哎，趕稿中~~~
本以為貓女絕育要準備好多野，打算等一月得閒先帶佢去絕
點知發了情，快刀斬亂麻，哈，感謝主，阿夢手術非常順利
唔使返去拆線，又唔使特別為企準備野食，佢又唔抓傷口，又唔LAM，只係頭幾天比較疲倦
而家又生猛番晒了，而且呢..... 企仍然好似絕育之前咁頑皮~~~~
真的很感恩
來貼貼阿夢絕育後的樣子先，手機拍的比較模糊
大家見唔見到企個傷口呢.....
一大塊毛剃左，有牌至生得番~~~
想請問下，我摸佢個傷口，外表看來只有一條幾乎看不見的痕，但摸落有些硬硬地的一舊，應該是縫針的位置，係咪以後一直都係咁，定係暫時性呢?
嗱，一好番D，就跳上我書柜裏玩........
夢B仲keep倒bb樣好可愛啊！
回覆刪除佢冇咩你就安心哂啦！
[版主回覆12/11/2012 21:24:36]不過而家佢好廋呢~~~
[波波豬回覆12/11/2012 16:18:19]咪亂黎,絕咗育會好肥架
[版主回覆12/10/2012 09:11:35]早晨，謝謝您關心~
安心晒了，接下來係曹肥佢囉
一好番又百厭真係好得意~
回覆刪除[版主回覆12/10/2012 11:33:00]哈，咪係，仲諗住絕左育會懶D....
哈碌: 夢夢, 你好番晒就好囉...你要聽媽媽話食多D野啊...我鍾意肥妹仔架呢~ 呵呵!
回覆刪除[版主回覆12/10/2012 11:29:48]係，我同佢講左了，老公仔要你肥D啊~~~~~~~~~
好返晒真係好啦~
回覆刪除[火火妹回覆12/17/2012 11:50:32]我無睇過書呀, 接觸天龍八部係打ONLINE GAME~
[版主回覆12/13/2012 21:27:07]哈.... 不過天龍八部真係好好睇~~~書仲好睇
[火火妹回覆12/13/2012 20:32:46]哈~係尼個行程聽導遊講嘅都係金庸小說嘅故事呀
[版主回覆12/10/2012 22:55:49]多謝您關心~~~
呵呵「立」到你寫去古城噃，等我得閒去仔細看看先...
大理讓我想起天龍八部
好野，冇事就安心晒啦
回覆刪除[版主回覆12/10/2012 22:56:04]謝謝關心~~~
阿夢幾好嘢喎，竟然唔lam傷口！因為一定會痛加埋痕，好勁呀阿夢！
回覆刪除[版主回覆12/10/2012 23:52:44]係嘛...係未因為手術做得好呢? 我在診所聽姑娘話，有另一隻貓不斷LAM，但見阿夢就無點理個傷口，所以佢建議我唔使買頭罩先，有LAM先買
返到來佢只LAM過一陣，過左兩日好似冇理過個傷口了...
不過頭兩日我有俾止痛藥佢食
夢夢好叻啊
回覆刪除[版主回覆12/11/2012 02:53:32]係嘛，呵呵多謝提點...
原來係咁，咁我等佢過排睇下點先~~~ 出門多驚嚇，最好唔使帶佢去
夢夢好叻女, 咁快就精靈番晒
回覆刪除[版主回覆12/11/2012 20:30:10]係，好百厭
個傷口摸落去有一舊嘢，係暫時性的，豆豆個時都有的，過左一排就無事家啦，唔洗擔心，不過盡量唔好摸佢的傷口果處，表面好返，肚入面可能未咁快覆完家。
回覆刪除夢夢好叻女喎唔舔傷口，好快就出番晒D毛，靚靚女!
EE 抱抱先
[版主回覆12/11/2012 20:42:51]噢....咁我放心了，謝謝指點
多謝EE
牛牛果時都係有舊野,唔洗擔心,後黎d毛毛生返出黎後又唔多覺嚕~~夢豬好靚女呀!!錫哂你呀~
回覆刪除[版主回覆12/11/2012 20:44:29]牛牛都有舊野...哦..
你有冇去睇波波踩衫按奶那條片，哈哈好好笑，我在想，牛牛會唔會咁樣呢~~~
波波都絕左育LU噃
好彩阿夢好快康復~
回覆刪除無左一大片毛啊!
[版主回覆12/12/2012 00:45:49]係啊....估計要兩個月先長得番晒......好在我間屋很焗....唔會冷親佢...
變靚女meow >( ^ T ^ )<
回覆刪除[版主回覆12/13/2012 09:22:12]阿夢﹕多謝哥哥~~~
一樣生生猛猛
回覆刪除[版主回覆12/13/2012 09:22:48]呵呵係，都係咁頑皮和嗲嗲.....
冇事就好喇
回覆刪除[版主回覆12/13/2012 09:23:38]是，謝謝您，冬至愉快~~~~~
HI, 你好, 你家阿夢好得意a~
回覆刪除有d問題想請教下~我隻囡係英國短毛, 聽講呢d猫會遲d發情, 但見阿夢9個月已發情, 我隻囡都差唔多9個月大了, 咁樣係等佢發情之後先絶育定發情之前絶 (依加)好d呢?? 我好擔心呢個問題, 本想等新年放長假時先去, 等自己多d時間睇住佢~ (爭扎中)
我都想去中環猫醫院, 聽到好多好評~等自己安心d, 有冇話預約乜醫生做好d呢??
