，不過重皮D...
[Oli回覆12/29/2012 00:55:35]佢係摺耳混英短，可能似佢老豆掛，佢老豆係摺耳，好大隻呢
乾糧溝少淋晒咪好難食?
醫生叫我餵多D濕糧
[版主回覆12/29/2012 00:31:03]11磅幾又真係肥噃.... 佢係唐貓對嗎...咁係偏肥少少...
以前我家那隻仔，12磅幾（絕育後...）...肥囉
哈會叫你俾食啊.......
乾糧溝好少水，發大DD，俾少DD得唔得呢
[Oli回覆12/28/2012 23:51:57]差幾日就9個月，已11磅幾啦，我盡量唔餵得多，但佢會不停嗌你囉
[版主回覆12/28/2012 21:51:00]佢而家幾重? 怕肥的話，餵少D得唔得呢
[Oli回覆12/28/2012 19:51:51]我仔已經好肥，下個月絕完育我驚仲肥
[版主回覆12/28/2012 08:14:09]係，應該會的，期待佢肥D...再肥D......
哎喲...新抱仔...真係好想錫啖你架啫! 越大越靚女!!
回覆刪除我都覺得多D抱佢地, 同佢地玩, 佢地自然會信任人, 就算有陌生人黎到都冇咁驚呢~
[Oli回覆12/28/2012 23:53:03]冇丫，仲未搵到個佢眼緣
[版主回覆12/28/2012 21:48:51]呵呵多謝~~~
你有冇幫隻B找個新娘
[Oli回覆12/28/2012 19:50:05]我覺得哈碌同夢夢好襯
[版主回覆12/28/2012 18:41:45]
呵呵阿夢要做美少女，保持美貌，吸引哈碌仔
係，同佢玩多D會痴人，佢見到陌生人呢都會八卦去看看，但是如果我抱佢去陌生人面前，佢會好驚
肥咗咪好囉，肥肥地至得意可愛
回覆刪除[版主回覆12/29/2012 16:11:28]係，好開心，絕育前三個月都無肥過，而家見佢開始圓圓地，好開心
預祝你地新年快樂~~~~撒花~~~~
你影的猫照的確好[靚]呵,我兩隻狗沒有耐性,好難為它們拍照,
回覆刪除[版主回覆12/30/2012 01:42:04]呵呵因為個模特兒靚女，點影都好靚...
拍照難，不如錄影啦....
貓兒比較懶，又成日瞓，狗仔好動係坐唔定
新年快樂~~~
需要做sit up^^
回覆刪除[版主回覆12/31/2012 11:25:40]哈哈哈哈~~~~~~等我幻想下先
靚女夢夢肥少少可愛D
回覆刪除[版主回覆12/31/2012 14:39:20]係，希望佢再肥一磅半
新年快樂~~
夢豬真係肥左又靚左呀....Lovely baby
回覆刪除[MI小米小米MI回覆01/18/2013 12:52:52]謝謝你呀,我去睇下先,學多樣野~~
[版主回覆01/16/2013 22:48:38]講錯了，應該話...我都覺得自己冇睇錯，牛牛地呵呵很不錯喔...雖然未到正式比賽資格
[版主回覆01/16/2013 22:46:57]呵呵我眼光很好... 牛牛的外形和面相都不錯，呵呵是這個網站看了，http://www.kiwidom.com/blog/index.php/category-14
佢講的是Pedigree那種正式賽貓，不過我覺得牛牛的體格都好好呢
[MI小米小米MI回覆01/16/2013 14:11:14]不會喇傻瓜,牛牛papa mama妹妹都有去參賽,不過佢地只係Pet quality咋~~所以佢真係唔係show quality.....(係咪指呢種比賽貓呀??)
[版主回覆01/16/2013 12:58:59]哈哈，我估計我們的貓貓都唔係那種比賽貓（得罪晒XDDDD），那些貓體格管制好嚴，我睇了好幾篇評貓的文章，發覺佢地的要求好似選港姐咁... 與貓本身的好壞關係不大，不過，發覺按佢地的標準，牛牛很不錯啊~~~
[MI小米小米MI回覆01/16/2013 12:47:49]牛牛得咩??牛牛未見過世面大鄉里
[版主回覆01/08/2013 18:31:02]呵呵小米，老大極其量就係咁樣抱住佢（仲要我幫手hold住），一陣就走貓了
話時話﹐前些時候上網想找找英短的標準體重的資料，發現有些甚麼貓會的「pedigree」英短靚貓標準，我自己就唔buy呢套，不過，我對照一下，發覺牛牛的樣子係幾合標準呢，腮位夠飽滿，頭夠飽滿，毛色鮮明
好鐘意肥貓, 越肥越可愛, 不過最緊要健康, 我隻英短都係好瘦, 係D毛鬆, 10個月都係得3KG, 呢2個月都冇乜肥過~希望佢絕育後會肥D ^^
回覆刪除[版主回覆01/11/2013 23:34:16]10個月得3KG，同我隻夢好似呢...
我阿夢估計係因為早發情，所以之前食得好少（一日只食約40克乾糧...）而家一日食60~70克呢.......所以估計會繼續肥...
其實我估計，我隻英短係發情早左D...
你有冇試過俾冷凍風乾的鷄肉乾佢食?? 聽講話好多貓都好鐘意，連阿夢咁挑食，都好鐘意食，佢的好處是... 用冷凍方式整乾鷄肉，無蟲無菌、營養同味道不會因為熱煮而失去，還有呢，低脂、無鹽，無添加，我試食過好好味.....Pure bite呢個牌子，還有其他貓友話好的thrive...
趁佢未絕育，可以俾多D佢食，佢仲發緊育，絕左育呢... 唔知仲會唔會發育（骨骼之類），因為絕左育，可能只會變肥，骨骼估計唔會點樣再長大呢.......
我覺得, 當貓貓對自己信任多左, 大家感情好左, 開始時既患得患失就會減少~
回覆刪除又或者當明白到貓貓有d性格同表現唔關鍾唔鍾意你事, 就無咁易再因為佢某d表現而唔開心. 我同小肥貓都經歷過呢種情況, 果時佢仲響舊主人度, 我抱佢佢就咬我, 搞到我好唔開心, 後尾才知道佢根本唔鍾意俾人抱! 有時覺得同貓貓果種感情, 愛佢又怕佢唔愛你, 患得患失既感覺真係好似戀愛咁, 所以我當小肥貓係我小情人多過係我貓兒子架!!
好開心阿夢同你地感情好左, 老大又喜歡佢~~
[版主回覆01/14/2013 01:52:21]哈~~~同感.... 我覺得自己錫隻貓.... 緊張佢好似仲多過緊張老大.....
肥貓都唔鐘意你抱啊...阿夢都係，佢明明鐘意痴住我地，成日跟住來，但一抱佢就走貓...
新年快樂~~~~願你今年勝舊年
我都覺得開始時同而家好大分別呀！
回覆刪除愈來愈信任真係feel 到架!
[版主回覆01/15/2013 14:28:26]呵呵好在一路上有你地提供寶貴意見，我一路學習同佢相處，先至唔會感到好挫敗....