我的小網店是http://hk.user.auctions.yahoo.com/hk/booth/busueyip
歡迎來逛逛，重開了
近日新添置的吸塵機，多得佢，我的清潔工作輕省了
雖然節省的時間不算太多，但吸塵機能夠快速吸走貓毛、桌上的塵埃... 書柜的塵...
今天特別介紹這款Miele S5281的吸咀，還有另配的渦輪吸咀
有冇發覺.... 至八卦的貓貓冇再入鏡頭....
佢體驗過吸塵機的「威力」之後，每次拉部機出來，佢就彈開幾尺，坐在枱上面觀望
第一款﹕額外附送的....（現時在太古豐澤的Miele銷售顧問黃小姐應該還有得送）
另購要250元... 呵呵
56CM長，中間是橡膠可以「屈」，這個非常好用... 我都用佢吸第一次，再用大扒頭（好重）吸第二次
屈曲度很高....
這就是吸床專用的渦輪吸咀... 有大中小三個尺寸，我買中的，16CM寬，方便吸沙發
底部是咁樣，有條軸，開機後會轉，把毛毛塵埃吸入...好好用
這個頭可以打開清潔，之前吸左了次，今日吸第二次，吸沙發，但唔覺乾淨左
不過，打開吸咀，才發覺，真係吸到好多「塵mei」，即係有些無塵袋強力吸塵機，吸完之後俾你睇個塵箱好多灰白色的「塵」
這個吸頭就做到了，佢把這些肉眼看不見（唔覺眼）的微塵和蟲仔...都吸入塵袋，但吸咀也有一些灰...需要水洗清理...
我會向Miele反映下，應該隨機配送一支清潔吸咀的刷仔，或者可以用舊牙刷
這就是微塵，比香爐灰更細滑... 即表示，我的沙發的確乾淨左了...
以後我會定期吸沙發和床舖，把蟎蟲和皮梢吸走，就唔使噴殺蟎水了....
以下是兩條片，歡迎去youtube看///
唔知點解我唔可以把片上載到這裏...明明用了上載影片功能，卻上載了片頭張相...
我開二至三度，基本上我覺得係靜，佢的聲音
http://www.youtube.com/watch?v=AywpfmL1BPA&feature=channel&list=UL
這條片中，會見到吸頭的綠色燈一直着住（即係我屋企其實無MUG塵），但中段會見到燈變紅...表示有塵...
其實我唔覺得自己好需要這個扒頭，只是因為這個型號與次一級的型號價錢差不多
http://www.youtube.com/watch?v=jhLXTgZvvds&feature=youtu.be
用後感﹕我覺得靜（1至4度），但貓貓仍然係驚....見有貓友買了一部Rowenta的靜音吸塵機，估計會比這部更靜
頗重（差不多8KG），但體積細，基本配件（大扒頭+三個細咀）收於機內
S5281我認為適合家有敏感小孩，需要非常乾淨的朋友，或者有地毯的，這個扒頭吸地毯就very good了，因為呢，肉眼很難分辨地毯還有沒有塵，佢個sensor幫到你，而且這個頭（其他幾個型號都係）有個掣，方便吸硬地和地毯，不傷地板
普通家庭如我這二人家庭，基本上乾淨的，可以買價位低一點的款式就OK
多謝分享，我下一部嘅目標
回覆刪除[MI小米小米MI回覆07/03/2012 13:35:08]牛牛都唔怕架....仲成日跟住個吸塵機4圍去吸添.....不過我都唸住下個目標買呢個~~多謝你講得咁詳細呀!!
[波波豬回覆06/30/2012 23:30:10]波波唔怕吸塵機聲
[版主回覆06/30/2012 16:36:59]哈哈...聽講話rowenta有一部超淨音的...不妨去看看
多謝你的詳細介紹！我正諗住買 Miele 吸塵機。
回覆刪除我同 Apita 個 Sales 講我有養貓，佢即刻介紹我買 S6320 Cat & Dog，仲叫我買埋套「竉物家居護理組合 SCD 10」添。可是我心儀的是 S8 系列，但 Sales 話有養貓客買咗 S8 返去用無耐就要將 HEPA 瀘網更換做活性碳瀘網，好似話因為個 HEPA 瀘網被塞住同埋吸唔到味喎。
聽說貓狗毛吸咗入塵袋一段時間就會發出異味，我本身用開無塵袋的，唔知會有幾大味。所以想請教吓你︰個HEPA 瀘網好用嗎？有冇被塞住或唔到味呢？
[版主回覆07/18/2013 12:51:57]我觀察過，佢只係微「凳」，不過我唔知其他牌子係點樣，沒看過示範呢~~
[PN 媽回覆07/18/2013 12:27:42]上下「凳」呢樣嘢你唔講我都唔知喎。我仲以為其他牌子的渦輪頭都係一樣添。Thank you!
