小妹最憎不誠實的Sales，寫咁長，就係想分享下小妹的「矇」人經驗，請大家提防一下...
呵呵話說今天工作至早上七時才睡....
累極...十一時多電話嚮起，最唔想的就是俾推銷電話吵醒....奈何不能不接，可能係客人打來...
一接通，對話大概是﹕
對方﹕你好，請問是否XX小姐（佢知我姓氏，咁我就中招，同佢開始以下對話）
我﹕是，請問甚麼事?
我們是強積金代理人公司打來的（注意，佢唔係話自己是「香港其中一家強積金代理人公司，佢講到好似一個官方機構咁」）...想約你一個時間，向你解釋下關於強積金的XXX （忘了，好像是運作或規則改動甚麼的）
我﹕.......（未瞓醒... 唔知發生咩事）請問你地是甚麼機構?
對方﹕我們是強積金代理人公司...放心，我們不是宣傳和推銷的，只想約你一個時間，俾一份資料你，同埋向你解釋下強積金的運作...
我﹕咁你寄份野俾我就OK（我聽佢講野語氣非常的官腔，以為係政府屬下機構...）
對方﹕我們約個時間見面，到時俾份野你睇，同埋阻你少少時間講解下... 下周X你哪時有空
我﹕....我唔知，唔可以在電話講嗎﹖（我對強積金雖然唔熟，但唔係盲炳.......睇中英文完全無問題...點解要約出來??）
於是，佢就話唔得，咁我就諗住約佢在地鐵站取份資料....注意，這是我的重大判斷失誤，政府屬下任何工作人員一定不會私下約見巿民提供資料...而且多數會事先有信......
好了，佢唔肯在地鐵站，要約去麥記... 咁我就話OK....
就快收線時，我頭腦終於清醒一點....
我﹕請問你們是哪個機構，有沒有電話讓我打去查詢下?（一般我會上網查一查機構的情況，或直接打去問下情況，先會決定下一步）
對方﹕我們的電話已經顯示在你的手提電話裏（可疑... 正常公司或政府部門應該會提供熱線）而我們就是強積金代理人公司
我﹕咁你地個名是強積金代理人公司嗎?
對方﹕我們是HK MARKETINX的
我即時明白了.... 又是另一種扮官方扮專業機構的推銷手法......
我﹕咁即係你地唔係政府機構?
對方﹕我們是強積金代理人公司...康X理想的（WOW...商業機構... 有咁好死，無端端約我出去，俾份資料我... 仲要講解下強積金...）
我﹕咁你地既然唔係政府機構，你地有我的資料?
對方﹕我們獲得的只係小姐你的姓氏和電話，其餘一切都唔知（對了，這段對話前佢問左一些關於我入息和年紀... ）
我於是無講甚麼就收線...但是他約了我今周三（18日）見面
講到一半，我就發覺自己判斷錯了，相信網友、朋友們都是精明人，不過我真係識得一些朋友，或者對於政府政策唔多留意的朋友，聽到呢類電話，會以為是政府推介的公司或者政府直接打來...
一些跟進﹕
今天（周三18號）他話會一早打給我約實，但沒有人打來，到了約定時間，沒有人找過我...
The fact speaks for itself then, 事實勝於一切，呢間公司其實無誠意為他們cold call的客人提供資料，亦唔係真係為了幫人講解下強積金的資料﹕
1. 我們在電話裏的談話中，佢完全沒有講自己點稱呼，也沒有留低將與我見面的人的電話或名字，又唔肯主動講自己公司名，客人想找他們也無從入手...
2. 我們在對談中，佢問到我的收入，我隨便講了個低金額的，我又問長問短，可能因為咁樣，佢覺得我冇potential幫佢買野....
3. 佢地只係漁翁撒網式，約好多人出來（佢約實了我見面地點和大約時間），然後從中選有潛力的客人...
好在我都估到佢地的意圖，沒有預時間出去，否則，就浪費我時間...
小妹最討厭不誠實的銷售手法，就算現在一些大公司喜歡將屬下的項目判出去俾marketing公司做，但係，應該要一開始講明自己的來意、公司名，這樣取巧的做法，是固意唔想客人一聽到佢係甚麼理財或marketing公司就收線，同時也有像我這種「矇人」上當....
之前幾年，我成日收到一些關於「持續進修基金」的學校的推銷電話，佢地講到自己好似是政府推介的進修機構，又會講政府鼓勵巿民多進修，而家佢地有課程提供，讀完可以Claim番錢
聽落內容冇犯法，但佢地的說法，令人以為係政府叫佢地打去找某些人，叫佢地去進修，然後俾番部份錢佢...
有朋友唔知就裏，於是向我們查詢有關事宜...
