儘管之前感嘆人生苦事多，因為神，還是能經過，一些意想不到的好事讓我很感恩
今年很忙，冬至也沒有與家人食飯，昨天平安夜，日間與母親去醫院覆診，一搞就是大半天
感恩的是，大半天下來，結果我和家人在沒有約定下吃了晚飯，算是補了做冬的一餐...
昨天另外發生了一件特感恩的事...
話說，之前小妹用的NOKIA 5800因為經常當機，不得已換了手機
向來只把手機當作「電話」，上網甚麼的都沒興趣，但既然換手機，就連通話費計劃也轉了，加十多元轉用一個無限上網的plan...
手機買了最簡單的samsung galaxy pocket，輕巧又便宜，之前店員已說這款機行得好慢，也不太user friendly
小妹心想，上網我也只用來看whatsapp收下相片，慢少少不要緊，打電話沒問題就OK了.....
呵呵，誰知，真的非常慢........... 說的不是上網網速，而是例如撥打電話，從電話開鎖 --> 出現畫面的時間...2秒...
然後找電話號碼撥打，等一秒才轉到新畫面，聽落好像沒甚麼問題，用落就唔係...以往用的所有nokia機都比它快~~~
還有，內置不能取消的「撥打電話時自動鎖屏」功能，本意是好的，但一撥電話隨即鎖屏，連屏幕燈光也熄了，若對方有電話錄音要你按X字（例如打去大機構要你選語言、類別），要按着屏幕就煩了....開鎖慢...但鎖屏好快噃，來不及按鍵又鎖了...
當你在街上拿着一袋二袋，需要打電話~~~哎
屏幕觸感一般，又經常hang 機，也許我買到的是不良品???
剛買了又捨不得換掉... 心想忍吧忍吧... 還有很多其他事情需要花錢的呢
想不到昨天晚上在媽媽家，不經意說起電話的事，家人說剛換了手機，把他的iphone 送給我喔...
我知道神聽了我的訴苦... 在這平安夜送我一台電話~~
呵呵iphone好用多了（不過聽說，最新款的samsung galaxy比iphone更好用...）
不過，小妹有一事想請教:
我已經在電腦下載了itunes，插了線，明明說是同步完成，但是我用電腦在itunes買的項目卻不能下載到手機....
我還沒有更新itunes到6.0的版本，請問這個有沒有影響呢??
因為聽朋友說，新版的itunes是為了iphone5 設計的，我的是iphone4，若用在iphone4，會好食電....
呵呵，還有一件很開心的事，近來，阿夢半夜會走上我的床睡覺（哈，有些貓主唯恐貓兒上床，阿夢一直都唔肯入睡房瞓...）
可能天氣轉冷吧，早上起來腳一伸，伸到佢.....呵呵
這是在床尾拍的呵呵呵
平時陪住我做野，悶到七彩的樣子...
順便放埋佢的牙肉上來...就係咁少少紅，有冇問題呢? 醫生話少事滴下維他命牙水就OK...
聖誕快樂
回覆刪除夢夢佢唔入房訓?點解呀?
[版主回覆12/26/2012 07:43:53]小時候我們不想佢上床瞓（佢都跳唔到上來），怕佢會大小便，加上我們開冷氣關門，阿夢是一隻好合作的貓，佢無抱怨，也不抓門，習慣了在出面自由行...
聖誕快樂~~~並賀新年...祝福你
阿夢肯上床瞓，係好o既開始
回覆刪除[版主回覆12/26/2012 07:44:25]係，起初因為老大覺得動物污糟，為免拗頸，我唔俾佢入房瞓...
夢夢b肯上床瞓，係咪開心到唔知點形容呢？
回覆刪除我之前第一次仔仔上床瞓，真係開心到暈倒啊！
[版主回覆12/27/2012 16:35:21]係啊~~~之前大半年佢都唔肯上床瞓，那朝早伸一伸腳，發覺佢瞓到好熟，之後我連腳都唔敢伸，怕整醒佢走貓呢
不過呢兩日暖番，佢又走番出去瞓...哈
你仔仔起初點樣上床瞓呢.....吉吉嗎?