[版主回覆07/17/2013 17:06:50]唔使客氣，希望你買到適合的機款。實在我買那款個頭話係有sensor，但而家我拆左冇再用，因為屋細，又冇地氈，基本上個Sensor九成時間都話係綠燈（冇塵....），不如用條長咀仲方便。當初我都唔係貪佢有個sensor，只係見價錢差不多，買個好D的型號
個渦輪頭用來吸床褥的塵蟎好好，個sales話我知，好多牌子都有這種頭，但是miele個頭吸的時候，會上下「凳」，令到布料內的塵蟎和塵被「凳」起吸走...
呵呵好，你隨便引用我的文章，而家yahoo唔俾我再關注新blog友...無法關注你的blog，真係激屎人.......
[PN 媽回覆07/17/2013 15:03:16]多謝你的情報，我會問埋個 Sales，嘻！
謝謝你幫忙仔細檢查，我諗用HEPA瀘網應該無問題，我打算買S8+大渦輪扒頭
你講得啱呀，每當你清塵盒都會彈好多塵出來，就算無鼻敏感都好難受，仲要清埋塵盒D窿窿罅罅地方，很費時，所以要換番個用塵袋的。
你就好啦，隻貓用人形貓廁一下就上手了。諗番初初教佢地我真係好想死。我唔介意你 link 我篇 blog 文呀，同樣地，你介唔介意我放你篇blog文link喺我介紹砂盆的文章裏呢？
[版主回覆07/16/2013 15:47:05]唔使客氣喔...對了，Miele仲有一樣野都好方便，可以問埋個sales
以後只要你向佢地公司訂購兩件或以上任何貨品（塵袋），佢地會安排送上門...
我仔細check過，而家吸塵機出來的風有好微細的味道，但唔係臭味，一來有時我會吸左D貓糧入去，二來因為個塵盒其實在六月就到期...我仲未換...
點解你用開無塵袋的，要轉呢?? 我買呢部之前，其實有諗過用無塵袋的，但因為我鼻敏感好嚴重，一想到打開個塵盒清潔時，可能會彈好多塵出來，就冇買了...
關於個人形貓厠，我睇左你篇心得，先知道真是有些貓是唔鐘意用（唔係因為訓練得唔好我覺得...），可能因為我隻貓返來時好細（35日），而佢之前一直未開始用砂盆，所以第一次接觸就是這種砂盆，就沒有問題，你介唔介意我把你那篇blog文的link都放在我介紹砂盆的文章裏，讓貓友參考下呢...我覺得好有用呢
[PN 媽回覆07/16/2013 13:00:16]多謝你的詳細回覆和分享！
等我行多幾間睇吓有咩送先，我都好鍾意支長咀！
BTW, 我之前都有睇你篇人形貓廁和貓砂介紹的，真係介紹得好好，好詳細。正！
[版主回覆07/15/2013 17:03:07]其實我覺得因人而異，樓下的留言那位波波豬貓友就買左個8系列的，你不妨去看看她的comment（如果有記錯是她）...
我呢好係用活性hepa濾網（其實仲貴，360元一個）...但我唔覺有塞的情況噃....我用左成年都未換個濾網盒....但是....我部機冇味，出來的氣都冇咩味，個塵袋都唔覺有味飄出來，唔知點先知佢有冇塞（你不妨問下個sales，點知個盒塞左??）
S8最新的，功能估計應該好D吧，其實個濾網盒可以換，如果真係覺得HEPA盒會塞，就再買個普通的活性碳盒（平D添，你可以問下sales，S8系列是否可以用這兩種濾盒），只不過，因為hepa盒可以濾得好微細，所以佢話塞的機會也許會較大...
如果多貓家族，也許毛會很多，我呢，只有一隻貓，一周吸兩次，另一次用手抹地，說真的，我真係唔覺得有貓味，反而我自己的味就有囉，你平時隻貓有冇味??我覺得狗會大味，但是貓好少聽人講會有貓味
然後呢，S6320個塵袋（F/J/M）係細D，因為部機細D，但係同大塵袋（G/N型）價錢一樣，如果你吸塵好密，間屋大（我屋細，實際約300多尺，好省）的話，也許細塵袋兩三個月要換一次，大小的比例是4.5 : 3。
另外佢介紹你的組合SCD10，我覺得OK的，我有本catalogue，知道佢的內容。我在上圖中那個渦輪頭，佢有，這個很好用，吸床和梳化的微塵好好....另外，有一支長咀，類似我介紹的長咀，這個好好用，不過佢那條短D，還有的就是那個活性碳濾網盒，這個可以存放許久，你可以下年用....仲有個衛生活門，呢個呢，S6320就冇的，但我部5281就送埋，S8系列可能都送埋...
綜合來睇，其實呢個組合的內容，可以拆買，價錢差不了多少，但是這個組合係有用的，反而，你可以睇下，佢地唔同的機款有咩野送，上次我買的時候真係好好，佢送了支長咀俾我，但就唔係成日有野送
我去你個BLOG睇下貓先