也收過電話，話佢地抽中左我（又係知道我姓氏...????），有一份保險送俾我，仲送郵輪入場券??
我第一次接這種電話時，就覺得好奇怪....問長問短後，佢約我時間要出去拿，咁我講明唔知得唔得閒，及後佢無再打來..
點會咁着數，又送保險又送船券...
還有，就是成日收到的巿場調查電話，以往我都會幫幫手，覺得人地打份工，算啦...
但是，往往佢話幾分鐘，一問就差不多半小時..... 還有一次，有人做完所謂的巿場調查後，不久另一位小姐打來，向我推銷倫敦金...
所以，我話過，往後除了是中文大學之類的巿場統計，其他一概不做，巿場調查公司唔好怪巿民唔幫手....
以前大人人都有収D 類似電話
回覆刪除問你借吾借銭（大人人答： 我做放数0架Wow ）
問你売吾売你0向某某花園座豪邸（大人人答： 0個度未買Wow ）
当然好客気地答、但D 電話Always 0向你Busy 時候打0黎、就好似你今日所遇0既、、、
日本都有、大人人同木村只有手機、無0羊0尼D 電話、木村媽度就成日有人Call 0黎、問你装吾装修、、、各様！！
[版主回覆07/14/2012 20:07:14]我起初都好有禮貌、好好聲氣回絕...
但如果差不多每天、或每天有兩個咁的電話
仲要係你去厠所、沖涼、瞓緊覺時打來...扑出去接電話...
而且仲要係之前已經講過無數次叫佢DELETE我個紀錄唔好再打來（例如花旗人行、安信），真係火都來.... 浪費我電話費（打我手提）.......
[版主回覆07/14/2012 20:02:17]哈哈... 如果我有豪宅...歡迎問多D...
香港地產好叻.... 唔知點解佢地會知...比如我家人的電話...打去問佢地賣唔賣間樓
大人人有物業又有時間0既話、可能都会講多幾句、Update 0下楼市情況。 但重点係大人人無物業、都吾明点解会打0黎運吉
回覆刪除打電話0個D 好似有CCTV 影住你、真係１０次有１０次係你最吾方便接電話時先Call 0黎！！！
[版主回覆07/16/2012 19:38:10]正是... 等你好唔得閒時打來運吉
convoy 係咁架, 佢地唔係自己做, 係叫marketing 公司
回覆刪除不過依+ 好多銀行sale 野做借錢, 我都有少少懷疑係咪用出面d 公司打黎(雖然我未有呢個需要住)
[版主回覆07/16/2012 19:33:40]呵呵佢叫marketing公司唔緊要... 但呢位打電話來的人，其實攞明係唔想話俾個客人知佢地係邊間公司...唔係犯法，但一定係取巧
例如，星展打來問我借唔借錢（因為我係佢客戶），佢一打來第一句就話我地係星展打來的，花旗都係咁，大行一定執正來做，咁樣我至多覺得佢地煩啫...
但係我舉出的這件事就唔係，佢係特登唔講公司名，想引我出去，所謂俾D資料我看，又唔能夠在電話講明... 到最後，我追問了幾次先講公司名，佢連自己的姓氏都唔講，咁樣並唔係誠實的做法
銀行打來，我都唔會理，我要借錢，可以自己直接打去銀行問...費事好似你話咁樣，係其他人的騙局
我今日都收到，內容大至上跟你差不多，佢又係唔很寄資料比我，我叫佢遲D再打來，我要問HR 先，好在平時有睇警信遮!
回覆刪除[版主回覆09/11/2012 17:20:37]係... 佢前幾日又打來了...
小心小心
而家仲有一些係大陸打來的電話添...
我最怕老人家俾呢d人騙到
我都幾乎中招呀，佢話有啲好重要嘅強積金文件要親手交俾我，最後我話唔要啦，銀行都完全冇通知，跟住收咗佢線，正一神棍嚟噶！！
回覆刪除[版主回覆10/26/2013 17:38:24]就係同你講的一模一樣....
我覺得佢地係取巧，雖然銷售的產品無犯法，但是好卑鄙
而家的公司有些銷售手法真係好差，明明事實係100%，只講50%，另外50%就特登唔講...
我近來要續約寬頻電視，個sales俾個價錢我，話係優惠價包左我想要的台，但是因為越加越貴，咁我cut左一些唔想睇的台，諗住會平D，點知仲貴左。最後我話我唔想再續了，咁佢話我知原來公司有規定最低消費，佢俾我個價錢就是最低消費的價...我後來仔細計過，其實佢俾個價根本就唔係咩優惠價...因為我買的台太少，其實應該低過規定的最低消費...但是佢唔話我知囉