哈碌平時都好少跟我地訓, 最多都係訓喺床尾櫃, 梳粧枱... 但最近可能天氣凍,佢都有喺喺床上呢~ 我成日同哈碌講: 你乖乖地訓喺床上面, 最多我讓半邊床你訓丫....哈哈...做貓真幸福!
回覆刪除[版主回覆12/27/2012 16:38:57]哈，咪係，讓半張床俾佢有咩所謂呢...
熱天佢地可能鐘意瞓涼爽的地方，梳粧枱好過床，阿夢有時瞓上煮食的電磁爐...貪佢係玻璃夠涼爽
iTunes 更新到最新版本會好些，但你的iPhone 4暫時不要更新上iOS 6, 因為ios6 問題較多。itunes上你所選購的項目（譬如：音樂，電影），要喺itunes選項設定要同步的項目，
回覆刪除先可以與iPhone 中相同項目同步。
[版主回覆01/03/2013 23:29:20]哎，真係要投訴，點解而家YAHOO連人地留言，都唔通知我一聲...
一直都唔知你有留言....
聽講話因為有些人用的plan是有限上網的，所以如果不斷自動接收照片或影像，數據用量會急增，我用的是無限上網（但唔知真定假呢??），可能受影響不大
[扁臉貓回覆12/30/2012 23:31:07]有用㗎，因為成日自己都會定時清理相簿，所有都唔係太覺有乜唔同
[版主回覆12/30/2012 17:16:57]噢...唔該晒你....
好在暫時我用的範圍都好細
不過呢，聽講好多人話，新版的whatsapp唔好用，冇得disable 那個automatic download的功能，任何人send 任何streaming或相片，都自動下載....
我未更新，暫時停了個whatsapp，你有沒有在用，覺得如何?
[扁臉貓回覆12/30/2012 15:18:18]更新左ios6, 就唔可以變返ios5，惟有等apple下次更新吧。下一版ios6.1正在測試中，應該一個多月後就有新嘅update。
[版主回覆12/28/2012 22:50:20]哎，我更新左了...點算??
因為呢，我電腦download的itunes，我在上面的apple store買了野，下載唔到去個iphone，（可能之前我唔識整），更新左IOS 6之後就可以
聽人講，iphone 4用ios 6係有些問題，比如電池好快用完.......
但係，更新左好似返唔到轉頭.
好嘢呀!!! 阿夢肯上你床瞓了, 仲瞓得好舒服好"林"添!!
回覆刪除[版主回覆01/15/2013 00:54:34]我老公都唔係太習慣貓貓上床，不過而家佢俾阿夢熔化了...（加埋我日日在佢耳邊話...你睇阿夢點可愛點得意）
[小肥貓回覆01/15/2013 00:49:28]會架, 但佢鍾意瞓我地腳邊唔會瞓好上. 而通常老公響屋企係唔會俾小肥貓入房瞓架, 8號風球例外!
[版主回覆01/14/2013 13:39:34]哈.... 係，咬完後，佢會走貓......所以而家我一瞓醒都唔敢太大力伸腳，怕伸走左佢...
哈，肥貓會唔會在晚上瞓在你地中間
[小肥貓回覆01/14/2013 10:10:33]哈哈~ 係咪俾佢咬醒都覺得好甜呢!!
我試過伸到小肥貓, 半夢半醒之間諗"呢舊咩黎架?" 跟住叮一聲先諗返係小肥貓, 好彩佢都係半夢半醒, 未識俾反應!
[版主回覆01/14/2013 01:48:55]係啊.... 佢好有主見，叫佢上來瞓，佢唔上，有時半夜上床瞓，我一伸腳撐到佢...就俾佢咬醒