今天要介紹的，就是我新添置的家居用品....
有關這吸塵機，小妹網誌有另一篇介紹其吸頭，還有兩段錄像，讓朋友聽聽嘈音的程度
考慮了許久（也有一年吧）好不好買一部吸塵機......
以我的體質，我早應買一部強力吸塵機，卻又捨不得，而且覺得阿信式抹地是最乾淨的...
沒錯，阿信式抹地真的很乾淨，可是，我不能抹走書本上的塵，不能抹走沙發套裏的蟎蟲.....
而且由於有了貓貓，不能噴殺蟎水，唯有物色吸力和過濾力強的吸塵機幫手...
從外國的實驗可見，吸塵機可以殺滅跳蚤，記得以前美國老師話，bed bugs都可以用吸塵機吸的，當然不能杜絕....
http://www.reuters.com/article/2007/12/19/us-vacuum-idUSN1952863920071219
然後，在塵袋裏加入除虱帶或者滅虱粉，咁就萬無一失了...相信比噴殺蟲水更安全有效
http://www.ehow.com/how_7686077_kill-fleas-vacuum-cleaner-bags.html
於是，訂了這部德國名牌的強力吸塵機....這品牌也許不及飛記、日立、樂聲、伊來克斯....某些水濾機那麼深入民心，但確是一台非常耐用、信譽良好、實幹的機器
Miele的吸塵機有好多型號，我買的是專門給敏感體質用的...是S5000系列中的5281，特別之處在於地板扒頭有個sensor，感應到地板上仍有塵，會亮紅燈，乾淨就亮綠燈（見下面紙盒上的圖），不過呢，我唔係貪呢個頭，因為家居細小，大扒頭好麻煩，而且屋企唔會好污糟...
今日試用了，小妹不習慣用大型吸塵機（比起手提機），不過機器設計優良，好拖，又靜，我拿拿林用專用的吸咀，吸左沙發、床墊先...
細細部，馬力好足，但嘈音好細啊.... 而且聲音並不「尖銳」，比較分散，調校最輕力時，貓貓不怕
我還配置了一個專吸床的渦輪吸咀，以及售貨員說另外送的超長軟吸咀...
遲些介紹
來看看包裝盒...
這是尺寸，呵呵比貓貓的外出箱還小呢.... 可是，馬力是2200W啊... 珍珠色
這是甚麼東東???
就是如果你把吸喉拔走，用來封住機身的入塵口的蓋，隨機配件，這個還有活性炭呢
這是意料之外的禮物...因為問了售貨員，說不送這個，要另購...誰知送埋...
這是專門吸床墊的隙縫的咀...
這是專用塵袋，載塵量4.5公升，一年換三至四個袋就OK。而且是九層濾網啊...
比起坊間其他牌子的四層、五層，這無疑能濾走很多細小的塵埃，而且吸了玻璃也割不破的
同場加映... 貓咪八卦地「捐」了入去紙箱裏...但是，她是從這個細小的剪口捐入去....><
拿拿拿，未開機，佢又來八卦... 一開機...就弓起個身...好緊張呵呵呵
這就是入塵口，上面的黑色弧位就是塵袋開關處，而下面有個透明窗仔，就是塵袋使用程度的顯示器，
塵袋滿了，會有條橙色條顯示，而窗仔下面有個掣，按下打開就是隨機配件...
呵呵打開內籠....下面塵袋，上面係HEPA濾網
塵袋有個蓋仔，換袋時，它會關上，不會漏塵，好方便
這個是HEPA灑芯，外國不少賣吸塵機和測試吸塵機的人士，在youtube都介紹了Miele的濾網...
因為呢，好些聲稱能過濾細至0.3微米塵埃的機，用專業機器測試其排出的風，都不及格，
唯有Miele在很多不同人士的測試中，都能證明排出的風真的做到過濾0.3微米或以上的塵埃...
這個網仲有另外兩款可選，另有隔走味道的
這是隨塵袋配送的保護馬逹的塵網
按此掣，打開配件放置的格
除了上面提到另外送的咀，這是基本三個咀仔
左邊是刷，好好用... 用來吸書
中間尖咀
右邊打算用來吸窗簾和布料
這是機底的輪，可直立，好好拖...
