布料小店重開了，在臉書facebook，歡迎來坐坐~~
https://www.facebook.com/sewinlovewithjesus
最後會有使用兩個月的後記...
今日想分享的，是我的牙膠...night guard
話說小妹磨牙嚴重，經醫生建議，做了一個透明牙膠，晚晚戴住瞓覺，連續兩個月會有改善...
其實很不習慣，有一舊野在口裏不舒服，但是眼見牙膠俾我磨到花晒，就知道問題有多嚴重
磨牙多數是精神緊張引致，長期磨牙不但令牙齒磨蝕變平，更會牙肉敏感、牙骹也會很累和緊...
建議有這問題的朋友，早早就醫...
否則就似小妹咁... 大牙磨到平晒都唔知
還有呢，講開牙，小妹的口內腔牙床部份比較細小，唔夠空間讓牙齒整齊發展，以致牙齒都堆埋。一直以來，我食野都比較用力，牙骹容易累，但沒有人告訴我有問題...
直至我近年看牙醫，問他有沒有方法讓門牙整齊一點，他跟我說，我整棚牙齒比一般人的細小，而且，上下兩棚牙的咬口角度太深（合得太緊，所以牙骹很受壓力），這是從小出現的問題... 以致而家的牙都比較平...
而我也跟曾一位朋友傾起，講到牙齒發育的問題，可能因為小妹小時候不愛吃東西，很少咬野，令牙齒發育得唔好，所以，朋友們，若你們有小孩，讓他們多吃蔬菜，多咀嚼，這樣牙齒才會靚靚和健康....
[十二月三十日後記﹕我很善忘，沒有每天帶着睡覺，也可能因為戴着實在有點不自然（牙骹有點累），但是，真明顯覺得牙體鬆了一點點，咬合時沒以前那麼用力，醫生跟我說，這牙膠讓患者「磨牙」和因緊張而過份咬合的習慣慢慢改掉，會不知不覺改掉。
看來，醫生的說話誠然沒錯。。不便宜啊，做一幅要約2000元，但我覺得是值得的，尤其是嚴重患者 ]
這是牙模，先印好做牙膠
這是牙膠，其實好容易打理，不厚
個牙模會比返你架, 個牙膠好似好薄咁
回覆刪除[版主回覆12/14/2012 11:13:58]個牙模會俾番我，個牙膠看似好薄，係矽膠，所以其實好難咬得爛，如果真係咬爛，就說明患者磨牙情況好嚴重，唔戴的話，牙齒本身（上下兩棚牙對磨）好傷，你看我個模的大牙好細隻就係咁
右邊的大牙真係變得細隻喔, 你要記得帶住訓喇... 我之前箍牙都係用呢D透明牙套, 而家每晚訓覺都要帶住呢~
回覆刪除[版主回覆12/15/2012 23:24:08]我問過醫生，佢話其實我唔係哨牙，係因為牙床太細，同埋牙骨比較長，所以唔整齊喎，箍左只會整齊少少，叫我唔好做喎.... 除非磨牙骨（要開皮做手術那種）
我的牙有些似容袓兒那種大牙肉，不過冇佢個口咁大...
透明牙套我有諗過，不過好似要箍耐D，同埋貴D，而且醫生咁講，我就...算了，都一把年紀
[哈碌回覆12/15/2012 10:09:46]條脷大箍唔到牙我都第一次聽噃...
我係箍透明牙套果種, 唔駛剝牙(除左智慧齒之外), 但就要磨牙, 我都係早幾年先箍呢~ 箍左刷牙都刷得乾淨D架! 同埋透明牙套冇鋼線咁礙眼, 又冇咁痛...可以考慮下呀!
[版主回覆12/14/2012 23:34:35]下....條脷大有影響嗎? 這個第一次聽
我都係噃... 醫生話我門牙位的牙骨稍多，就算箍左，牙係齊左，但係仍然會讓人覺得門牙好細隻，見到牙肉... 除非削去牙骨 + 箍牙....好大工程
[Oli回覆12/14/2012 23:31:07]我都想箍牙㗎，因為我D牙都唔靚，不過醫生話我條脷過大，箍咗都唔會有太大屬改善，都唔建議我箍
[版主回覆12/14/2012 20:22:32]其實我本來都想箍牙，你見我棚牙其實好唔整齊，原來係因為我個口內腔太細，不過一把年紀就算了....
不過真係好唔舒服，有時戴住直情瞓唔着..
"meet" 甩呢個習慣!!
回覆刪除[版主回覆12/16/2012 01:10:57]係啊~~~
相信做個(牙膠)價錢都唔平......
回覆刪除要食野就要有牙齒...要來唔來去醫生check下.
[版主回覆12/16/2012 22:20:52]唔平嫁，佢做模（連埋之後兩次返去唔使診金的），但無計啦，磨牙瞓着覺唔知也控制唔到...
洗牙時問下醫生就知呵呵
我有個朋友一樣受磨牙困擾呀,不過佢無你咁處理呢個問題,真係講極都唔聽呀!!
回覆刪除[MI小米小米MI回覆12/18/2012 09:47:59]我會呀,點都要再同佢講下~~佢係唔聽啫....
[版主回覆12/17/2012 23:38:32]哎，咁要勸下佢... 因為磨牙對牙齒好傷... 對牙骹都唔好
其實呢個療法好簡單，只要去三次醫生度，做牙套+取牙套+覆診
我剛做了牙膠，戴左兩睌，好唔自在，完全瞓唔到，點算好?戴左牙膠後，我上下兩排牙只有最後面隻大牙會接觸到，好似成排牙頂起左，即係上下排完全合唔埋，請問你係咪咁嘅呢?
回覆刪除[版主回覆01/26/2013 15:20:37]你好，係啊，我初初幾晚真係完全瞓唔到，因為後面大牙上下會頂住（呵呵我地同聲同氣），個口好攰...
但係你要堅持，我好冇記性，唔係日日記得戴，但斷斷續續戴了個多兩個月，發覺而家真係有改善...
本來醫生建議我日日戴兩三個月，就可以改為每隔兩周，戴兩周，然後收埋佢，每隔一段日子拿出來戴兩周... 因為我唔聽話，冇日日戴住，所以我而家仲係努力試下連續日日戴（戴兩周先停）。
而家瞓覺都係覺得有些頂住，但就唔會好似初初咁頂，也瞓得着了...
其實呢，呢個牙膠除左幫你唔能夠磨牙，仲會幫助你的牙骹鬆一D，磨牙的人有些因為精神緊張，其實牙骹一般會比較緊，平時你唔覺，戴左個牙膠發覺佢迫住你上下兩棚牙要有虛位，久而久之，你會發覺個口鬆左，亦因此，而家我戴住瞓覺就冇咁怪同埋瞓得着，平時個口都鬆左好多呢.......
我戴住呢，直情覺得牙肉好酸，但見到有效，就一定要用，你見我的牙模....牙齒磨蝕了許多
我今日洗牙時，醫生都建議我整牙膠。
回覆刪除請問點打理ga?
你好，唔好意思，bloggers無通知我有留言...
刪除好容易打理，只需用水洗，其實唔污糟，洗後晾乾就OK，唔好曬佢就OK。
我戴左一個月度，少左磨牙，後來因為牙較發炎，唔可以戴，但是而家冇咩磨牙了..