希望各位比d意見~thx!
[版主回覆12/17/2012 23:46:45]不客氣，願神祝福你地
[Yammie Lee回覆12/17/2012 14:42:00]多謝你咁詳細既講解~連點照顧同價錢都有埋, 真係好貼心
真係要約一約同佢搞搞佢先, 希望佢學阿夢咁叻叻, 唔lam同快d復原就好~
麻煩晒你~
[版主回覆12/14/2012 20:55:55]太長氣，分開寫
中環貓醫院有五位醫生，我看過三位，都好好呢，其實你可以打電話去問姑娘先，通常大部份姑娘都好有心機在電話裏回答你的疑難，不過佢地應該會建議你快D帶佢來檢查和絕育
院長是Maggi，還有其他醫生，我看過Lisa和 Victoria，三位都好細心，仲有一位聽講都好好的Alison，同MAGGI兩位好多好評，阿夢是VICTORIA做的，要睇你就唔就到佢地的檔期
我的經驗是，如果你隻貓本身健康，之前又打晒針，咁其實唔係好多野需要準備..
我當天上午去做（周日佢地唔做手術，周六去好D，平時去中環好塞車），放低隻貓，然後晚上四五時才去取（如無特別情況），他們會等隻貓醒番看他有冇事先俾你接走... 當天回家讓她休息就OK
貓醫院做的縫針是乾淨縫線，唔使洗傷口，也唔使拆線的，如果擔心貓貓LAM傷口，也許幫佢買埋頭罩（我隻貓就唔LAM），我見上次診所另一隻貓護士話佢猛咁LAM... 回家後，小心唔好同佢玩跳上跳落，觀察傷口唔好爆就OK，貓砂和地板保持乾淨防止傷口可能感染
所以，應該唔使花你太多時間，有兩天假期照顧佢都OK喔...
神保守，阿夢三四天後就好似無咩事咁囉...
費用，淨計絕育900元，唔使入會費
[版主回覆12/14/2012 20:43:20]你好，呵呵謝謝您喜歡阿夢...
隻隻貓都唔一樣，醫生話有些貓會早有些會遲些...
我同你一樣想等下年初，但等唔切了...
不過你唔使太擔心，畢竟發情唔係病，但係如果貓女發情，原來係有生理周期，佢開始了發情的話，會半夜叫...成日好似痙攣咁都幾辛苦，每次發四至十日左右會停下，但若沒懷孕會又再發...........你不妨上網看看就知
一發的話，你地無覺好瞓，佢又辛苦，我隻貓算係好斯文...
最好等佢未開始發情帶佢去絕，因為發緊唔絕得，我本來都想等佢一歲先..
Hihi,你好呀,你隻貓貓好乖好可愛呀!
回覆刪除我有小小問題想問下你呀,因為我第一次養貓,好多野都唔知,
我見你話貓貓發情唔可以帶佢去絕育,但我約左醫生今個星期日就去幫佢絕育啦,
我想問點樣先知佢發完情?係唔係冇再叫就ok?同埋醫生會唔會知佢有冇發情架?
仲有如果同佢絕完育之後點樣幫佢檢查個傷口?絕育番黎係咪應該盡量唔好抱起佢廢是整到佢傷口?同埋我見你話如果佢lam傷口既話可以比頭罩佢帶,咁個D頭罩可以係邊到買?定係獸醫診所會比埋?
問左好多問題呀sorry><
因為第一次所以好驚有差錯..
希望大家可以比D意見我啦,唔該晒><!!
[版主回覆01/11/2013 23:27:12]Hihi...你好，你貓貓絕左育未呢? 好番未呢?
新年快樂~~~
[版主回覆12/25/2012 19:22:00]你好，聖誕快樂...
唔使擔心先... 首先，如果你貓貓發情，貓女的話，一般四至十天，會開始好嗲，會多左叫（唔係一般叫聲，有少少悽厲...半夜會叫....），有可能好似我所描述和影片咁樣...（請看之前的post有段片）...
發緊係不能做手術，你可以打電話去同姑娘講你的情況，一般發情的cycle會停下發下，直至受孕。如果真係發緊（好似我隻貓），一定要等佢停左先得，然後仲要讓醫生決定佢做唔做得，醫生有能力判斷（例如我那個醫生幫佢探熱，會用聽筒探聽佢內部）
至於傷口，有兩種手術方式，要拆線和不用拆線的，要拆線就要覆診，我做的是不用拆線（乾淨傷口+不用覆診），由於貓女傷口較大，怕佢四圍跳會擘開個傷口，所以回來後盡量一周唔好同佢玩咁勁，地板同砂盆乾淨D（傷口唔會容易感染）
頭罩呢，診所有售，但貓多數好抗拒的，買定先都OK，無LAM就唔使俾佢戴...
我個醫生就開埋止痛藥俾佢，其實佢初頭係會痛和累，瞓一天第二日應該會好好多
同埋呢，我睇的診所就叫我唔好咁快帶佢走（上午帶去，下午四五時才去領），等佢在診所醒番，麻醉藥後冇問題，才領佢回家會較好...
如果你間診所周日不開門，就唔好周六帶佢去絕，否則第日有事冇醫生睇...
我之前都擔心，但好多貓友都經過了，好少會出事，感謝神阿夢好順利，也禱告主讓你的貓平安