嘩嘩嘩....終於見到佢真身喇....我見到呢個牌子好似出埋蒸爐好勁架.....睇甩你部正野攪到我地好想入手....就黎頂唔住佢D毛毛喇~~
回覆刪除[版主回覆06/27/2012 16:20:05]唔使客氣...不過這牌子的吸塵機只保養一年，之後唔可以續保....但壞了可以拿回去整...我在豐澤買，佢就幫我續多了兩年（由豐澤承包）...不過頭幾年壞的機會好細..
[MI小米小米MI回覆06/27/2012 15:05:14]love you ar hun~~
[版主回覆06/27/2012 12:49:12]當然，巿面上還有出名的dyson、electrolus 、rainbow水機，dyson好多人話好，有朋友用緊，覺得好好，佢住村屋唔怕嘈，但我和貓貓怕，而且我唔想用無塵袋（http://www.wretch.cc/blog/huckisme/10974680），伊來克斯都有不少捧場客，聽說不錯喔.....不妨比較下 : )
[版主回覆06/27/2012 12:30:16]呵呵唔使客氣，我講的2000樓下的，有兩部，都係基本型號，S2121、S2111，機比我這部細又輕，1600W的。。我覺得應該夠你用，因為其實好多配件都可以另配，包括專吸毛毛和床褥或沙發的渦輪吸頭（頭裏有一條毛毛軸，開機吸時，會滾動把貓毛吸入，請見http://www.yatego.com/franz-jasper-shop/p,49fdb953276e3,45be1f21660997_9,miele-7252850-handturbobuerste-stb-101），如果你問佢也你要吸貓毛，most probably佢地會介紹S6320專吸貓毛的機（3188元），呢部機的馬力是2000W，特別之處是個地拖頭就是大渦輪頭，同埋應該會額外送一個普通地拖吸頭（除了基本三個頭），還有活性碳濾網，不過.....其實我依家吸了三日，發現我唔需要開到最大力（因為屋企唔係好污糟），貓毛好輕，其實二、三點（最強六點）已經夠力（而我部機是2200W），如果你間屋唔係太大，1600W應該OK。而濾網都可以另配（160~350元兩款），我另配那個細渦輪頭，750元（就算是大渦輪頭都係800元），專吸沙發和床的毛和塵蟎，我覺得S2111或S2121就算再配配件，都唔使3000多元，而且S6320的塵袋較細（只有3.5KG）而S2系列的有4.5KG，你可以到時問下佢地，讓佢地為你比較一下...
[MI小米小米MI回覆06/27/2012 09:47:36]
[版主回覆06/26/2012 17:38:22]我研究左好耐關於吸塵機的資料... 覺得這個牌子（唔一定呢部，呢部比較貴）很好，雖然在香港唔算甚麼No.1品牌（基於佢價錢貴），但公認的耐用，唔會因為馬力強勁，用用下個摩打會死機....
如果你地要求唔高，又冇敏感，其實佢地有些二千元樓下的機，一定夠用
而且真係好靜，雖然，貓貓怕佢，但只有71分貝左右，比我以前那部手提威馬仔靜好多...
佢的塵袋有九層，就算最平的型號（可加或唔加hepa網），都已經比其他牌子的hepa機能隔走更多污物。貓毛一定無問題，而且佢仲有好多吸咀可以配，我下次會介紹一個專用於床品沙發的吸咀，可以吸走沙發上的貓毛，當然用普通咀都OK
如果你真係有興趣，可以去佢地的陳列室看看，在銅鑼灣禮頓道，或者我在太古城豐澤買，剛好跟他們派落來的銷售顧問買（會好清楚邊部機適合，好詳細的），在豐澤有二十四個月分期...
貓貓的毛粘住我的衣物、枱上、隨屋都係，真係用抹布無法清走...
我最憎開機時噴出嘅熱氣帶動啲毛毛飛起，呢都會嗎？咩價錢？
回覆刪除[版主回覆06/27/2012 12:51:14]你意思係，開機時，吸塵機的出風位嗎??
我唔覺有呢....因為佢有hepa網，出來的風連塵蟎都走唔到出來了...
我就係因為看過不少測試，證實佢的過濾程序的確濾走好細粒的塵，先至買呢個牌子
我呢部要3988元，但基本型號 1600W的，約1600元有一部