今次好長氣........
不過我的懵人經驗，呵呵貓友新手可借鑑....
阿夢昨晚嘔水時的樣子....在我電腦前嘔....
哎一股，都是媽媽不好...
搬家執屋，塵土飛揚，紙皮箱又多，地板沒空抹.....
可惜，肥夢不合作，我又阻止唔到佢
專門往箱子裏鑽，不髒的地方不去，喜歡聞和食污糟的東西
點解貓貓不肯「潔身」自愛 XDDD
結果...家搬好了，發現她耳朶出現啡黑耳垢
但是就冇見佢抓耳，又冇fing頭.....
儘管每天清潔，但是還是結垢
這不怪她，是我不給力，唉，累死了...
那我本來打算去pet shop買支無藥性的洗耳水，幫佢滴下....
唔得就去睇醫生...
點知去到店舖，聽店主建議，可能有耳蟎，買了支耳蟎水...
咁我就按盒上指示，幫佢滴....
咁就出事了......................................................
佢滴完藥開始嘔少少口水，我以為佢唔少心lam到藥，平時佢都會咁...
因為實在太疲累，見佢冇咩特別野，我就去左睡個evening nap....
晚上醒來，見佢四圍行來行去.....伴隨佢的足跡的，是佢的一滴滴口水
行下嘔下，唔係好多，但是見佢又無其他野，食得痾得，就是食完又嘔水
已經九時多，無醫生睇，我好擔心，佢耳仔紅晒，又熱...
哎一股，我餵佢飲多D水，不斷禱告....整夜沒睡，一邊工作一邊看着她
我怕佢會中毒，但是耳水係俾貓貓的，唯一可能是她敏感或藥量過多.....
半夜上網找醫生，區內有診所，但是有人說不好，
咁我找到一間土瓜灣動物醫院，口碑不錯....
不是不相信醫生，但是香港獸醫口碑參差，之前一直睇開香港貓醫院
佢地係好好，只是他們早上多數做手術，
而我搬了入將軍澳，就算早上醫生有時間，去中環搭的士，會好塞車.......
咁我九時正打去土瓜灣動物醫院（http://www.faithfulvet.com/）
但是我想約的兩位醫生早上不在，有另一位黃醫生，禱告後就試試吧...
阿夢肥左好多，提住個箱帶佢去，好重 >"<
哈，到診所一磅，減去個箱，約5.2公斤......即十一磅了...
醫生細心診症後，認為很可能是藥物敏感，因為：
1. 佢冇發燒
2. 佢肯食野，嘔吐物只是口水
3. 佢有小便，正常的
4. 除了冇心機，不活躍，沒其他症狀，但四肢有力
（哈，佢四圍跳上去琴面、書桌上、床上、碗柜上....四圍坐，度度都嘔灘水.....><）
5. 我一向家中不噴殺蟲藥，不用漂白水，其他中毒機會極微
6. 耳仔好紅...但已褪了少少
但是，也有機會是用藥過量....雖然我滴的份量已經比耳水盒上寫的少....
要觀察兩天....
另外，其實也有可能係耳水太苦，流左去喉嚨，佢苦到嘔....
咁，佢本來的問題 － 耳仔好多耳垢，又點呢
醫生看過耳仔（佢用那支放大鏡，我好想買一支啊啊啊~~~~~）
話裏面好乾淨 （吓 ????）
原因估計是：
1. 之前滴的耳蟎水已經將裏面的污糟野整晒出來
2. 我一向用revolution，每月用，其實可防耳蟎，阿夢應該只是耳仔發炎，而不是生蟲........
醫生估計，因為我搬家好多塵，而且搬到新居呢邊又亂，污糟野入左耳仔，佢敏感....就發炎
滴埋耳水，更加敏感
於是，就幫佢打左抗生素，阻止炎症繼續，還有俾佢食敏感藥....都是打針的
又俾左藥我回家餵佢食....
哎一股，我從未餵佢食過藥，佢地就建議我用餵藥棒 + 膠囊.....又教我用手餵
就咁樣，阿夢回家了，晚上已經沒有嘔水，但是就好攰....
耳仔也沒紅了，心痛屎我........
我晚上餵佢食藥，用手餵，餵唔到俾佢咬左好多下.....
用支藥棒，OK喎....
嗱，我用的就是呢隻耳水，醫生話阿夢可能敏感
以後有其中成份的也不要用
這些就是處方的藥物....
這次我很感謝黃醫生，Lilian，第一次睇佢，其實唔知好唔好（我唔係話佢唔好.....）
但是喜出望外的是，她很細心，問左好多問題，而且好為阿夢着想
她和男護士好好人，一睇就知道阿夢是「驚青貓」，仲以為阿夢係仔
（因為阿夢好重，原來她可以捐血了...哈）
就唔建議阿夢留在診所觀察，也沒有叫我做甚麼血液檢查，也沒有hard sell
然後晚上診所姑娘打電話俾我，問阿夢的情況有沒有改善....
咁我下次打防疫可以去呢間了，若只打疫苗，現時收費是240元，不收診症費
在網上見貓友對於這診所的其他兩位主診醫生評價不錯，實際我就唔知
香港貓醫院呢，醫生都好好，唔會硬銷，就是好遠.....同埋都唔平....
經過今次，以後我都唔敢買有藥性的成藥......
也知道原來藥太苦，或敏感，貓貓會嘔水.....
睇完醫生....佢好牛豆
